🇺🇸 🇬🇪 ԱՄՆ-ի Կոնգրեսի 29 անդամ նամակ է հղել Վրաստանի վարչապետ Իրակլի Կոբախիձեին՝ կոչ անելով հետ կանչել «օտարերկրյա գործակալների մասին» օրենքի նախագիծը։

Ի․Գ․ Նույն օրինագիծը ԱՄՆ-ում ընդունվել է հեռավոր 1938թ․։

ԱՄՆ-ում այսքան մտահոգված չէին լինի, եթե, ըստ էության, օրենքի նախագիծն ուղղված չլիներ նաև [հատկապես/մասնավորապես] ամերիկյան ֆինանսական աղբյուրներից սնվող կառույցների դեմ։

Վրաստանում հասկանում են, թե ի՞նչ ընթացք են ունենում աշխարհաքաղաքական իրադարձությունները մեր տարածաշրջանում և հիմա այնտեղ դեռևս կուլիսային ոչ ակտիվ պայքար է գնում ռուսական և ամերիկյան ազդեցության ներքո գտնվող ուժերի միջև։

Ալբերտիչ | հեղինակային ալիք
@albertich_notes

Մի քանի դիտարկում մարդկանց ակնկալիքների և ինքնախաբեության-ինքնարդարացման մասին

▪️Նայելով Հայաստանում քաղաքական պրոցեսների հանդեպ մարդկանց արձագանքին՝ ինձ մոտ տպավորություն է, թե մարդիկ սպասում են, որ իրենց առաջնորդողները պետք է սրբեր լինեն։

Հասկանում ենք, չէ՞, որ խիստ մաքուր կենսագրությամբ ոչ միայն քաղաքական գործիչ, առհասարակ մարդ գտնելը՝ անիմաստ գործ է։

▪️2018-ից հետո առիթ եմ ունեցել շփվելու «նախկինացավով» տառապող շատ մարդկանց հետ։

Մարդկանց հիմնական միտքը՝ «թալանում էին, կգան՝ նորից կսկսեն թալանեն»։ Երբ հիմնավորում էիր, որ «սրանք էլ են թալանում»։ Սովորաբար պատասխանը գրեթե նույնաբովանդակ էր՝ «ով էլ լինի, դե կթալանի»։ Այսինքն՝ խնդիրը բացարձակ «թալանի մեջ չէ», այլ ինչ-որ երևակայական վախ, ինչ-որ երևակայական բանից։

▪️ «Գործողություններ են պետք»

Կտրուկ գործողությունները բերելու են բախումների ոստիկանության հետ։ Մենք գիտենք, որ ի տարբերություն 2018-ի ոստիկանության, ներկայիս ծառայողները հանուն վարկը փակող պարգևավճարի կանանց էլ ոտատակ կանեն։

Հետևաբար երբ ակնկալում ենք կտրուկ գործողություն՝ ինքներս պատրա՞ստ ենք դրա պատասխանատվության տակ մտնել, թե՞ առաջնորդվում ենք բազմոցաբունկերային շտաբի» լոգիկայով։

Ալբերտիչ | հեղինակային ալիք
@albertich_notes

🇷🇺 Իսկ այս ընթացքում Ռուսաստանում շատ հետաքրքիր տեղափոխումներ են։

ՌԴ նախագահ Պուտինը պաշտպանության նախարարի պաշտոնում առաջարկել է Անդրեյ Բելոուսովի թեկնածությունը։

Բելոուսովը մինչ այս զբաղեցրել է տնտեսության ոլորտը համակարգող փոխվարչապետի պաշտոնը։

Ալբերտիչ | հեղինակային ալիք
@albertich_notes

🇦🇲 🇫🇷 🇦🇿 Ֆրանսիայի ԱԳՆ.

Կոչ ենք անում շարունակել հայ-ադրբեջանական սահմանազատումն ապրիլի 19-ի արձանագրության սկզբունքների հիման վրա։

- - - - - - - - -

Ահա և Հայաստանում շատերի ընկալմամբ «ՀՀ դաշնակից» Ֆրանսիայի դիրքորոշումը։

Իրականում այսպիսի արձագանքը լավ է։ Նշանակում է՝ ամեն ինչ այս պահին ճիշտ ուղու վրա է։

Ալբերտիչ | հեղինակային ալիք
@albertich_notes

«ՍՐԲԱԶԱՆ ՇԱՐԺՄԱՆ» ՄԱՍԻՆ.
Ինտելեկտը՝ ընդդեմ տգիտության

⏩ Այս շարժումը նախորդներից տարբերվում է իր, այսպես ասած, «ակադեմիականությամբ»։

❗️Բագրատ Սրբազանը սկսել է իր հռչակած հանդիպումների շարքի ոչ քաղաքական մասը նկարիչների ու գրողների միություններով, ԳԱԱ-ով, այսօր այցելելու է ԵՊՀ։

⏩ Ցանկացած քաղաքական շարժում գայթակղում է ոչ միայն գաղափարական խմբերին, այլև որոշակի շահեր հետապնդող մանր ու միջին խմբերին։

❗️Հատկապես՝ այս դեպքում, երբ շարժման փաստացի առաջնորդը հեռու է քաղաքականությունից, իր շուրջ հավաքվածների մեջ միանշանակ կան «պիրանյաներ»։ Այս առումով կարևոր է Սրբազանի ճկունությունը և արագ ու ճշգրիտ կողմնորոշվելու ունակությունը։

⏩ Իմ երկու տարեկան աղջիկը հաճախ է անհամբերություն դրսևորում, ինչին ի պատասխան տատը նրան հիշեցնում է մի հայտնի արտահայտություն՝ «համբերությունը կյանք է»։

❗️Հենց դա է պակասում մեզ։ Կարծում ենք, որ եթե մի օր շուտ դրածոյին չհեռացնենք՝ ամեն ինչ կորած է։

❗️Մինչդեռ ա) չափազանց շտապողականությունը մեծացնում է կրկին սխալվելու հավանականությունը, բ) հարցի արագ լուծումը ենթադրում է մի սցենար, որի տակ շտապեցնողներից հազիվ թե որևէ մեկը կմտնի։

Ալբերտիչ | հեղինակային ալիք
@albertich_notes

ԻՆՉԻ՞/Ո՞ՒՄ ՀԱՄԱՐ Է ԱՅՍ ՊԱՅՔԱՐԸ

❌ Աթոռի՞։ Ո՛չ։ Այս պայքարում աթոռը պահում է մեկը՝ նա, ով դրա վրա այս պահին նստած է։

❌ Նախկինների։ Ո՛չ։ Թեև այս մանիպուլացիան շատ լավ է աշխատել, բայց այն կեղծ է։

❌ ՀԱԵ։ Ո՛չ։ Չնայած Հայոց եկեղեցին այս պահին հայկական ինքնությունն իր ուսերին պահող միակ տիտանն է, այդուհանդերձ, պայքարը ՀԱԵ համար չէ։

☑️ Ինքնության։ Այո՛։ Սա պայքար է հանուն հայկականության, հանուն գաղափարի, եթե կուզեք՝ հանուն լույսի, ընդդեմ կեղծի ու ստի, ընդդեմ նախանձի ու չարի։ Թվում է, վերացական հասկացություններ են։ Իսկ ո՞վ է ասել, որ հոգևոր արժեքները նյութական են։

Ալբերտիչ | հեղինակային ալիք
@albertich_notes

🇷🇺 ՌԴ ԱԳ փոխնախարար Միխայիլ Գալուզինը հարցազրույց է տվել ռուսական News.ru հարթակին, որտեղ անդրադարձել է եղել նաև մեր տարածաշրջանին։

Գալուզինի մտքերը համառոտ ներկայացնեմ ստորև․

🔹 🇪🇺 «ԵՄ դիտորդական առաքելության մասին»․ ըստ Գալուզինի՝ այն տարածաշրջանում հիբրիդային պատերազմի գործիք է կառույցի ձեռքում։

🔹 🇦🇲 🇷🇺 🇦🇿 «Մենք գրեթե հասել էինք համալիր հավասարակշռված պայմանավորվածության (ռուս-հայ-ադրբեջանական եռակողմ ձևաչափի մասին է), բայց գործընթացը կանգնեց ոչ մեր մեղքով»․ Գալուզինը բնականաբար մեղադրում է Արևմուտքին, որը, ըստ նրա, «վերմիշել է կախել Հայաստանի ականջներին» (չակերտներում գրվածն իմ խոսքն է)։

- - - - - - - - - - - - - - - -

Ռուսներին դժվար թե հաջողվի դիվանագիտական առումով վերականգնել ազդեցությունը պրոցեսի հանդեպ։ Միևնույն ժամանակ՝ ավանդաբար այնտեղ, ուր ռուսները տապալվել են դիվանագիտական դաշտում, սովորաբար ստացել են այլ ճանապարհով։

Եվ սա պետք է մտահոգի տարածաշրջանի բոլոր երկրներին, այդ թվում՝ Հայաստանին, նույնիսկ՝ դրածոյից հետո։

Ալբերտիչ | հեղինակային ալիք
@albertich_notes