🇦🇲 🇫🇷 🇦🇿 Ֆրանսիայի ԱԳՆ.

Կոչ ենք անում շարունակել հայ-ադրբեջանական սահմանազատումն ապրիլի 19-ի արձանագրության սկզբունքների հիման վրա։

- - - - - - - - -

Ահա և Հայաստանում շատերի ընկալմամբ «ՀՀ դաշնակից» Ֆրանսիայի դիրքորոշումը։

Իրականում այսպիսի արձագանքը լավ է։ Նշանակում է՝ ամեն ինչ այս պահին ճիշտ ուղու վրա է։

Ալբերտիչ | հեղինակային ալիք
@albertich_notes

«ՍՐԲԱԶԱՆ ՇԱՐԺՄԱՆ» ՄԱՍԻՆ.
Ինտելեկտը՝ ընդդեմ տգիտության

⏩ Այս շարժումը նախորդներից տարբերվում է իր, այսպես ասած, «ակադեմիականությամբ»։

❗️Բագրատ Սրբազանը սկսել է իր հռչակած հանդիպումների շարքի ոչ քաղաքական մասը նկարիչների ու գրողների միություններով, ԳԱԱ-ով, այսօր այցելելու է ԵՊՀ։

⏩ Ցանկացած քաղաքական շարժում գայթակղում է ոչ միայն գաղափարական խմբերին, այլև որոշակի շահեր հետապնդող մանր ու միջին խմբերին։

❗️Հատկապես՝ այս դեպքում, երբ շարժման փաստացի առաջնորդը հեռու է քաղաքականությունից, իր շուրջ հավաքվածների մեջ միանշանակ կան «պիրանյաներ»։ Այս առումով կարևոր է Սրբազանի ճկունությունը և արագ ու ճշգրիտ կողմնորոշվելու ունակությունը։

⏩ Իմ երկու տարեկան աղջիկը հաճախ է անհամբերություն դրսևորում, ինչին ի պատասխան տատը նրան հիշեցնում է մի հայտնի արտահայտություն՝ «համբերությունը կյանք է»։

❗️Հենց դա է պակասում մեզ։ Կարծում ենք, որ եթե մի օր շուտ դրածոյին չհեռացնենք՝ ամեն ինչ կորած է։

❗️Մինչդեռ ա) չափազանց շտապողականությունը մեծացնում է կրկին սխալվելու հավանականությունը, բ) հարցի արագ լուծումը ենթադրում է մի սցենար, որի տակ շտապեցնողներից հազիվ թե որևէ մեկը կմտնի։

Ալբերտիչ | հեղինակային ալիք
@albertich_notes

ԻՆՉԻ՞/Ո՞ՒՄ ՀԱՄԱՐ Է ԱՅՍ ՊԱՅՔԱՐԸ

❌ Աթոռի՞։ Ո՛չ։ Այս պայքարում աթոռը պահում է մեկը՝ նա, ով դրա վրա այս պահին նստած է։

❌ Նախկինների։ Ո՛չ։ Թեև այս մանիպուլացիան շատ լավ է աշխատել, բայց այն կեղծ է։

❌ ՀԱԵ։ Ո՛չ։ Չնայած Հայոց եկեղեցին այս պահին հայկական ինքնությունն իր ուսերին պահող միակ տիտանն է, այդուհանդերձ, պայքարը ՀԱԵ համար չէ։

☑️ Ինքնության։ Այո՛։ Սա պայքար է հանուն հայկականության, հանուն գաղափարի, եթե կուզեք՝ հանուն լույսի, ընդդեմ կեղծի ու ստի, ընդդեմ նախանձի ու չարի։ Թվում է, վերացական հասկացություններ են։ Իսկ ո՞վ է ասել, որ հոգևոր արժեքները նյութական են։

Ալբերտիչ | հեղինակային ալիք
@albertich_notes

🇷🇺 ՌԴ ԱԳ փոխնախարար Միխայիլ Գալուզինը հարցազրույց է տվել ռուսական News.ru հարթակին, որտեղ անդրադարձել է եղել նաև մեր տարածաշրջանին։

Գալուզինի մտքերը համառոտ ներկայացնեմ ստորև․

🔹 🇪🇺 «ԵՄ դիտորդական առաքելության մասին»․ ըստ Գալուզինի՝ այն տարածաշրջանում հիբրիդային պատերազմի գործիք է կառույցի ձեռքում։

🔹 🇦🇲 🇷🇺 🇦🇿 «Մենք գրեթե հասել էինք համալիր հավասարակշռված պայմանավորվածության (ռուս-հայ-ադրբեջանական եռակողմ ձևաչափի մասին է), բայց գործընթացը կանգնեց ոչ մեր մեղքով»․ Գալուզինը բնականաբար մեղադրում է Արևմուտքին, որը, ըստ նրա, «վերմիշել է կախել Հայաստանի ականջներին» (չակերտներում գրվածն իմ խոսքն է)։

- - - - - - - - - - - - - - - -

Ռուսներին դժվար թե հաջողվի դիվանագիտական առումով վերականգնել ազդեցությունը պրոցեսի հանդեպ։ Միևնույն ժամանակ՝ ավանդաբար այնտեղ, ուր ռուսները տապալվել են դիվանագիտական դաշտում, սովորաբար ստացել են այլ ճանապարհով։

Եվ սա պետք է մտահոգի տարածաշրջանի բոլոր երկրներին, այդ թվում՝ Հայաստանին, նույնիսկ՝ դրածոյից հետո։

Ալբերտիչ | հեղինակային ալիք
@albertich_notes

Հերքելով չհերքելու քպ-ական արվեստը՝

📣 «Ադրբեջանից Հայաստան տրանսֆերներ կա՛մ առկա չեն, կա՛մ էական ծավալ չեն կազմում». այսպես են արձագանքել ԿԲ-ից «Հայաստան» խմբակցությունից Գառնիկ Դանիելյանի երեկվա հարցադրմանը։

Հիշեցնեմ, որ ժամանակին տեղեկություն կար, որ 2018-ին Համաշխարհային բանկի միջոցով Ադրբեջանից Հայաստան էր փոխանցվել 200մլն դոլար (դե, պետության համար, օրինակ, այդ չափը իրապես «ոչ էական ծավալ է»)։

Ալբերտիչ | հեղինակային ալիք
@albertich_notes

Նախընտրում եմ չմտնել իշխանական մանիպուլացիաները բացահայտելու անպտուղ դաշտ, բայց այս մեկին ցանկանում եմ ուշադրություն հրավիրել։

Դիցուք․
Հայտարարություն #1️⃣
Վարչապետի պաշտոնը զբաղեցնողը հայտարարում է, որ հայերն ու ադրբեջանցիները սովոր չեն համակեցության և խաղաղության պայմանագիրը կոչված է այդ խնդիրը լուծելուն։

Հայտարարություն #2️⃣
Վարչապետի պաշտոնը զբաղեցնողի ներկայացուցիչները Կիրանցի բնակիչներին հայտնում են, որ պատ կկառուցեն գյուղով անցնող սահմանին։

Եթե մենք գիտենք, որ երկու երկրների միջև պատը որևէ պարագայում խաղաղ համակեցության նշան չէ, ապա ո՞վ է խաբում՝ «խաղաղ համակեցության» առաջամարտի՞կը, թե՞ նրա ներկայացուցիչները։

Վստահաբար երկուսն էլ։

Հուսամ, պատի մասին ստին Կիրանցում և մյուս գյուղերում չեն հավատա և տեղի չեն տա։

Ալբերտիչ | հեղինակային ալիք
@albertich_notes

Օրերս հարգարժան իրանագետ Վարդան Ոսկանյանը գրել էր, որ Ադրբեջանում իշխանությունը պահելու հիմքը Ալիևի համար հայատյացությունն է։

Շարունակելով այս միտքը՝ պետք է ասեմ, որ, ըստ էության, Ալիևը (ինչու ոչ՝ օրինակ, նաև Իսրայելը) շահագրգռված չէ Հայաստանի հետ «խաղաղ համակեցության» ծրագրի շուտափույթ ռեալիզացմամբ։

⏺Վաղուց եմ այն կարծիքին, որ Ալիևը ինչ-որ պահի որևէ իրադարձություն օգտագործելու է որպես casus belli։

⏺Ընդ որում՝ պարտադիր չէ, որ գնա լայնամասշտաբ էսկալացիայի։

⏺Տարածաշրջանում շահեր ունեցող ակտորներից հավանաբար միայն Իրանն ու Չինաստանն են շահագրգռված լարվածության սառեցմամբ։

⏺Մյուսները, մասնավորապես՝ ՌԴ և ԱՄՆ, խնդիր ունեն տարածաշրջանային հանգույցների վերահսկման մոնոպոլիա ունենալու։

Ալբերտիչ | հեղինակային ալիք
@albertich_notes

🇮🇷 Իրանի նախագահին և ԱԳ նախարարին տեղափոխող ուղղաթիռը վթարի է ենթարկվել։

Զոհերի ու վիրավորների մասին դեռ լուրեր չկան։

Ալբերտիչ | հեղինակային ալիք
@albertich_notes

🇮🇷 Իրանի շուրջ իրադարձություններին կարող եք հետևել ալիքներում։

հայալեզու՝

1) «Իրանն այսօր» - https://news.1rj.ru/str/IRI2day

2) Վարդան Ոսկանյանի հեղինակային ալիքում - https://news.1rj.ru/str/vardan_voskanyan

ռուսալեզու՝

1) Pars Today Russian - https://news.1rj.ru/str/parstodayrussian

Ալբերտիչ | հեղինակային ալիք
@albertich_notes