Երկու փաստ.

🔹 Ալիևը Բաքվի բանտում պահում է Արցախի բարձրաստիճան պաշտոնյաներին։

🔹 Հայաստանի վարչապետի պաշտոնը զբաղեցնողը Երևանում գործ է հարուցում Արցախի քաղաքապետների նկատմամբ կամ ձերբակալում։

Ավելին ասելու կարիք չկա։

Ալիևն ու սա պաշտոնյաներից հետո կհասնեն նաև սովորական քաղաքացիներին՝ զրկելով ապրելու համար նույնիսկ նվազագույն հնարավորություններից:

Արցախի հարցը վերջնական փակելուն զուգահեռ նույն գործողությունները կանեն Տավուշի, Սյունիքի, մնացած մարզերի նախկին պաշտոնյաների ու սովորական քաղաքացիների հանդեպ։ Վստահ եղեք։

Հետևաբար ի՞նչ է հասնում անել մեզնից յուրաքանչյուրից.

➡️Գնալ մայիսի 26-ի հանրահավաքին։

➡️Չնայել նրան, թե ովքեր են այս պահին շարժման առաջին պլանում խցկվում։

➡️Նույնիսկ եթե այս մարդկանց ներկայությունը հակասում է արդարության, ազնվության և այլ արժեքաբանական ձեր պատկերացումներին, հիշե՛ք.

➡️Շարժումը կհաջողի, նախ, քանակական ճնշման շնորհիվ։

➡️Սա միակ շարժումն է, ուր կգտնեք ձեր գաղափարական-արժեքային մտածողությունը կիսող մարդկանց, որոնք ի տարբերություն վերոնշյալների՝ շարժման մեջ մեծամասնություն են, նաև ձեր ներկայությամբ։

➡️Դրանից հետո այն ինքնաբերաբար զտվելու է՝ աստիճանաբար ազատելով Հայաստանի ճակատագրի համար պատասխանատու շրջանակին նիկոլականությունից։

Կհանդիպենք մայիսի 26-ին։

🤩 Ալբերտիչ | հեղինակային ալիք
@albertich_notes

ՕՐԱԿԱՐԳ ԹԵԼԱԴՐԵԼՈՒ ՄԱՍԻՆ

Հայաստանում դեռևս իշխանություն հանդիսացող ուժը այլևս չի կարողանում օրակարգ թելադրել։

Այն, ինչ եղավ երեկ՝ ոչ այլ ինչ էր, քան որևէ ասելիք չունենալով՝ մարդկանց քննարկման առարկա դառնալու ճղճիմ փորձ։

«Ուղղաթիռի հարկադրված վայրէջքը» (ցինիզմն էլ սահման ուներ ժամանակին… էլ չունի) նույն օպերայից է։

Ըստ այդմ՝ պետք է ամեն կերպ իշխանության մասին ցանկացած կարծիք հայտնելու, մեկնաբանելու գայթակղությանը չտրվել։

Գրել ինչից ասես՝ Սրբազան շարժման, անձնային որակների, Հայաստանյայց Առաքելական Եկեղեցու, եղանակի, հոլիվուդյան ֆիլմերի, Ջեքի Չանի, նախանձ հարևանի, շներին սիրելու մասին, բայց չանդրադառնալ վարչապետի պաշտոնը զբաղեցնողի և նրա թիմի որևէ անդամի բարբաջանքին, գրառումներին կամ արարքներին։

🤩 Ալբերտիչ | հեղինակային ալիք
@albertich_notes

Չեմ բացառում, որ Կիրանցում իր ձախողված փիարից հետո, եթե վաղն էլ մեծաքանակ եղավ հանրահավաքը, Հայաստանի վարչապետի պաշտոնը զբաղեցնողը կարող է դիմել իր միջնեկ եղբորը՝ Ալիևին։

Աստված տա, սխալվեմ, բայց ես չեմ տեսնում ի դեմս նրա՝ մարդու, ով պատրաստակամ է հոժարակամ և հանդարտ հեռանալու այդքան տենչալի իշխանությունից՝ ո՛չ նա, ո՛չ էլ Արտաշիսյանների վերջին թագուհու ինքնահռչակ ժառանգը։

🤩 Ալբերտիչ | հեղինակային ալիք
@albertich_notes

Բնական աղետներն ընդհանրապես դժվար կառավարելի են։ Այնպես չէ, որ երկրում հիանալի աշխատող համակարգ ունեցար, ապա կկարողանաս կանխել աղետը կամ առավելագույնս վերացնել հետևանքները։ Դա խիստ հարաբերական է՝ կախված տարբեր գործոններից։

Փոխարենը՝ կառավարումը աղետալի վիճակի բերածների կողմից նոր բնական և արհեստական աղետների հասցնելը հնարավոր է կանխել։

🟣Կանխելու ձև գիտենք։ Հավատն ունենք։

⚫️Մնացածը՝ ժամանակի խնդիր է։

🟣Դեռ էլի դժվարությունների միջով ունենք անցնելու։

⚫️Հաղթանակը մանանա չէ։ Այն պետք է վաստակել։

🤩 Ալբերտիչ | հեղինակային ալիք
@albertich_notes

«Դիմադրության շարժումը», բացի անպտուղ քայլերթերից, առանձնանում էր նաև հաճախակի անբարենպաստ եղանակային պայմաններով։

Այսօր էլ հանրահավաքից երկու ժամ առաջ, թվում էր, անհնարին կլինի այն կազմակերպել, բայց արի ու տես, որ ժամ-ժամուկեսում իրավիճակ փոխվեց։

Հենց սրա մասին եմ՝ պարբերաբար կրկնելով հավատի ու համբերության կարևորության մասին։

🤩 Ալբերտիչ | հեղինակային ալիք
@albertich_notes

🇦🇲 Հայաստանը կա ու կմնա՝ Արցախով։

🤩 Ալբերտիչ | հեղինակային ալիք
@albertich_notes

ԵՎ ԱՅՍՊԵՍ

✔️ Հոգևոր շարժումը պետք է ունենար հոգևորական առաջնորդ։ Հետևաբար Սրբազանի անձն այստեղ տրամաբանական է (ճիշտ կլիներ նաև, որպեսզի իր հոգևոր գործունեությունը չսառեցվեր)։

✔️ Քիչ եմ հավատում, թե վարչապետի պաշտոնը դեռևս զբաղեցնողն ունակ է խելամիտ քայլի դիմելու։ Թեև, ով իմանա, հնարավոր է իր անվտանգությունը գնահատելու կարողություն դեռ ունի։

✔️ Շարժումը ճիշտ ընթացքի մեջ է։ Կհաջողի վաղը, երկու շաբաթից, թե 6 ամսից՝ այն հաջողելու է։

✔️ Շարժման երեք առաջնային խնդիրներն այս պահին, ըստ իս.

1️⃣ Ցանկացած պարագայում կարճաժամկետում հասնել ներկայիս իշխանության հեռացմանը։

2️⃣ Մաքրել պետական համակարգը՝ ձևավորելով նորը իրապես արժանավորներից։

3️⃣ Պատրաստել երկիրը ծանր ժամանակների՝ ելնելով այն պարզ իրողությունից, որ կարճաժամկետում մեր տարածաշրջանը խաղաղություն չի տեսնելու։

🤩 Ալբերտիչ | հեղինակային ալիք
@albertich_notes

🇦🇲 🇮🇷 ԻՊՀԿ-ի (վստահ չեմ, որ ուղղակի առնչություն ունի) թելեգրամյան ալիքը գրում է.

«Մի իրանցին Հայաստանի վարչապետի պաշտոնում տեսնում է մյուս իրանցուն։

Հայաստանում իրանագիտության հիմնադիր պրոֆեսոր Գուրգեն Մելիքյանը երեկ հայտնեց, որ արքեպիսկոպոս Բագրատ Գալստանյանին տեսնում է՝ որպես Հայաստանի ապագա վարչապետի միասնական թեկնածուի։

Հայկական ԶԼՄ-ների տվյալներով՝ երկու անձանց մայրերն ու հայրերը հայկական ծագմամբ իրանցիներ են»։

Ասանկ հետաքրքիր բաներ։

[ Զարմանալի է, որ ՔՊ-ից դեռ Իրանին չեն մեղադրել Հայաստանում հեղաշրջման փորձի մեջ։ Դժվար էլ համարձակվեն մեղադրել ]

🤩 Ալբերտիչ | հեղինակային ալիք
@albertich_notes

Ոստիկանները շարունակելու են նման վարքագիծը 3 պատճառով.

1️⃣ Հանուն պարգևավճարի։

2️⃣ Քանի որ անպատիժ են մնում՝ անկախ գործադրած բռնության չափից։

3️⃣ Գիտեն, որ հակադարձ ազդեցություն չկա՝ ակցիաների մասնակիցները եկան, փողոց փակեցին, բերման ենթարկվեցին և վերջ՝ այդքանով ոստիկանի առջև կանգնած մարդկանց ազդեցությունը մաշվեց։

Ըստ այդմ՝ հստակ է, որ նույնաբովանդակ ակցիաներով համակարգը չես մաշեցնի։

Համակարգը պահող ուժայինները չեն հոգնելու «երկու կոպեկի համար» անընդհատ վազվզելուց։

🤩 Ալբերտիչ | հեղինակային ալիք
@albertich_notes

📣🇦🇲Վաղը՝ մայիսի 28-ին, Հայաստանի առաջին հանրապետության անկախության օրվա առթիվ ալիքում կհրապարակվի ծալավուն տեքստ, որում կանդրադառնամ մի քանի թեմաների, այդ թվում՝

☑️ Ոչ թե քաղաքական, այլ արժեքային հեղափոխության անհրաժեշտությանը։

☑️ Ակնկալիքների ռացիոնալության կարևորությանը։

🤩 Ալբերտիչ | հեղինակային ալիք
@albertich_notes

Տեքստը ալիքում կտեղադրվի 1 ժամից։ Մինչ այդ մի քանի մեջբերում․

1️⃣ Մեր ընկալման մեջ այսօր պրոցեսները նույնականացել են ինստագրամյան ռիլերին։

2️⃣ Ցանկանում ենք առավոտյան սկսած գործողությունից երեկոյան արդյունք ստանալ։

3️⃣ Դա նույնն է, ինչ 9 ամիս տևող հղիության պրոցեսից ակնկալենք, որ երեխան ծնվի բեղմնավորման հաջորդ օրը։

4️⃣ Մենք պայքարում ենք ուռուցքի դեմ, առանց մետաստազները չեզոքացնելու։

🤩 Ալբերտիչ | հեղինակային ալիք
@albertich_notes

5️⃣ Հանգամանքների բերումով, մետաստազները, ինչպիսիք են, օրինակ, անհայտ շահեր սպասարկող փոքր ու միջին խմբեր և առանձին անհատներ հայտնվել են հակաիշխանական պայքար մղողների շարքերում։

6️⃣ Այսպիսի իրավիճակում քաղաքական իշխանության փոփոխությունը բերելու է նրան, որ իբր առողջացած համակարգում նորից հայտնվելու են այդ «մետաստազները»․․․

7️⃣ Ստացվում է, որ ձեզ հետ պետք է անկեղծ լինեն, այսինքն՝ պարզ ասեն․ «Այո', Նիկոլը չարիք է, բայց մեկ այլ չարիք էլ մեր սահմանին կանգնած թշնամին է։ Ուստի Նիկոլի հեռացումը չի չեզոքացնելու վտանգը։ Պետք է պատրաստվենք»։

8️⃣ Միևնույն ժամանակ՝ ձեր չսթրեսման համար ականջահաճո բան ասեն, թե՝ «Նիկոլը գնա՝ ամեն ինչ լավ է լինելու»...

🤩 Ալբերտիչ | հեղինակային ալիք
@albertich_notes

ԱՆԿԱԽ ՄՏԱԾՈՂՈՒԹՅՈՒՆ

Այսպիսի պայմաններում, առանց նշածս բաների վերացման, հնարավոր չէ հասնել քաղաքական այնպիսի փոփոխության, որ ունենանք մեր պատկերացրած Հայաստանը, ուր Արցախն արժեք է, Տավուշը՝ հայկական, Հայոց ցեղասպանությունը՝ պահանջատիրություն, խաղաղությունը՝ ոչ միակողմանի զիջումներով և ծռած վզով, կքած մեջքով։

Ամբողջական հոդվածը՝ https://bit.ly/albertich_1

🤩 Ալբերտիչ | հեղինակային ալիք
@albertich_notes

Պետության և ինքնության պահպանման ակունքներում կանգնած ՀԱԵ-ի մուտքը Սարդարապատի հուշահամալիր փորձում են փակել պետության կազմաքանդման մեջ գերագույն պատասխանատուի թիկունքը պահելու համար «երկու կոպեկով» հոգին վաճառած ոստիկանները։

Ըստ երևույքին, ոստիկանությունն այն համակարգն է, որ առաջիններից մեկը պետք է մաքրվի։ Մի առանձին քավարան էլ իրենք ունեն անցնելու։

🤩 Ալբերտիչ | հեղինակային ալիք
@albertich_notes

Աշխարհում շատ քիչ ինստիտուտներ-կառույցներ կան այսօր, որոնք կայացած են և ունեն դարերի պատմություն։

Դրանցից մեկը Հայաստանյայց Առաքելական եկեղեցին է։

Կառույց, որը մնաց անկախ քրիստոնեական մյուս ճյուղերից, չճկվեց ո՛չ զրադաշտների, ո՛չ մուսուլմանների, ո՛չ էլ կաթոլիկ եկեղեցու առջև։

ՀԱԵ-ն կարճ ժամանակում տևականորեն դարձավ նաև հայկականության, հայ ինքնության պահպանման միակ երաշխավորը։

Հենց եկեղեցին իր վրա վերցրեց այդ դերը, որովհետև նախարար-իշխանների զգալի մասի շահը հազիվ այս կամ այն նվաճողի տեղապահի կարգավիճակը պահպանելն էր՝ սեփական ունեցվածքը չկորցնելու վախից։

Հակակրոնական ԽՍՀՄ տարիներին բնականաբար եկեղեցու դեմ քարոզչական արշավ էր։ 18-ամյա Պապին կարգեցին հերոս, որպեսզի Հայոց եկեղեցուն ներկայացնեն հակահերոսի կերպարում։

[ Ընդհանրապես, ես չգիտեմ որևէ թագավորություն, որում պատանի տարիքում գահը ժառանգածը պալատական մանիպուլյացիաների ու դավադրության զոհ դարձած չլինի, էլ չեմ ասում՝ նման բաներին դիմակայելու անփորձությունը։ Հետևաբար Պապի հերոսացումը, անկախ այդ պատմության մեջ եկեղեցու դերից, ինձ համար գեղեցիկ հեքիաթ է, ոչ ավելին ]

Այդուհանդերձ, եկեղեցին դիմակայեց նաև նոր կայսրությունում տոտալ աթեիզացման փորձերին։

Նկատի առնելով, որ այս պահին անկեղծորեն մենք պետություն, որպես այդպիսին, չունենք, հիմա Առաքելական եկեղեցու դերը կրկին նշանակալի է։

Եվ սա հստակ պետք է հասկանան նաև կառույցի ներսում։ Այսուհետ զսպվածությունը միայն ուժեղացնելու է ներքին ու արտաքին թշնամու ճնշումները հայկականության վերջին հիմնասյունի՝ ՀԱԵ-ի հանդեպ։

Կպարտվի ՀԱԵ-ն՝ կպարտվի Հայաստանը (ներառյալ՝ հայ ժողովուրդը):

🤩 Ալբերտիչ | հեղինակային ալիք
@albertich_notes

⚡️ՀՀ ոստիկանության պետ Արամ Հովհաննիսյանը Բագրատ Սրբազանին հրավիրեց առանձին հանդիպման ՆԳ նախարարի հետ։

Սա էլ երրորդ փոքր, բայց կարևոր արձանագրումը։ Թեև կարծում եմ, Սրբազանը պետք է պնդի հրպարակային հանդիպմանը։

🤩 Ալբերտիչ | հեղինակային ալիք
@albertich_notes

Տ — Տրամաբանություն

1️⃣ ՏԻՄ կառույցները դեռևս ապրիլին զուտ նախազգուշացնում են առաջիկայում Դեբեդի ու Ձորագետի վարարումների մասին, առանց լուրջ նախապատրաստական աշխատանքների։

2️⃣ Աղետը վրա է հասնում՝ պատճառ դառնալով զոհերի ու գույքային կորուստների։

3️⃣ Այլ կերպ ասած՝ իշխանությունները ձախողում են կառավարումը։

4️⃣ Հայտնվում են մարդիկ, ովքեր պնդում են, թե ամեն ինչ պետք է թողնել ու զբաղվել կամավորությամբ այն դեպքում, երբ իշխանությունն իր ողջ ներուժը աղետի գոտի ուղարկելու փոխարեն՝ կաթողիկոսի և Բագրատ արքեպիսկոպոսի ճանապարհներն արգելափակելուն է ուղղում։

Տ — ՏՐԱՄԱԲԱՆՈՒԹՅՈՒՆԸ հուշում է, որ հենց իշխանությունների գործողությունների և անգործության հետևանքով տապալվել է կորոնավիրուսի դեմ պայքարը (մի քանի հազար զոհ), պարտվել են պատերազմում (տարածքային ահռելի կորուստներ, հազարավոր զոհեր), չի կանխվել վրահաս բնական աղետը Լոռիում և Տավուշում։

Էլ ի՞նչ է պետք մարդկանց հասկանալու, որ եթե Դավիթը Անհողին էր, ապա Նիկոլը Աղետաբեր է։

🤩 Ալբերտիչ | հեղինակային ալիք
@albertich_notes

2024-ը Հայաստանի մասնավոր սեկտորում կարծես վերափոխումների թրենդով է ուղեկցվում։

🔵«Հայբիզնեսբանկը» դարձավ «AMIO»:

🔵«Ռոստելեկոմը»՝ «OVIO»:

🔵«HSBC Armenia»-ն գնվեց «Արդշինբանկի» կողմից։

🔵«Ամերիաբանկը» ձեռք բերվեց «Bank of Georgia»-յի կողմից։

Ինչ եմ ուզում ասել։ Հուսամ, թրենդը մասնավորից կտեղափոխվի պետական և տարեվերջին վերափոխված կառավարություն կունենանք։

🤩 Ալբերտիչ | հեղինակային ալիք
@albertich_notes

2018-2024թթ. դժգոհությունների ժամանակագրություն։

🔹 Նախ, հասկանալով, որ վարչապետի պաշտոնը զբաղեցնողը աղետաբեր է՝ սկսեցինք պահանջել հրաժարականը։

🔹 Տեսնելով, որ դժգոհ զանգվածներին առաջնորդում են «նախկինները»՝ դժգոհեցինք այդ փաստից և նրանից, որ պարզապես քայլեցնում են։

🔹 Շարժումը նոր տեսք ստացավ, որի առաջնորդը դարձավ ոչ թե պարզապես «նախկինների» հետ որևէ կապ չունեցող անձ, այլև հոգևորական, ում ոչ մի պիտակավորում չի կպչում։

🔹 Նրանից էլ դժգոհ ենք, որովհետև ա-բ-գ-դ…

Նայում եմ մեզ՝ հիշում եմ Մովսեսի մասին աստվածաշնչյան պատմությունը. նվնվացող, մշտապես դժգոհ հրեաներ, որոնց Մովսեսը հանել էր եգիպտական ստրկությունից։

Մենք վստա՞հ ենք, որ արժանի էինք Արցախ ունենալուն։ Վստա՞հ ենք, որ մեր ցանկացածը ազատ և անկախ երկրում ապրելն է։ Վստա՞հ ենք, որ մենք ինքներս էլ նիկոլ չենք մեր տեսակով…

🤩 Ալբերտիչ | հեղինակային ալիք
@albertich_notes