2024-ը Հայաստանի մասնավոր սեկտորում կարծես վերափոխումների թրենդով է ուղեկցվում։

🔵«Հայբիզնեսբանկը» դարձավ «AMIO»:

🔵«Ռոստելեկոմը»՝ «OVIO»:

🔵«HSBC Armenia»-ն գնվեց «Արդշինբանկի» կողմից։

🔵«Ամերիաբանկը» ձեռք բերվեց «Bank of Georgia»-յի կողմից։

Ինչ եմ ուզում ասել։ Հուսամ, թրենդը մասնավորից կտեղափոխվի պետական և տարեվերջին վերափոխված կառավարություն կունենանք։

🤩 Ալբերտիչ | հեղինակային ալիք
@albertich_notes

2018-2024թթ. դժգոհությունների ժամանակագրություն։

🔹 Նախ, հասկանալով, որ վարչապետի պաշտոնը զբաղեցնողը աղետաբեր է՝ սկսեցինք պահանջել հրաժարականը։

🔹 Տեսնելով, որ դժգոհ զանգվածներին առաջնորդում են «նախկինները»՝ դժգոհեցինք այդ փաստից և նրանից, որ պարզապես քայլեցնում են։

🔹 Շարժումը նոր տեսք ստացավ, որի առաջնորդը դարձավ ոչ թե պարզապես «նախկինների» հետ որևէ կապ չունեցող անձ, այլև հոգևորական, ում ոչ մի պիտակավորում չի կպչում։

🔹 Նրանից էլ դժգոհ ենք, որովհետև ա-բ-գ-դ…

Նայում եմ մեզ՝ հիշում եմ Մովսեսի մասին աստվածաշնչյան պատմությունը. նվնվացող, մշտապես դժգոհ հրեաներ, որոնց Մովսեսը հանել էր եգիպտական ստրկությունից։

Մենք վստա՞հ ենք, որ արժանի էինք Արցախ ունենալուն։ Վստա՞հ ենք, որ մեր ցանկացածը ազատ և անկախ երկրում ապրելն է։ Վստա՞հ ենք, որ մենք ինքներս էլ նիկոլ չենք մեր տեսակով…

🤩 Ալբերտիչ | հեղինակային ալիք
@albertich_notes

Եթե հետևում եք թուրք-ադրբեջանական մեդիային, ապա հաստատ նկատել եք, թե ինչ ջանասիրությամբ են անձամբ Ալիևն ու Էրդողանը, առանձին պաշտոնյաներ գովում Փաշինյանին և ցեխ շպրտում «նախկինների» վրա:

Էրդողան.

Հայ ժողովուրդն իր ապագան պետք է տեսնի ոչ թե «սադրիչների», այլ հարևանների մեջ, որոնց հետ ապրել է դարեր շարունակ։ Հայաստանը կմոտենա խաղաղությանը, երբ ազատվի «օտար ուժերի ստրկությունից»։

❓Ի՞նչ եք կարծում, հենց այնպե՞ս են այդքան բարձր մակարդակով ձոներ ուղղում իրենց դրածոյին։

❗️Ո՛չ։

‼️ Զգում են, որ նրա իշխանության հիմքերը թուլանում են։

Ասածս ամենևին պրոպագանդիստական մեծախոսություն չէ։ Պարզ տրամաբանություն և քաղաքական իրողություն։

🤩 Ալբերտիչ | հեղինակային ալիք
@albertich_notes

Այսօր հարգելի պատճառներով նոր միայն տեղեկացա օրվա իրադարձություններից։

‼️ Ընդհարում ոստիկանության հետ, բերման ենթարկված հոգևորական:

Ձեզանից շատերի կարծիքով՝ սա էր պակասում շարժմանը։ Դա էլ կա։

Հիմա՞ էլ ենք շարունակելու թերահավատ լինել և նոր առիթներ գտնել զուտ կողքից քննադատելու համար։

🤩 Ալբերտիչ | հեղինակային ալիք
@albertich_notes

ՀՊԱՆՑԻԿ ԱՇԽԱՐՀԱՔԱՂԱՔԱԿԱՆ

🇹🇷 Թուրքիան թարմացնում է պատերազմի պայմաններում արտակարգ դրության մասին ակտը։

🇦🇿 Ադրբեջանը շարունակում է համալրել ռազմական բյուջեն ու սպառազինությունները։

🇮🇱🇮🇷 Մերձավոր Արևելքում Իրանի և Իսրայելի միջև պրոքսի պատերազմ է՝ ընդլայնման վտանգով։

🇺🇦🇷🇺 Ռուս-ուկրաինական պատերազմը շարունակվում է։

🇪🇺 Եվրոպայում խոսում են կոնֆլիկտին ուղղակի ներգրավվելու հնարավորություններից։

🇨🇳 Չինաստանը պարբերաբար սպառնում է Թայվանի հարցը ռազմական ճանապարհով փակելու քայլով։

🇰🇷🇰🇵 Հյուսիսային և Հարավային Կորեաների միջև խաղաղության որևէ նախադրյալ չկա, ավելին՝ բախումը շատ ավելի հավանական է։

Այլ կերպ ասած՝ աշխարհում ակնհայտ ոչ մի միտում չկա խաղաղության գոնե այս փուլում։

🇦🇲 Հայաստանում վերջին 4 տարիներին.

2020թ. սկիզբ — վարչապետի պաշտոնը զբաղեցնողը կորոնավիրուսի տարածման պիկ օրերին մարդկանց մեծ խմբեր էր հավաքում, հանրահավաքներ անում։

2020թ. վերջ — պատերազմի օրերին ֆեյսբուքյան լայվով կոչ էր անում մարդկանց՝ ով տանն ինչ ունի (զրահաբաճկոն, սաղավարտ) վերցնի ու մեկնի առաջնագիծ։

2023թ. — վերջնական տապալել է Հայաստանի՝ որպես Արցախի անվտանգության երաշխավորի գործառույթը։

2024թ. — տապալում է Հայաստանի դաշնակցային հարաբերությունները, տապալել է քաղպաշտպանությունը բնական աղետի պայմաններում։

Արձանագրում. նա միայն տապալում է։

Հարց [հռետորական]. ինչի՞ համար պիտի այս մարդը շարունակի կառավարել երկիրը։

🤩 Ալբերտիչ | հեղինակային ալիք
@albertich_notes

Կիրակնօրյա մերձաշխարհաքաղաքական

🤩 Ալբերտիչ | հեղինակային ալիք
@albertich_notes

Գիտե՞ք, թե նպատակների առումով ինչով են տարբերվում 14-րդ, 18-րդ և 21-րդ դարերի պատերազմները։

Մանր խնդիրներով դրանք գուցե տարբեր են, բայց գլոբալ առումով ամենաառաջին պատերազմներից ի վեր նպատակը մեկն է՝

❗️«տարածքներ => ռեսուրսներ»❗️

Մնացած լոլոները մանիպուլացիա սիրող ականջների համար են։

Նույնը վերաբերում է հայ-ադրբեջանական կոնֆլիկտին, որն, ի դեպ, չնայած տարիներ շարունակ եղած բոլոր ձևական ձևակերպումներին՝ երբևէ չի եղել զուտ «ղարաբաղա-ադրբեջանական»։

🤩 Ալբերտիչ| հեղինակային ալիք
@albertich_notes

Ըստ «Հրապարակ» թերթի՝ Բագրատ Սրբազանը հանդիպել է ՀՀ երրորդ նախագահ Սերժ Սարգսյանին։ Հանդիպման ժամանակ նախագահը վստահեցրել է, որ

այս պայքարը ՀՀԿ-ի եւ իր համար իսկապես «չակնկալիքների պայքար» է` իրենց գերնպատակը Նիկոլից ազատվելն է, իսկ դրանից հետո կարող են ընդհանրապես տեղ չունենալ պետական կառավարման համակարգում։

Ըստ այդմ՝ մարդկանց համար այդքան չընդունելի «նախկիններից» առնվազն մեկը հայտնել է, որ քաղաքական ամբիցիաներ չունի։

Ո՞րն է լինելու «ո՛չ նախկին, ո՛չ ներկա» ասողների հաջորդ պահանջը․ պետական համակարգում լինեն միայն տաքսիստներն ու ծրագրավորողնե՞րը միևնույն է՝ ով է գա նույնն է լինելու, ուստի ավելի լավ է Նիկոլը մնա վարչապետի պաշտոնին։

Մի պահանջը բավարարվում է, պարզվում է՝ մարդիկ այլ պահանջ ունեն, թե՞ սխալվում եմ և այլ պահանջ չկա․․․

🤩 Ալբերտիչ| հեղինակային ալիք
@albertich_notes

ՕՐԱԿԱՐԳ ԹԵԼԱԴՐԵԼՈՒ ՄԱՍԻՆ

Մի 10 օր առաջ էր կարծես, երբ Բագրատ Սրբազանը վարչապետի պաշտոնը զբաղեցնողին էր դիմել, թե` «մի ժամանակ քեզ ժողովրդական մարդ էիր համարում, հեծանիվով էիր պտտվում, գետնից աղբ էիր վերցնում, սակայն շատ շուտ սկսեցիր ուղղաթիռով պտտվել»։

Արդեն 2-րդ տեսանյութն է թելեգրամյան հայալեզու լրատվական ալիքներում աչքովս ընկնում, որտեղ դեռևս վարչապետի պաշտոնը զբաղեցնողը հեծանիվով ինքնափիարվել է սկսել (տեսանյութերը բնականաբար չեմ տեղադրելու այստեղ)։

Ի՞նչ է սա, եթե ոչ Սրբազանի օրակարգով շարժվելու քայլ։

🤩 Ալբերտիչ| հեղինակային ալիք
@albertich_notes

Մոխբերի խոսքը թարգմանաբար՝

«Իրանը շարունակում է քաղաքական կուրսը, որը վարում էր Ռաիսիի օրոք։ Միևնույն ժամանակ՝ ուշադրությամբ հետևում են տարածաշրջանում ՆԱՏՕ-ի և դրա դաշնակից Իսրայելի գործողություններին ու դրանցում Ադրբեջանի դերակատարությանը»։

Ավելի պարզ լեզվով՝ համենայն դեպս զգուշացվում է Ալիևին, որ չոգևորվի։

🤩 Ալբերտիչ | հեղինակային ալիք
@albertich_notes

Ոչ քաղաքական գրառում

6 տարի՝ այն պահից, ինչ Հայաստանը ամբողջովին զավթվել է թշնամու կողմից։

6 տարվա ընթացքում իրենց ներկա իշխանությանը ընդդիմադիր դիրքորոշող մարդկանց մոտ շատ դժվար է ձևավորվում մի կարևոր ընկալում։

Կետերով մանրամասնեմ։

🔹 Ատելությանն ատելությամբ պատասխանելը գերսխալ է։ Ատելությունը չարիք է ծնում մարդու մեջ, էական չէ՝ ում դեմ է այն ուղղված։

🔹 Նիկոլի ամեն խոսքը քննարկման առարկա դարձնելով՝ մենք ոչ թե թուլացնում ենք իր դիրքերը, այլ նպաստում ենք նրա՝ օրակարգում մնալու ձգտմանը։ Բազմիցս ասել եմ՝ նրանց բոլորի հանդեպ մի արձագանք կա միայն՝ անտարբերություն և արհամարհանք։ Չէ, մարդիկ անընդհատ մտնում են դատարկաբովանդակ թեմաների մեջ։

🔹 Այգեկցին մի առակ ունի՝ «Իշխանն ու այրի կինը»։ Վերընթերցեք անպայման ամեն անգամ, երբ «նախկիններից ու ներկաներից» դժգոհում եք։ Թե՛ մեկից, թե՛ մյուսից ավելի վատին դեմ չգալու համար, նախ, լավ կլիներ մեր դիրքորոշումները վերափոխեինք։

🔹 Ցանկանում ենք, որ մեզ քաղաքական պայքարի մեջ չներքաշեն, բայց և ցանկանում ենք, որ իշխանություն փոխվի, ընդ որում՝ իշխանությունը չանցնի քաղաքական ուժերին։ Միևնույն ժամանակ՝ խիստ դժգոհ ենք, որ բացարձակ ոչ քաղաքական գործիչ Բագրատ Սրբազանը քաղաքական որոշումներ կայացնի։ Հասկանո՞ւմ եք, թե որքան անհեթեթ ենք մեր պահանջներում։

Հ.Գ. Ապշում եմ, թե որքան համառ ենք մենք մեր վարքն ու մտածողությունը չփոխելու պնդաճակատության մեջ։ Չենք ուզում փոխվել, թող ուրիշները փոխվեն, մենք էլ քաղենք դրա պտուղները։ Ինչ է այս մեր վարքը, եթե ոչ ալարկոտ, ծույլ ու նախանձ մարդուն բնորոշ գիծ։

🤩 Ալբերտիչ | հեղինակային ալիք
@albertich_notes

🗣 Ասում են՝ հայաստանյան հեռախոսահամարների բազայի արտահոսք է եղել (280 հազար համար)․ աղբյուրը՝ Սամվել Մարտիրոսյան։

Մարտիրոսյանը նշում է, որ այնտեղ կան նաև ԱԱԾ աշխատակիցների համարներ՝ ելնելով այն փաստից, որ ոմանք իրենց մոտ❗️ընկերների/ծանոթների անունները այդպես են նշել համարները գրանցելիս:❗️

Անկեղծ ասած, չեմ զարմանում։ Հայաստանն այն երկրներից է, որտեղ հանգիստ կարելի է զանգվածի մեջ մատնանշել ԱԱԾ ցանկացած մակարդակի աշխատակցի, ինֆորմատորի։

Հանուն ճշմարտության, սա զուտ նիկոլաՀայաստանի արդյունք չէ։

Դա նրանից է, որ իշխանական վերնախավը երբեք հոգ չի տարել պերմանենտ պատերազմում գտնվող հասարակության մեջ որոշակի կանոնների, վարքագծային նորմերի ներդրման մասին։

Դա վերաբերում է ամենապրիմիտիվից մինչև ամենապրոֆեսիոնալ բաներին։

Ամենապրիմիտիվ օրինակը․ դպրոցներում ներ էր դրվել «Ռազմագիտություն» առարկան, բայց դպրոցների զգալի մասում այն զուտ պատմողական դաս էր, ոչ ավելին։ Եվ դա, կրկնում եմ, պատերազմական վիճակում գտնվող երկրում։

Իշխանազավթումն էլ է այդ վերաբերմունքի հետևանք։ Չէր կարող բացառապես պրոֆեսիոնալներից բաղկացած համակարգն այդքան հեշտ փլվել։

Իհարկե, մյուս ճշմարտությունն էլ կա՝ հնարավոր չէ այսքան փոքր ռեսուրսներով ազգային անվտանգության գերպրոֆեսիոնալ, պետականամետ համակարգ ձևավորել, երբ կա գերտերությունների հատուկ ծառայությունների հակազդեցությունը։

Հայտնի տեսություն կա ԽՍՀՄ փլուզման պատճառների շուրջ՝ «ՊԱԿ (КГБ)` ՊԱԿ-ի մեջ»։ Սա բնականաբար միայն մի պատճառն է, բայց խոշոր հաշվով այսպիսի բաները լուրջ գործոն են պետական համակարգերի քանդման գործում։

[ Հենց այս ամենը նկատի ունենալով է նաև, որ պնդում եմ՝ պետք չէ շատ շտապել իշխանափոխության հարցում։ Սրբազանի շարժումը պետք է դեռ ֆիլտրի ու ֆիլտրվի։ ]

🤩 Ալբերտիչ | հեղինակային ալիք
@albertich_notes

Մեծ առումով, աղետների մի մասը մարդկային գործոնի հարց էլ էն պարունակում և կարող են անվտանգային կանոնների խիստ պահպանման դեպքում էլ տեղի ունենալ։ Այլ հարց է, որ մենք գործ ունենք մարդ-աղետի հետ։

Մեկի (իր շքախմբով), ով կարող է համաճարակի պայմաններում մեծ հավաքներ կազմակերպել, Լոռու և Տավուշի աղետի օրերին սեփական կնոջ կազմակերպած խնջույքի համար ոչ թե ներողություն խնդրել, այլ մանկամտորեն արդարացնել, մի քանի հոգու ծանր վիրավորման պատճառ դարձած պայթյունի հաջորդ օրը երջանիկ ապուշի ժպիտով հեծանիվով սելֆի անել։

Մարդն, ով աղետաբեր է, չի կարող խաղաղություն բերել։

Նրա անունը դարերով մնալու է որպես խարան, ասոցացվելու է աղետների հետ` պատերազմից, ցեղասպանությունից, տարերային և մարդկային աղետներից կորուստների իմաստով։

[https://news.1rj.ru/str/varuzhandragoman/2921]

🤩 Ալբերտիչ | հեղինակային ալիք
@albertich_notes

⚡️Հայաստան է այցելելու ԱՄՆ պետքարտուղարի օգնական Ջեյմս Օ'Բրայենը։

Մինչ Վրաստանն ընտրել է Ուկրաինա չդառնալու ճանապարհը, Ադրբեջանն էլ հարմար տեղավորվում է տարածաշրջանում Ռուսաստանի դաշնակցի թափուր մնացած տեղում, Հայաստանում փաստացի դրածո իշխանությունը ամեն ինչ անում է Հայաստանի տարածքն Ուկրաինայի վերածելու արևմտյան ծրագրի ռեալիզացման ուղղությամբ։ Հենց այս պահին, ըստ երևույթին, հայ-ռուսական հարաբերությունները փչանալու անդառնալի կետին են հասել։

Ամեն անգամ Հայաստանում ձևավորված իրադրությանը նայելիս հիշում եմ Արտաշիսյանների դինաստիայի անկման և Արշակունիների հաստատման միջանկյալ կեսդարյա ժամանակահատվածը` Հռոմի դրածո թագավորներ, անկայունություն․․․

🤩 Ալբերտիչ | հեղինակային ալիք
@albertich_notes

Հոլովակում ուկրաինացի ընդդիմադիր հաղորդավարուհին զարմանում է, որ այնպիսի պայմաններում, ինչպիսին Ուկրաինան է (հոլովակն անցած տարվա է), Զելենսկին շարունակում է հասարակության զգալի մասի մոտ ռեյտինգը բարձր պահել։

Ինչպես տեսնում եք, այս հարցը միայն Հայաստանին չէ բնորոշ, այլև բոլոր այն երկրներին, ուր տևական ժամանակ իշխել է հասարակությունից կտրված էլիտա։

Բոլոր այն երկրներում, որտեղ այդպիսի էլիտայից իշխանությունը զավթել են պոպուլիստները, կարելի է դիտարկել նման տենդենց։

Նախ, որոշ ժամանակ կույր հավատ ստվար զանգվածի շրջանում պոպուլիստի ամեն խոսքին։

Որոշակի ժամանակահատվածում բացարձակ մեծամասնության շրջանում ապատիկ տրամադրություններ, իմա՝ «բոլորն էլ նույնն են», և միայն 5-10% աղանդավորի կուրությամբ կռապաշտներ են մնում։

Այս ամենի հիմքում արտաքին էլիտաների մանիպուլացիաներն են, որոնց դեմ հիմնականում ներքին էլիտաները հակազդեցություն չեն ունենում, որովհետև պարզապես չգիտեն՝ ինչպես հակազդել և երբեք խնդիր չեն ունեցել կրթությունն ու գիտությունը զարգացնելու։

🤩 Ալբերտիչ | հեղինակային ալիք
@albertich_notes

Ասեք, խնդրեմ, երբ իշխանության դիրքերը ամուր են լինում, ինչպես շատերը կարծում-պնդում են, այդ իշխանությունը կարիք ունենո՞ւմ է այսքան ոստիկանով իր դիրքերը պահելու։

🤩 Ալբերտիչ | հեղինակային ալիք
@albertich_notes

Թշնամին հասկանում է, որ նոր շարժումն ունի իրենց տեղական կամակատարին իշխանությունից զրկելու պոտենցիալ, հենց այդ պատճառով էլ այսպիսի հայտարարություն է հնչել․

Եթե ​​Հայաստանում իրավիճակը դուրս գա վերահսկողությունից, և տեղի ունենա իշխանափոխություն, ապա ադրբեջանական կողմը ստիպված կլինի ռազմական ճանապարհով հետ վերցնել այս 4 գյուղերը։

Նմանաբովանդակ հայտարարությունները միայն ուժգնանալու են, քանի դեռ Բագրատ Սրբազանի առաջնորդած շարժումը շարունակելու է լարվածության մեջ պահել վարչապետի պաշտոնը զբաղեցնողի իշխանական շրջանակներին։

- - - - - - - - - - - - - - - - - - - - - - - - - - - - - - - - - - - - - - - -

Հասկանում եմ, որ շատերը պատրաստ չեն, ամեն կերպ խուսափում են, փախչում են իրականությունից, բայց այն հետևյալն է՝ ինքնության պահպանումը ևս գին ունի։ Հետևաբար ով դեռ չի որոշել՝ պետք է կողմնորոշվի․ գերադասում է ծնկել՝ թրքացվելով, բայց պահպանելով անարժեք դարձած իր կյանքը, թե՞ կանգնել իր և իր սերունդների արժանապատիվ կյանքի համար։

[ Դուք կարող եք, իհարկե, այս ալիքից ապաբաժանորդագրվել, եթե ասելիքս ձեզ համար շատ սուր է։ Բայց, անկախ գրածս ընդունել-չընդունելուց, այդ իրականությունը ինչ-որ պահի թակելու է նաև ձեր դուռը, բոլորիս դռները։ ]

🤩 Ալբերտիչ | հեղինակային ալիք
@albertich_notes

Երբեմն թվում է, թե մարդիկ ցանկանում են, որպեսզի հակաիշխանական շարժում առաջնորդողը միաժամանակ լինի և՛ ճիշտ արժեքներ կրող, պետականամետ գործիչ, և՛ 2018-ին «կա՛մ ես կլինեմ վարչապետ, կա՛մ Հայաստանը վարչապետ չի ունենա» գոռալով սպառնացող Նիկոլ։
- - - - -
Իշխանությունը բնական է, որ չի գնալու արտահերթ նիստ գումարելու ճանապարհով։ Հրաժարականի մասին առհասարակ խոսք լինել չի կարող։
- - - - -
Բայց․․․ Մենք վճռականություն ենք պահանջում Սրբազանից և նրա գլխավորած շարժումից։ Մարդը դուրս է գալիս և հայտարարում, որ գնում է վճռական քայլերի։ Սա ենթադրում է, որ մարդիկ պետք է գնան իր ետևից։

Ի՞նչ են անում մարդիկ։ Ճիշտ է․ գնում են տներով և լայվով հետևում` տեսնեն, թե ինչ կլինի։

🤩 Ալբերտիչ | հեղինակային ալիք
@albertich_notes

Սովորաբար աշխատում եմ խիստ կտրուկ չլինել իմ գնահատականներում, բայց ամեն դեպքում կխախտեմ սովորությունս։

Երբ այստեղ գրել էի, որ Հայաստանում գործարարների մեջ սկզբունքային մարդիկ շատ քիչ են, իրականում պիտի շտկեմ միտքս։

Հայաստանում չկա գեթ ՄԵԿ խոշոր գործարար, ով ունի արժանապատվություն։

Նրանք այսօր դեռևս վարչապետի պաշտոնը զբաղեցնողին դեմ չեն գնում, վաղն էլ թուրքերին բիզնեսից մասնաբաժին կտան, միայն թե ունեցածը չկորցնեն։

Թողնես, բարեգործություն կանեն, տեսանյութեր պատրաստել կտան իրենց փիարի համար, բայց ազգային նշանակության գործում նրանց վարքն ինձ հիշեցնում է պոչը տակը մտցրած վախկոտ շների, որ «հո» անես՝ վնգստալով կփախչի։

2020-ից սկսած հակաիշխանական բոլոր ձախողումների մեջ այս մարդկանց՝ այն նույն մարդկանց, որ 2018-ի ապրիլին հազարավոր մարդկանց ուղարկել էին գործադուլի, մեղքի բաժինը 30-40% է։

Վերը գրածս չի ենթադրում, թե Սրբազան շարժումն էլ է ձախողել։ Եթե այն շարունակում եք տեսնել զուտ քաղաքական խնդիր լուծող շարժում, ապա այդ տրամաբանության մեջ շարժումը ձախողվել էր հենց առաջին օրը, երբ Կիրանցում ձևավորվեց։

Մի՛ ակնկալեք արագ լուծումներ։ Մի՛ սպասեք հրաշքի հիմա։ Այն լինելու է միայն այն պահին, երբ բոլորիս այս 6-ամյա երթը կանցնի դժոխքի բոլոր 9 շրջանները։ Մենք դեռ 5-րդում ենք (պատահական չէ թիվը)։

🤩 Ալբերտիչ | հեղինակային ալիք
@albertich_notes

🇺🇸🦠Շատ սյուռ լուրեր ԱՄՆ-ից։

Պարզվում է, կորոնավիրուսի համաճարակի շրջանում մի շարք կանոններ եղել են ուղղակի հորինված։
[ աղբյուրը՝ Սպիտակ տան կայք ]

Չեմ զարմանա, եթե ամբողջ այդ պատմությունը համաճարակի շուրջ պարզվի ուռճացված և մեծամասնորեն սուտ։

Իհարկե, ցավալի է, որ բազմաթիվ մարդիկ, ովքեր ակտիվորեն պաշտպանել են դոկտոր Էնթոնի Ֆաուչիի հորինած կանոններն ու ագրեսիվ վարք դրսևորել այդ ամենին դեմ արտահայտվողների հանդեպ, ծիծաղի առարկա կդառնան։ Հատկապես որ նրանց մեջ կարծես բավականին ադեկվատ մարդիկ էլ կային։

Ամեն դեպքում, փաստենք, որ ապրում ենք մեծ ստերի, պահի տակ աշխատող մանիպուլացիաների ամենաակտիվ ժամանակներում։ Ուստի հարկ է ցանկացած տեղեկատվության հանդեպ լինել զգոն, նույնիսկ եթե այն տարածում են հեղինակություն ունեցող մարդիկ։

🤩 Ալբերտիչ | հեղինակային ալիք
@albertich_notes

Հետաքրքրաշարժ վիճակագրություն` ըստ «Փաստ» թերթի

«Հայաստանի առևտրաշրջանառության ծավալները Ռուսաստանի հետ աճել են միանգամից 3 անգամ և կազմել 6,3 մլրդ դոլար: Հայաստանի արտաքին առևտրաշրջանառության կախվածությունը Ռուսաստանից հասել է մոտ 60 տոկոսի»։

Կարիք կա՞ արդյոք ասելու, թե ինչ աղետալի է լինելու Ռուսաստանի Դաշնության հետ հարաբերությունների վերջնական խզումը։ Իսկ դա միայն ժամանակի հարց է։ Եվ այստեղ ամենևին էական չէ՝ դուք ՌԴ հանդեպ լավ թե վատ եք տրամադրված։ Անձնական վերաբերմունքը տնտեսության վրա ազդեցություն չի թողնելու, իսկ վարչապետի պաշտոնը զբաղեցնողի իշխանությանը գործողություններն ուղիղ ազդեցություն են ունենալու։

🤩 Ալբերտիչ | հեղինակային ալիք
@albertich_notes