Башкортстанда яшәүчеләрнең 32 проценты айлык хезмәт хакын бер атнада тотып бетерә

Шул ук вакытта Башкортстанда яшәүче эшчеләрнең 46 процентына хезмәт хаклары төп чыгымнарын капларга да җитми, диелә hh.ru тикшеренүендә.

Башкортстаннарның күпчелеге аеруча ризыкка һәм торак арендалауга нык чыгымлануын әйткән, бу ике вариантны да сораштырылганнарның 40ар проценты сайлаган.

Ә сезнең хезмәт хакы күпме вакытка җитә? Иң күп чыгым нәрсәгә китә?

❗️Киевның 80%ты хәзерге вакытта сусыз. Шәһәрнең бер өлеше электрсыз калган — мэр Виталий Кличко.

Русия Киевка очырткан ракетларның барысы да бәреп төшерелде. Ләкин Киев өлкәсендәге инфраструктура объектлары зыян күргән диелә.

Путинның Украинага каршы сугышында моңарчы ачык хәбәр ителмәгән тагын 6 үлем. Алар турында Казанский репортёр яза, үлгән хәрбиләрнең барысы да Казаннан диелә.

🔸 Шөһрәт Рәхимовка 20 яшь булган. Ул автотранспорт техникумында укыган, шуннан соң "срочник" буларак армиягә киткән. Рәхимов сугышның беренче көннәрендә үк, 28 февраль көнне үлгән.

🔸 Гадел Мифтахов 22 яшендә үлгән. Аның 17 августта үлгән билгеле.

🔸 Ефрейтор Марат Касыймовка 35 яшь булган. Ул 20 март көнне үлгән. Сугышчы Росгвардиянең махсус "Барс" отрядында булган.

🔸 38 яшьлек Сергей Бетехтин Казан танк училещесын тәмамлаган. Ул 10 июнь көнне үлгән.

🔸 43 яшьлек Руслан Мөхәммәтханов танкчы булган, 2001 елда Казан танк училещесын тәмамлаган. Ул 15 август көнне үлгән.

🔸 Рөстәм Гобәйдуллин 24 июль көнне үлгән. Аңа 55 яшь булган.

Азатлык ачык чыганакларга нигезләнеп, Украинадагы сугышта үлүчеләрне саный. Бүгенге көндә исемлектә Татарстаннан 166 кеше бар, чынлыкта үлүчеләр саны күпкә күбрәк булырга мөмкин.

Казанда гаскәрне "дискредитацияләү"дә гаепләп 63 кешене административ җаваплылыкка тартканнар

Бу хакта бүген Русия эчке эшләр министрлыгының Казандагы идарәсе җитәкчесе Надир Закиров хәбәр иткән.

"Русия президенты "махсус хәрби операция" һәм соңрак өлешчә мобилизация игълан иткәч полиция җилкәсенә өстәмә йөк төште. Бу - дәүләт хакимияте институтларына каршы чараларны булдырмау, Казанның хәрби җыен пунктларында һәм хәрби комиссариатларында тәртип саклау, иминлекне тәэмин итү", дип сөйләгән ул.

Закиров мәгълүматынча, Казан мәхкәмәләре күпчелек административ эшләрне караган да инде — 49 кешегә штрафлар салынган.

"Октябрь башында Совет районындагы хәрби комиссариатка ут төртүне булдырмый калдылар", дип искә алган түрә.

@azatliqradiosi

"Дәү әнием "халык дошманы" баласы булган". Актанышта репрессия корбаннарын искә алалар

Актаныш районы Чөгәнә авылы мәдәният йорты хезмәткәре Алсу Арсланова репрессияләнгән авылдашлары истәлеген мәңгеләштерү максатыннан репрессия корбаннарының туганнары клубын оештырган. Аның дәү әнисе "халык дошманы" баласы булган, кыерсытуларга түзә алмыйча, туган авылыннан башка авылга күченгән.

Бу эшне ул берүзе башкара. Бабасы турындагы истәлекләрне җыя башлагач, интернеттан бабасының репрессияләнү тарихын да, гаепләнү маддәсен дә таба алган.

30 октябрь — Репрессия корбаннарын искә алу көнендә Чөгәнәдә авылында репрессияләнгән авылдашларны искә алу кичәсе узды. Азатлык Алсу ханым белән репрессиягә эләккән туганнары хакында мәгълүмат табу юллары, аларның хәтерен мәңгеләштерү хыяллары хакында сөйләште.

👉Төп сайт
👉Көзге сайт
👉Телеграм

@azatliqradiosi

Хөрмәтле укучылар! Сезне Азатлык сайты турында сораштыруда катнашырга чакырабыз! 😎

5 минут вакытыгызны кызганмыйча, безнең сорауларга җавап бирсәгез иде.

🔸Азатлык сайтына еш керәсезме?
🔸Азатлык сайтында мәгълүмат табу авырмы/җиңелме?
🔸Азатлык сайты сезнең өчен никадәр файдалы?
🔸Азатлык сайтын куллануда сез ни дәрәҗәдә канәгать?
🔸Азатлык сайтын дусларыгызга тәкъдим итәр идегезме?
🔸Азатлык сайтында сезгә иң ошаганы/ошамаганы нәрсә?
🔸Азатлык сайтын бер сүз белән ничек тасвирлар идегез?
🔸Азатлык сайтында бер әйберне яхшырта алсагыз, ул нәрсә булыр иде?

Сезнең җаваплар безгә сайтны яхшыртырга ярдәм итә. Рәхмәт!

👉Азатлык сайты турында сораштыру

Фикерләрегезне монда комментарда да әйтә аласыз😉

@azatliqradiosi

"Азатлык" татар яшьләре Истанбулда Хәтер көнен уздырды

30 октябрь "Азатлык" татар яшьләре берлеге Истанбулның тарихи үзәгендәге мәдрәсәдә Хәтер көнен оештырды. Анда якынча 100 кеше катнашты, ди берлекнең рәисе Наил Нәбиуллин.

"Кырымтатар, ногай, мари, карачай һәм башка милләт вәкилләре дә кунак буларак килде. Хәтер көненең мөһимлеген аңлап, теләктәшлек белдерде. Татарча шигырьләр укылды, татар тарихы сөйләнде. 1552 елда булган вакыйгалар искә алынды, шул еллардан бүгенгә кадәр көрәшкән бар милләттәшләребез өчен дога кылынды. Шулай ук татар тарихы китаплары таратылды. Теләгән кешеләр футболка, толстовкалар сатып ала алды", ди Нәбиуллин.

Татарстанда уздыру рөхсәт ителмәгәндә, Хәтер көнен республикадан читтә оештыру мөһим дип саный "Азатлык" татар яшьләре берлеге вәкилләре.

@azatliqradiosi

Уфада полиция Украина харитасы ясалган өс киемен чыгарган Home брендын тикшерә

Киемгә ясалган харитада Русия аннексияләгән дүрт төбәк Украинага кертелеп сурәтләнгән. Бу кием бер сатып алучының күзенә чалынган һәм ул моны полициягә әләкләгән диелә.

Mash Batash хәбәренчә, Украина харитасы ясалган балалар костюмы (худи) тегүне сорап бер хатын-кыз мөрәҗәгать иткән. Бу заказ Русия Украинаның дүрт төбәген аннексияләгәнче бирелгән булган. Киемнәр ярамаган, витринада калган һәм башка бер сатып алучының күзенә чалынган диелә.

Home брендлы киемнең үзенчәлеге — Home сүзенең О хәрефе урынына билгеле бер төбәкнең харитасы ясала.

Элегрәк мондый киемдә Башкортстан башлыгы Радий Хәбиров та күренгән иде.

@azatkiqradiosi

Татарстан хакимиятләре "Алга" һәм "Тимер" батальоны сугышчыларына түләү тәртибен үзгәрткән — хәзер алар тиешле акчаларын Украинага барып эләккәч кенә алачак

Элегрәк "Алга" һәм "Тимер" батальоннарында хезмәт итүчеләргә түләүләр этаплап бирелә иде — 60 мең сум күләмендә беренче түләүне хәрби бүлекчә исемлегенә кертелгәч алдылар, калганын — батальон белән чикне узгач.

Хәзер 250 мең сум күләмендәге түләүне аларга фетнәчел Донецки һәм Луһански "халык республикалары"нда, аннексияләнгән Херсон һәм Запорожье өлкәләрендә һәм Украина җирләрендә хәрби хезмәтләрен уза башлагач кына бирәчәкләр.

Августта Татарстан президенты Рөстәм Миңнеханов Украинадагы сугышта катнашкан өчен түләүне арттырып, 360 мең сум итү турында фәрман имзалады.

Шул ук вакытта җәй ахырында "Алга"да хезмәт итүчеләр түләүләрнең вакытында бирелмәвеннән зарланган иде.

Фотода: "Тимер" батальоны шевроннары (@armytatarstan)

@azatliqradios

Босния һәм Һерцеговина футбол берлеге Русия җыелмасы белән матч уздырудан баш тартты

Иптәшләрчә уен 19 ноябрь Петербурда узасы иде.

Босния һәм Һерцеговина футболчылары Русия Украинага каршы сугыш алып барганда бу ил белән уйнау мөмкин түгел, дип белдергән.

Украинада сугыш башланганнан соң, Русия җыелмасы барлык халыкара ярышлардан читләштерелде.

@azatliqradiosi

Азат милләтләр лигасы Русия халык депутатларының Польшадагы җыены уңаеннан белдерү ясады

Бу атна ахырында Польша башкаласы Варшау янындагы Яблонна авылында Русиянең халык депутатлары җыены узачак. Бу уңайдан Азат милләтләр лигасы белдерү ясады. Лига "Русиянең хәзерге шәкелендә саклануын аклаучы бернинди сәяси көчләрне һәм үзәкләрне дә" танымавын белдерде.

"Без Мәскәү хөкемдарларына мохтаҗ түгел — хакимиятнекенә дә, оппозициянекенә дә. Без коллаштырылган халыкларның бәйсез дәүләтләр төзүгә хокукын хуплаучылар белән генә диалогка һәм элемтәгә ачык", диелә белдерүдә.

Лига фикеренчә, яңа Русия дәүләтен формалаштыру процессы ихтыяри булырга һәм канун чыгару оешмалары яңа федерациягә керүне хуплаган төбәкләр нигезендә генә башкарылырга тиеш.

Польшадагы Халык депутатларының беренче җыенында Русия халкының канунлы сайланган вәкилләре катнашачак, алар арасында Русиядән килгәннәр дә, сөргенлектә яшәүчеләр дә бар, бу вәкилләр үзләрен Путин диктатурасы белән хезмәттәшлек итеп, аның җинаятьләрендә катнашып тапламаган", диелә оешма сәхифәсендә.

Җыенның оештыру комитеты вәкиле, оппозиционер сәясәтче Илья Пономарев искәртүенчә, "җыенның көн тәртибендә Русияне җимерелгән дәүләт буларак тарату һәм аның хакимият оешмаларын тарату мәсьәләсе тора".

@azatliqradiosi

Казан мэриясе татар теленә өйрәтүче видеороликлар төшергән

Бу хакта бүген шәһәр башкарма хакимияте җитәкчесе урынбасары Гүзәл Сәгыйтова мэрия киңәшмәсендә әйтте.

"Роликлар кафе, поликлиника, аэропорт, театр, билет кассасы хезмәткәрләре, эш бирүче, дуслар, якыннар белән аралашу темаларын үз эченә ала", диде ул.

Барлыгы 20 видеоролик әзерләнгән. Алар Казан мэриясе социаль челтәрләрендә, шул исәптән YouTube-та урнаштырылачак.

Проект Татарстан президенты каршындагы Татар телен һәм башка халыкларның туган телләрен саклау, үстерү мәсьәләләре комиссиясе ярдәмендә тормышка ашырыла.

@azatliqradiosi

Ноябрь аена да кердек. Көнне кыскача яңалыклардан башлыйбыз. Бүген Украинадагы сугышның 251нче көне.

📌Русия гаскәрләре Днепр һәм Полтавага һөҗүм итте. Һөҗүмдә Иран дроннары кулланылган диелә.

📌Мобилизациядән качу өчен җәза турындагы канун өлгесе Дәүләт Думасына тәкъдим ителәчәк.

📌"Тиньков" хуҗасы Олег Тиньков Русия ватандашлыгыннан баш тартты. Эшмәкәр бүтән "тыныч кешеләрне үтерүче, талаучы" хәзерге Русия хакимияте һәм ватандашлары белән ассоциацияләшергә теләмим, дип белдерде. Шулай ук аның үрнәгенә Русиянең башка бизнесменнары да иярер дигән ышаныч белдерде. «Псевдопатриотларга» мөрәҗәгать итеп, Тиньков: «Сезнең белән чагыштырганда, минем Русиягә ватанпәрвәрлегем күбрәк. Сез лыгырдыйсыз гына, ә мин эшләдем һәм эшли бирәм. Мин – Русия каһарманы", диде.

📌Әрмәнстан һәм Азәрбайҗан Таулы-Карабах мәсьәләсен тыныч кына чишәргә килеште.

📌АКШның сугышны өйрәнү институты (ISW) белгечләре әйтүенчә, Херсонны басып алган "хакимият" үз фикерен үзгәрткән һәм катлаулы икътисади хәл һәм һривняның кара базарда актив кулланылуы аркасында рубль белән бергә һривняны да әйләнештә калдырырга рөхсәт иткән.

Әлегә шулар. Көн дәвамында сезне дөнья, Татарстан, Башкортстан яңалыклары белән таныштырып барырбыз. Безнең хәбәрләрне тулырак итеп сайтта укый аласыз. Азатлыктан аерылмагыз.

@azatliqradiosi

Бүген Казанда Татарстанның халык артисты, Габдулла Тукай исемендәге дәүләт премиясе лауреаты, Русиянең атказанган артисты Наил Дунай (Николай Дунаев) белән хушлашалар. Наил Дунай Казанның Курган зиратында җирләнәчәк. Бу – якыннарының теләге, дип аңлаттылар Камал театрында, алдан ук урынын да хәстәрләп куйганнар.

Соңгы айларда Наил Дунай авыр хәлдә булган. Инсульт бәргән, артист торып йөри алмаслык хәлгә килгән. Ул якыннарының тәрбиясендә булган. 30 октябрь кичендә өендә җан биргән.

Дунай чыгышы белән Зәй районыннан, Әхмәт авылыннан. Шунда мәктәптә белем алган. Бу авыл мәктәбе күп талантлы шәхесләр тәрбияләп чыгара. Шуларның берсе — Дунай белән бер сыйныфта укыган, аннары Мәскәүнең Щепкин училищесында белем алган язучы Рабит Батулла. Ул яшьтәше белән тыгыз аралашкан, телефонннан хәбәрләшеп торган. Әмма өзелер алдыннан алар күрешә алмаган. Ренат Таҗетдин, Равил Шәрәфи, Әзһәр Шакиров барып кайтты янына, әмма Микулай инде сөйләшә алмаган, ди Батулла.

💬Керешен татары ул, әмма татар артисты. Татар ягындагы кеше булды, әмма керәшеннәрнең йолаларын саклады. Мәктәптә барыбыз да бергә укыдык, бүленмәдек. Керәшеннәр аерым милләт дип йөрмәде, сабыррак булды бу мәсьәләдә. Керәшеннәр — христианнар, әмма тел, йола көчлерәк, шуңа да татар керәшеннәре татарларга тартылды, дип искә ала ул.

Төп сайтта
Көзге сайтта

Русиядә мобилизациядән азат ителмәгән килеш хәрби хезмәткә чакырылудан качучылар өчен җинаять җаваплылыгы кертүләре бар, дип яза "Известия"

Качучыларга 200-500мең сум штраф бирергә, биш елга кадәр мәҗбүри хезмәткә җибәрергә яки биш елга кадәр ирекләреннән мәхрүм итәргә тәкъдим ителә.

Канун өлгесенең авторлары - "Бердәм Русия" вәкилләре: Русия думасының һәм Федерация шурасының саклану комитетлары рәисләре Андрей Картаполов һәм Виктор Бондарев, Русия думасының иминлек һәм коррупциягә каршы көрәш комитеты башлыгы Василий Пискарев һәм аның урынбасарлары.

Документның парламентка кертелергә әзер булуын Русия думасының иминлек һәм коррупциягә каршы көрәш комитеты башлыгы урынбасары Эрнест Вәлиев та раслаган. "Сүз бүгенге өлешчә мобилизация турында бармый", дигән ул.

"Безнең илдә 1941 елдан бирле мобилизация булмаган. Шуңа аңа кагылышлы күп кануннар эшләми торган", дигән ул.

Аның әйтүенчә , өлешчә мобилизация игълан ителгәннән соң, хәрби чакырылыштан качкан өчен "срочникларны" гына җинаять җаваплылыгына тартып булуы ачыкланган.

"Бу дөрес әйбер түгел. Дәүләт белән ватандаш арасындагы мөнәсәбәтләр кешенең беренче тапкыр чакырылу-чакырылмавына карамастан, бөтен кеше өчен бер үк төрле булырга тиеш. Шуңа күрә без кануннардагы бушлыкны гына бетерәбез", дигән депутат. Ул мобилизациянең бүгенгә төгәлләнүен искәрткән, әмма бу кайчан да булса мобилизация кабат кирәк булмас дигән гарантия бирми дигән.