Башҡорт донъяһының матурлығын күрһәткән фотопроект авторы Гөлназ Ғәлимуллина-Макиева үҙенең эштәрендә милләтебеҙҙең ҡото булған замандаштарыбыҙҙы, милли кейемдәребеҙҙе һәм уларҙы тергеҙеүсе оҫталарҙы сағылдыра. “Мәҡәлдәр календары” фотопроекттың яңы серияһына биҙәүестәр эшләүсе оҫта егет Иҙел Хәкимов һәм бейеүсе Таңсулпан Сәғитованы йәлеп иткән. “Йәшлек ике килмәй” тип атала ул.

Образдың авторы Иҙел Хәкимов көнбайыш башҡорттарының милли кейемен һайлаған. “Образ һайлағанда тыуған яҡты өйрәнеүсе, тарихсы, традицион башҡорт кейеме буйынса эксперт (Пермь крайы) Альберт Махмудов менән кәңәшләшеп эшләнек. Минең маҡсатым - башҡорт милли кейеме буйынса стереотиптарҙы боҙоу. Сөнки милли кейемдәребеҙ шул тиклем бай. Уларҙың төрлөлөгөн халҡыбыҙ аңлаһа ине. Беҙҙә ҡашмау менән селтәр генә кеймәгәндәр, хәситә, ҡалпаҡ та кейгәндәр. Тарихты белмәгәнлектән милли кейемдәрҙе бутауҙар күренә”, – ти Иҙел.

https://news.1rj.ru/str/shagitulla/143

В честь дня Башкирского языка, мы - новоиспеченные папы, записали башкирскую версию популярной песни,посвященное для детей!

Хөрмәтле милләттәштәр. Башҡорт теле көнө уңайы менән беҙ, бер төркөм атайҙар кескәй дуҫтарыбыҙға һәм әлбиттә үҙебеҙҙең балаларыбыҙға киң билдәле йырҙы үҙебеҙҙең туған телгә һалып һеҙгә бүләк итмәксебеҙ.

Әгәр ошо видео-йыр таҫма һәр башҡорт ғаиләһенең өйөндә яңғыраһа был беҙҙең өсөн иң ҙур бүләк... әйткәндәй, дауамын үҙегеҙ ҙә төрлө хайуандар булып балаларығыҙға йырлап ишеттерһәгеҙ, улар өсөн был ғүмерлеккә иҫтә ҡаласаҡ.

Мөғжизәне ситтән эҙләмәйек замандаштар, ә үҙ ҡулыбыҙ, аңыбыҙ менән тыуҙырайыҡ!