📌Башҡорт әҫәре буйынса ҡаҙаҡса фильм төшөрөлгән

Билдәле яҙыусы Айгиз Баймөхәмәтовтың повесы буйынса Ҡаҙағстанда төшөрөлгән фильм 5 февралдә прокатҡа сыға. Уны тәүҙә урындағы кинотеатрҙарҙа күрһәтәсәктәр.

"Әлегә фильмды законһыҙ күсермәләр эшләй алмаһындар өсөн, онлайн платформаларға сығармайҙар, ул тик Ҡаҙағстан кинотеатрҙарында ғына күрһәтеләсәк. Уның ҡарауы, Урта Азия илдәренә дубляж эшләп, шул телдәрҙә сығарырға планлаштыралар",

- тип һөйләгән Айгиз Ғиззәт улы "Башҡортостан" гәзитенә.

⚡Әйткәндәй, Башҡортостанда ла яҙыусының повестары буйынса фильм төшөрөлдө һәм быйыл премьераһы көтөлә.

❗Үҙебеҙҙеке өсөн тауыш бир!

"Илдең йәш йөҙҙәре" Бөтә Рәсәй конкурсы финалында яҡташыбыҙ Элиза Ниғәмәтуллина ҡатнаша.

Тамашасы һөйөүе бүләгенә тауыш биреү башланған.

🔥 Иртәгә сәғәт 12:30-гә тиклем (Өфө буйынса) өлгөрөргә кәрәк.

📍 Әйҙәгеҙ, үҙебеҙҙең ҡыҙҙы күтәрмәләйек:
vk.ru/poll-2543632_1069003588

Эштән һуң дәрт-дарман биреп һеҙгә🔥

Видео: Салауат Алтынов.

📌 Бөгөн Башҡортостан Республикаһы Башлығы Радий Хәбиров менән "Йәмәғәт киңлектәре сәғәте"ндә Өфө урамдарын төҙөкләндереү һәм тарихи биналарҙы яңыртыу буйынса кәңәшләшкәндәр.

🔹Өфө ҡала хакимиәте башлығы Ратмир Мәүлиев әйтеүенсә, 2024 йылда баш ҡаланың 450 йыллығына 19 мәҙәни мираҫ объектының йөҙө ремонтланған.

🔹 Былтыр дүрт тарихи бина - Коммунистик урамдағы Тихониндар йорто, Чернышев урамындағы Степанов-Зорин йорто, Ленин урамындағы Шәфҡәт туташтары общинаһы бинаһы һәм Пушкин урамындағы Беренсе губерна музейы төҙөкләндерелгән.

🔹Быйыл Коммунистик урам, 63 адресы буйынса Душиндар йортон һәм Октябрь революцияһы, 13 буйынса урынлашҡан муниципаль объектты тергеҙеү эшен тамамларға ниәтләйҙәр.

Мәҙәни мираҫ объекты булған күп фатирлы йорттарҙың йөҙөн ремонтлау өсөн "Өфө мираҫы" тигән муниципаль программа булдырҙыҡ. Уға ярашлы, эштәрҙең 90 процентын ҡала бюджетынан ҡаплау ҡаралған,

- тине Ратмир Мәүлиев.

Шулай уҡ "Таҙа һауа" концепцияһы сиктәрендә Совет, Ленин, Достоевский, Чернышевский һәм Цюрупа урамдарында юлдарҙы төҙөкләндереү дауам итәсәк.

📍 Башҡортостан Башлығы Радий Хәбиров был программаның өҙлөкһөҙ дауам итеүе мөһим булыуын һыҙыҡҡа алды.

Ә бына парктарға килгәндә, Рихард Зорге исемендәге сквер һәм Калинин районындағы Хәтер скверы "Уңайлы ҡала мөхитен булдырыу" программаһы сиктәрендә тәртипкә килтереләсәк. Шулай уҡ Ленин исемендәге парк, Дзержинский һәм Миҙхәт Шакиров скверҙары, Дим районындағы Баланов ауылындағы урман паркы зонаһын яңыртырға ниәтләйҙәр.

❓Балыҡ тураһында йыр бармы башҡорттарҙа?
✅ Әлбиттә!

🔥Йырсы Зәлиә Нурлы башҡарыуында "Суртан балыҡ" башҡорт халыҡ йырын тыңлағыҙ. Тиҙҙән йырсы тәүге шәхси альбомын сығарасаҡ.

📌 Был матур башҡорт ғаиләһе - Эльвира һәм Юнир Һағынбаевтарҙыҡы.

Йырсы һәм ҡурайсы Юнир Һағынбаев сығышы менән Баймаҡ районы Буранбай ауылынан, ә уның тормош иптәше Эльвира - уҡытыусы, Иҫке Сибай ауылы ҡыҙы.
Һағынбаевтар Байрас һәм Ғайсар исемле ике ул үҫтерәләр.

❓Төҫкә ошолай булғанмы икән Аҡмулла?

Видео: Заһир Ишкинин.

"Ҡурыштыра, бөрөштөрә,
Ике ҡулды һуғыштыра",

- йомаҡ ҡойҙоҡ, яуабын тап 😉

Хәйерле иртә! ☀️

Бала саҡҡа алып ҡайтҡан видео 💟

Видео: Ильмира Хәйбуллина.

📌Милли китапханала "Туғандаш халыҡтар: уртаҡ тарих биттәре" даими китап күргәҙмәһе асылған.

Күргәҙмә күп милләтле Ватаныбыҙҙың Бөйөк Ватан һуғышында ҡатнашҡан туғандаш халыҡтарына арналған. Китаптар, хәрирәләр, тарихи тикшеренеүҙәо һәм документтар яугирҙарҙың ҡаһарманлығын сағылдыра, замандаштарыбыҙға ил азатлығы һәм аяҙ күк йөҙө өсөн йәнен фиҙа ҡылған батырҙар тураһында тәрән уйланырға, белергә ярҙам итә.

Алғы һыҙыҡта ғына түгел, тылда хеҙмәте менән Еңеүҙе яҡынайтыусыларға ла айырым иғтибар бүленгән күргәҙмәлә.

Башҡортостан Башлығы Радий Хәбиров Ҡоролтайға сираттағы мөрәжәғәт менән сығыш яһаясаҡ. Иртәгә. Элгәре йылдарҙағы Мөрәжәғәтнәмәләгә байҡау яһағанда...

Иң хәтерҙә ҡалғаны беренсеһе булды. 2018 йылда Радий Хәбиров төбәк етәкселәре өсөн төп сәйәси ваҡиға булып торған сараның форматын тулыһынса үҙгәртте. Сара Ҡоролтайҙың ултырыш залында түгел, ә конгресс-холда ойошторолдо. Мөрәжәғәтнамәне депутаттар һәм Башҡортостан Хөкүмәте корпусы ғынатүгел, ябай ауыл хеҙмәтсәндәре, мәҙәниәт, мәғариф, һаулыҡ һаҡлау өлкәһе хеҙмәткәрҙәре һәм башҡалар тыңланы. Сығышындағы төп фекер - берҙәмлеккә саҡырыу ине. Ул ошо фекерен сарала ҡатнашҡан ябай республика кешеләренә булған мөнәсәбәте аша тотош Башҡортостан халҡына еткерҙе. Ә инде Мөрәжәғәтнамәне тыңларға Мортаза Рәхимов һәм Рөстәм Хәмитовтың саҡырылыуы, уларға айырым рәхмәт һүҙҙәре еткерелеүе – сәйәси элитаға төбәлде. Юғары даирәләрҙе лә берҙәмлеккә саҡырҙы.
Ул сығышын өр-яңы слоган «БЕҘ ЯҠШЫРАҠ БУЛДЫРАБЫҘ!» тигән һүҙҙәр менән тамамланы. Киләһе йылдарҙағы Мөрәжәғәтнәмәләр һәм уларҙың һөҙөмтәһе, ғөмүмән, артта ҡалған йылдарҙағы үҙгәрештәр (бик оҙаҡ торғонлоҡ таң һуң!) быны дәлилләне. Әлбиттә, 2018 йылды шул уҡ 2020 һәм 2021 йылдар менән сағыштырып булмай. Ул ваҡытта грандиоз пландарға ҡайһы бер төҙәтмәләрҙекоронавирус пандемияһы индерҙе. Республика Етәксеһе  кеше ғүмәреҙәрен һаҡлау, ковид госпиталдәр төҙөүҙө өҫтөнлөклө план итеп билдәләне. Пандемияны үткәреп бер аҙ тын алыуға яңы һынау килде. 2022йылдан бөтә көс махсус хәрби операция бурыстарын үтәүгә йүнәлтелде. Ә шулайҙа...
Ә шулайҙа дөйөм үҫеш, республиканы яңы кимәлгә сығарыу йәһәтенән бик күп эштәр атҡарылды. Мөрәжәғәтнамә сиктәрендә белдерелгән ҙәр ғәмәлгә ашты. Беренсе Мөрәжәғәтнамәлә иҫке мәктәптәрҙе яңыртыу хаҡында һүҙ әйтелде – тейешле кимәлдә эште ойоштороу һөҙөмтәһендә Башҡортостан федераль бюджеттан мәктәптәрҙе капиталь төҙөкләндереү өсөн иң күп сумма алған республика. Шуға өҫтәп өр-яңы ҙур мәктәптәр ҙә сафҡа инде. Мөрәжәғәтнамә сиктәрендә беренсел медицинаны яңыртыу бурысын да ҡуйҙы Радий Хәбиров. Был пункка ла тулыһынса үтәлде тигән билдә ҡуйырға мөмкин. 2019 йылдан алып Башҡортостанда өр-яңы 600 ФАП асылды. Иҫке поликлиникаларында төҙөкләндерелде, яңылары ла төҙөлдө. Тап Мөрәжәғәтнамә сиктәрендә Башҡортостан Башлығы республика кардиология үҙәгенең яңы хирургия корпусын төҙөйбөҙ тине, төбәк өсөн бик мөһим Балалар онкологияһы үҙегән булдырыу тураһында белдерҙе – улар бер-нисә йыл эсендә сафҡа инде, бөгөн улар тулы ҡеүәттә эшләй. Йәнә Совет
майҙанын реконструкциялау, унда Шайморатовҡа һәйкәл ҡуйыласағын белдерҙе. Вәғәҙә үтәлде. Өфөләр Совет майҙанының элекке торошон – парковка урыны булыуын шул арала онотто ла шикелле)....

Һәм һәр йылда
Республика етәксеһенең Мөрәжәғәтнамәһендә тыңларға ололап һәм ҙурлап республиканың ябай кешеләре – механизатор, фермер,волонтер, уҡытыусы, табиптар, СВО-ла ҡатнашыусылар, уларҙың яҡындары һәм әртистәр саҡырылды. Әйткәндәй,  2019 йылда Халыҡ-ара конкурс еңеүселәре, башҡорт мәҙәниәтен киң аренаға танытыусы лари булараҡ «Арғымаҡ» төркөмө саҡырылған. Ә быйыл «Ай Йолалар» булырмы икән? Ни тиһәң дә улар точно Яҡшыраҡ булдырҙы 😊

Радий Хәбировтың сираттағы Мөрәжәғәтнамәһе иртәгә. Ҡарарбыҙ, уныһына ла байҡау яһарбыҙ.

ХАЛЫҠ АРБАҺЫ