የጡት ካንሰር ሞትን ለመቀነስ ምዕናባዊው ሆስፒታል ወደ ትግበራ እየገባ ነው
****************
(ኢ ፕ ድ )
የጡት ካንሰር ሞትን ለመቀነስ እንደሚያስችል የታመነበት ምዕናባዊው ሆስፒታል ወደ ትግበራ እየገባ ነው ሲል የአርቴፊሻል ኢንተለጀንስ ኢንስቲትዩት አስታወቀ:: የምናባዊ ሆስፒታሉ ህክምና በጡት ካንሰር የሚሞቱ እናቶችን ቁጥር ይቀንሰዋል ተብሏል::
ከኢትዮጵያ ፕሬስ ድርጅት ጋር ቆይታ ....
ሙሉውን ለማንበብ ሊንኩን ይጫኑ https://www.press.et/?p=99647

አፍሪካ ህብረት የተመሰረተበትን 60ኛ አመት ምክንያት በማድረግ ኤክስፖ ሊዘጋጅ ነው
****************
(ኢ ፕ ድ)
የኢትዮጵያ ውጭ ጉዳይ ሚኒስቴር ከሜጋ ሰፕሊ ኢንጂነሪንግ ጋር በመተባበር አፍሪካ ህብረት የተመሰረተበትን 60ኛ ዓመት የምስረታ በዓልን ምክንያት በማድረግ “አንድ አፍሪካ ኤክስፖ” በሚል መሪ ቃል ከግንቦት 17 እስከ 19 በሳይንስ ሙዚየም ኤክስፖ ሊያዘጋጅ ነው።
ኤክስፖውን አስመልክቶ ጋዜጣው መግለጫ የሰጡት በውጭ ጉዳይ ሚኒስቴር የፐብሊክ ዲፕሎማሲ ዳይሬክተር ጄኔራል አምባሳደር አብዱ ያሲን እንደገለጹት፣ በነጮች ግንቦት 25 አፍሪካ ክብረት የተመሰረተበትን 60ኛ አመት ያከብራል። በኤክስፖው ኢትዮጵያ ከአፍሪካ ሀገራት ጋር ያላትን ዲፕሎማሲያዊ ግንኙነትን ይበልጥ ታጸናለች ብለዋል።
የአፍሪካ አንድነት ድርጅት ከ60 አመት በፊት ሲመሰረት ዋና አላማው አፓርታይድን ማስወጣት ነው ያሉት አምባሳደሩ፣ ስሙን ወደ አፍሪካ ህብረት ከለወጠ ወዲህ ደግሞ አፍሪካውያን በኢኮኖሚ ጠንካራ እንዲሆኑ እየሰራ ይገኛል። አፍሪካውያን እርስ በርስ በንግድና በገበያ እንዲተሳሰሩ በፖሊሲ የተደገፍ ስራ እየተሰራ ነው። የአፍሪካ ህብረት የ2063 አጀንዳ ተግባራዊ እንዲሆን ኢትዮጵያ ጠንክራ እየሰራች ነው።
በኤክስፓውን ኢትዮጵያ የፖለቲካ ዲፕሎማሲዋን የምታጠናክርበት ይሆናል ብለዋል።
የአንድ አፍሪካ ኤክስፖ አዘጋጅ የቦርድ ሰብሳቢ አቶ ሳሙኤል መብራቱ በበኩላቸው፣ የሚዘጋጀው ኤክስፖ የአፍሪካን የ60 አመት ጉዞ የሚገመግም ነው። አፍሪካ ነጻ ከወጣች በኋላ በአለም መድረክ ያላትን ተቀባይነትና አፍሪካውያን ያላቸውን የባህል፣ የኢኮኖሚና የፖለቲካ ግንኙነትም እንዲጠንክር ያደርጋል ሲሉ ገልጸዋል።
የሚዘጋጀው ኤክስፖ አዲስ አበባ የፖለቲካ ዲፕሎማ ማእከልነቷን እንድታጸና ያግዛል ያሉት የቦርድ ሰብሳቢው፣ ኤክስፖው ኢትዮጵያ ከአፍሪካ፣ አፍሪካ ከአለም ጋር ያላቸውን ግንኙነት ያጠናክራል። የተጀመረውን ነጻ የንግድ ቀጠናን ያጠናክራል ብለዋል።
በሞገስ ጸጋዬ