የአፍሪካ አባቶችን ይተዋወቁ ‼️
#አህመድ_ቤን_ቤላ
“የሞኖሮቪያ” እና “የካዛብላንካ” ቡድን በሚል ተከፍለው የነበሩት የአፍሪካ አገሮች አዲስ አበባ ላይ ተገናኝተው ልዩነቶችን በማለዘብ ወደ አንድ የጋራ አቋም መጥተው ግንቦት 1955 ዓ.ም. 32 የአፍሪካ አገሮች የአፍሪካ አንድነት ድርጅትን በይፋ አቋቁመዋል።
ይህንን ድርጅት ከመሰረቱ የአፍሪካ አባቶች መካከል የቀድሞው የአልጄሪያ ፕሬዝዳንት አህመድ ቤን ቤላ አንዱ ናቸው።
በወቅቱ ድርጅቱ ሲመሰረት የመመስረቻ ሰነዱ በአራት ቋንቋዎች ተጽፎ በ32 አገራት መሪዎች የተፈረመ ሲሆን፤ ከአራቱ ቋንቋ አንዱ አማረኛ ነበር።

አማርኛ የአፍሪካ ህብረት የስራ ቋንቋ እንዲሆን ኢትዮጵያ ጠይቃለች‼️

44ኛው የአፍሪካ ህብረት ስራ አስፈጻሚዎች ምክር ቤት ስብሰባ ዛሬ በአዲስ አበባ መካሄድ ጀምሯል።

በዚህ ጉባዔ ላይ የመክፈቻ ንግግር ያደረጉት የውጭ ጉዳይ ሚንስትር አምባሳደር ታዬ አጽቀስላሴ አፍሪካ ህብረት የአማርኛ ቋንቋን የስራ ቋንቋው እንዲያደርግ ጥያቄ አቅርበዋል።

የአፍሪካ አንድነት ድርጅት ግንቦት 17 ቀን 1955 ዓ/ም አዲስ አበባ ላይ ተመሥርቶ የድርጅቱ መመሪያ ውል በ32 መሥራች አገር መሪዎች ጸድቆ ተፈርሟል።

የምሥረታ ቻርተሩ ከተዘጋጀባቸው አራት ቋንቋዎች መካከል አማርኛ አንዱ ነበር።

የድርጅቱም ፅኅፈት ቤት በአዲስ አበባ እንዲሆን ቀዳማዊ ኃይለ ሥላሴ ባቀረቡት ጥያቄ መሠረት እስካሁን ድረስ በአዲስ አበባ ላይ ይገኛል።

ይህ ድርጅት በ1994 ዓ/ም የአፍሪካ ኅብረት በሚባለው ስያሜ ተተክቷል።

የአፍሪካ አንድነት ድርጅት የተመሰረተበትና በአማረኛ የተጻፈውን ቻርተር ከስር ይመልከቱ

የአፍሪካ አባቶችን ይተዋወቁ ‼️

#ምዋሚ_ምዋምቡትሳ IV

“የሞኖሮቪያ” እና “የካዛብላንካ” ቡድን በሚል ተከፍለው የነበሩት የአፍሪካ አገሮች አዲስ አበባ ላይ ተገናኝተው ልዩነቶችን በማለዘብ ወደ አንድ የጋራ አቋም መጥተው ግንቦት 1955 ዓ.ም. 32 የአፍሪካ አገሮች የአፍሪካ አንድነት ድርጅትን በይፋ አቋቁመዋል።

ይህንን ድርጅት ከመሰረቱ የአፍሪካ አባቶች መካከል የቀድሞው የብሩንዲ ንጉሥ ምዋሚ ምዋምቡትሳ IV አንዱ ናቸው።

በወቅቱ ድርጅቱ ሲመሰረት የመመስረቻ ሰነዱ በአራት ቋንቋዎች ተጽፎ በ32 አገራት መሪዎች የተፈረመ ሲሆን፤ ከአራቱ ቋንቋ አንዱ አማረኛ ነበር።

(ኢ.ፕ.ድ የካቲት 6 ቀን 2016 ዓ.ም)

ነገ ለሚካሄደው ሕዝባዊ ውይይት ከፍተኛ የመንግሥት የሥራ ኃላፊዎች ድሬዳዋ ገቡ
*****
(ኢ.ፕ.ድ)

ነገ በድሬዳዋ ከተማ ለሚካሄደው ሕዝባዊ ውይይት ከፍተኛ የመንግሥት ሥራ ኃላፊዎች ወደ ከተማዋ ገብተዋል።

በነገው ዕለት “ኅብረ ብሔራዊ ወንድማማችነትና እህትማማችነት ለዘላቂ ሰላምና ሁለንተናዊ ብልጽግና”በሚል መሪ ሐሳብ በ20 ከተሞች ሕዝባዊ ውይይቶች ይካሄዳሉ፡፡

በድሬዳዋ ከተማ የሚካሄደውን ሕዝባዊ ውይይት ለመምራትም የገንዘብ ሚኒስትር ዴዔታ ኢዮብ ተካልኝ (ዶ/ር) እና በብልጽግና ፓርቲ የደቡብ ምዕራብ ኢትዮጵያ ሕዝቦች ክልል ቅርንጫፍ ጽሕፈት ቤት ኃላፊ ጸጋዬ ማሞ ወደ ከተማዋ ገብተዋል፡፡

አመራሮቹ ድሬዳዋ ሲገቡ የአስተዳደሩ ከንቲባ ከድር ጁሃርን ጨምሮ የከተማዋ የሥራ ኃላፊዎች አቀባበል እንዳደረጉላቸው ከከተማ አስተዳደሩ ኮምንኬሽን ያገኘነው መረጃ ያሳያል።

የካቲት 6 ቀን 2016 ዓ.ም

በአፍሪካ ህብረት የመሪዎች ጉባዔ የ51 ሀገራት መሪዎች ይሳተፋሉ
***
(ኢ.ፕ.ድ)

በመጪው ቅዳሜና እሁድ በሚካሄደው የአፍሪካ ህብረት የመሪዎች ጉባዔ የ51 ሀገራት መሪዎች እና የ14 ዓለም አቀፍ ድርጅት ኃላፊዎች እንደሚሳተፉ የውጭ ጉዳይ ሚኒስቴር አስታወቀ።

የውጭ ጉዳይ ሚኒስቴር ቃለአቀባይ አምባሳደር መለስ ዓለም (ዶ/ር) የዛሬውን የአፍሪካ ህብረት የስራ አስፈጻሚዎች ምክር ቤት መደበኛ ስብሰባ አስመልክተው መግለጫ ሰጥተዋል።

በመግለጫቸውም የካቲት 9 እና 10 ቀን 2016 ዓ.ም በሚካሄደው የአፍሪካ ህብረት የመሪዎች ጉባዔ የ51 ሀገራት መሪዎች እና የ14 ዓለም ዓቀፍ ተቋማት ኃላፊዎች እንደሚሳተፉ አስታውቀዋል።

እየተካሄደ ከሚገኘው የ44 ኛው የአፍሪካ ህብረት የስራ አስፈጻሚዎች ምክር ቤት መደበኛ ስብሰባ ጎን ለጎን የውጭ ጉዳይ ሚኒስቴር አምባሳደር ታዬ አፅቀስላሴ ከቱኑዚያ እና ማዕከላዊ አፍሪካ ሪፐብሊክ ሀገራት የውጭ ጉዳይ ሚኒስትሮች ጋር የሁለትዮሽ ውይይት ማድረጋቸውን ተናግረዋል።

ውይይቱ ከሌሎች ሀገራት ጋርም በቀጣይ ቀናት ተጠናክሮ እንደሚቀጥል ቃል አቀባዩ አመላክተዋል።

በዛሬው ዕለት በተካሄደው መደበኛ ስብሰባ ኢትዮጵያ በትምህርት እና በፕሪቶሪያው የሰላም ስምምነት ስኬታማነት እየሰራችው ያለው ስራ ተንጸባርቋል ብለዋል።

በሄለን ወንድምነው እና ቃልኪዳን አሳዬ
የካቲት 6 ቀን 2016 ዓ.ም

ኢትዮጵያውያን ኅብረ ብሔራዊነታቸውን በዓድዋ ድል አስመስክረዋል
**********
(ኢ.ፕ.ድ)
ኢትዮጵያውያን ኅብረ ብሔራዊነታ ቸውን ጠላትን በአንድነት ቆመው ተዋግተው ባሸነፉበት የዓድዋ ድል ማስመስከራቸውን ተባባሪ ፕሮፌሰር አየለ በከሪ (ዶ/ር) ገለጹ፡፡

ተባባሪ ፕሮፌሰር አየለ (ዶ/ር) ለኢትዮጵያ ፕሬስ ድርጅት እንደገለጹት፤ የዓድዋ ድል ሕዝቦች ሀገራቸውን ለማዳን በመዘጋጀታቸው፣ በአንድነት በተከፈለ መስዋዕትነት የተመዘገበ የሚያስደንቅና በአርዓያነትም የሚጠቀስ ኅብረብሔራዊ ድል ነው፡፡

የየጁ፣ የወለጋና የሸዋ ፈረሰኞች እንዲሁም የጎንደር፣ የቤኒሻንጉልና የሸዋ ተዋጊዎች አንድም ሳይቀሩ ዓድዋ ላይ ተዋግተው ሲያሸንፉ ያስመሰከሩት ኅብረብሔራዊነታቸውን ነው ያሉት ተባባሪ ፕሮፌሰሩ፤ ዓድዋ ኅብረብሔራዊነት የኢትዮጵያ የወደፊት አቅጣጫ መሆን እንዳለበት ትምህርት የተሰጠበት...

ሙሉውን ለማንበብ ሊንኩን ይጫኑ
https://press.et/?p=120864

የኢትዮ-ጅቡቲ ባቡር ትራንስፖርት ከሁለት ነጥብ ሁለት ቢሊዮን ብር በላይ ገቢ አገኘ
************
(ኢ.ፕ.ድ)
👉አንድ ነጥብ ሁለት ሚሊዮን ቶን ጭነት አጓጉዟል

በበጀት ዓመቱ ባለፉት ሰባት ወራት ከሁለት ነጥብ ሁለት ቢሊዮን ብር በላይ ገቢ ማግኘቱን የኢትዮ-ጅቡቲ ባቡር ትራንስፖርት አክሲዮን ማኅበር አስታወቀ።

አንድ ነጥብ ሁለት ሚሊዮን ቶን ገቢና ወጪ ጭነት እንዲሁም ከ115 ሺህ በላይ መንገደኞች ማጓጓዙን ማኅበሩ ጨምሮ ገልጿል፡፡

በማኅበሩ ከፍተኛ የእቅድና የፕሮግራም አስተዳደር ዳይሬክተር አቶ ፍስሐ መብራህቶም ለኢትዮጵያ ፕሬስ ድርጅት እንደገለጹት፤ በበጀት ዓመቱ ሰባት ወራት ሁለት ቢሊዮን 256 ሚሊዮን 459 ሺህ ብር በላይ ገቢ ተገኝቷል፡፡

በበጀት ዓመቱ ሰባት ወራት ሁለት ቢሊዮን 158 ሚሊዮን 333 ሺህ ብር ገቢ ለማግኘት ታቅዶ እንደነበር ያነሱት አቶ ፍስሐ፤ የእቅዱን 104 በመቶ በማሳካት ከሚጠበቀው በላይ ገቢ ማግኘት መቻሉን አስረድተዋል፡፡

አቶ ፍስሐ አክለውም፤ ባለፉት ሰባት ወራት አንድ ነጥብ አምስት ሚሊዮን ቶን ጭነት ለማጓጓዝ ታቅዶ አንድ ነጥብ ሁለት ሚሊዮን....

ሙሉውን ለማንበብ ሊንኩን ይጫኑ
https://press.et/?p=120890