የሐሮማያ ሐይቅ ተስፋና ስጋት
**************
(ኢ ፕ ድ)
አካባቢው ማራኪ ነው፡፡ በሐሮማያ ሀይቅ ዙሪያ ያሉ እርሻዎች አካባቢውን አረንጓዴ ስጋጃ የተነጠፈ አስመስለውታል፡፡
የአዕዋፋት ድምፅ፣ የጀልባዎች ቀዘፋና የአካባቢው ሥነ ምሕዳር የጎብኝዎችን ቀልብ ይስባል፡፡

በ1996 ዓ.ም ሐይቁ በዓይናችን እያየነው ደረቀ የሚለው ሐሮማያ ሐይቅ አጠገብ በምትገኘው ማያ ከተማ ተወልዶ ያደገው አቶ ረመዳን አሊ፤ በወቅቱ ሐይቁ ሲደርቅ እናትና አባታችንን እንዳጣን ሁላችንም የአካባቢው ነዋሪዎች አዘንን፣ ተከፋን፣ ዳግመኛም ሐይቁ ይመለሳል ብለንም አላሰብንም ይላል፡፡
የአምላክ ሥራ አይታወቅም፤ ያልገመትነው ነገር ተከሰተ፡፡

ሐሮማያ ሐይቅ ከ17 ዓመታት በኋላ ተመልሶ መጣ፡፡ እኛም ዳግም እንደተወለደ ሰው ተደሰትን፣ ጨፍርን፣ እንደ ዓይናችን ብሌን የምናየውን ሐይቅ በደስታ እንባ ተቀበልነው ብሏል፡፡

2012 ዓ.ም ኃይለኛ ዝናብ በመዝነቡ ሐይቁ ተመልሶ እንደመጣ የሚያስታውሰው አቶ ረመዳን፤ በአሁኑ ጊዜም 360 ወጣቶች ተደራጅተው ሐይቁን በማስጎብኘትና ዓሳ በማጥመድ ሥራ ላይ ተሠማርተው እንደሚገኙ ነግሮናል።

ሐይቁ በመመለሱ ደስተኞች ነን። እኛም ሆነ ልጆቻችን ከ17 ዓመታት በኋላ ወደ ቀድሞ ሥራችን ተመልሰናል

ሙሉውን ለማንበብ ሊንኩን ይጫኑ
https://press.et/?p=120863

መንግሥታዊ ያለሆኑ ድርጅቶች ለ28 አቅመ ደካሞች የመኖሪያ ቤት አበረከቱ
************
(ኢ.ፕ.ድ)
ሀቢታት ፎር ሂውማኒቲ ኢትዮጵያና ኤልጂ ኤሌክትሮኒክስ በትብብር በየካና ጉለሌ ክፍለከተሞች ለሚገኙ 28 አቅመ ደካሞች የመኖሪያቤቶችና ልዩ ልዩ አገልግሎት መስጫዎችን አበረከቱ።

በመርሀግብሩ የተገኙት በኢትዮጵያ የኮሪያ አምባሳደር ሚስተር ጃንግ ካንግ እንዳሉት ኢትዮጵያ ለኮሪያ የዋለችውን ነፍስ እስከመስጠት የደረሰ ውለታ አትረሳም።

አሁን ኮሪያ በተራዋ ከኢትዮጵያ ጋር የሚኖራትን ኢኮኖሚያዊና ማህበራዊ ድጋፎች የምትቀጥል ይሆናል።

የሀቢታት ፎር ሂውማኒቲ ኢትዮጵያ ብሄራዊ ዳይሬክተርና የተቋሙ የአፍሪካ ህብረት ተወካይ አቶ ይጥና ተካልኝ እንዳሉት፤ ተቋሙ የኮሪያ ዘማች ቤተሰቦችን ጨምሮ ብዙዎችን ከጉስቁልና እንዲላቀቁ ያስቻለ ነው።

ተቋሙ ባለፉት 29 ዓመታት 165ሺህ ቤተሰቦችን ወይም 826ሺህ ሰዎችን ተጠቃሚ ማድረግ የቻለ ሲሆን በዛሬው ፕሮጀክትም 28 ቤቶችን ሰርቶ አስረክቧል።

በዳግማዊት ግርማ
የካቲት 7 ቀን 2016 ዓ.ም

የአፍሪካ አባቶችን ይተዋወቁ

#ማውረሥ_ያመጎ

ኢትዮጵያ “የሞኖሮቪያ” እና “የካዛብላንካ” ቡድን በሚል ተከፍለው የነበሩትን የአፍሪካ አገሮች አዲስ አበባ ላይ በማገናኘትና ልዩነቶችን በማለዘብ ወደ አንድ የጋራ አቋም እንዲመጡ አድርጋለች።

በዚሁ መሰረት ግንቦት 1955 ዓ.ም 32 መስራች አገሮች የአፍሪካ አንድነት ድርጅትን በይፋ አቋቁመዋል።
ለዚህ ድርጅት እውን መሆን ፊርማቸውን ካኖሩ አገራት መካከል የቀድሞ የቡርኪናፋሶ ፕሬዝዳንት ማውረሥ ያመጎ አንዱ ናቸው።

በወቅቱ ድርጅቱ ሲመሰረት የመመስረቻ ሰነዱ በአራት ቋንቋዎች ተጽፎ በ32 አገራት መሪዎች የተፈረመ ሲሆን፤ ከአራቱ ቋንቋ አንዱም አማረኛ ነበር።

በትግራይ ክልል ለተከሠተው ድርቅ የተቀናጀ ርብርብ እንዲደረግ ጥሪ ቀረበ
***********
(ኢ.ፕ.ድ)
በትግራይ ክልል ለተከሰተው ድርቅ ሁሉም አካላት ችግሩን ለመሻገር በተደራጀና በተቀናጀ መንገድ ርብርብ እንዲያደርግ ጥሪ ቀረበ፡፡

በሰው፣ በእንስሳትና በእጽዋት ላይ የደረሰው ጉዳት ከፍተኛ መሆኑን በምልከታ ማረጋገጡን በሕዝብ ተወካዮች ምክር ቤት የውጭ ግንኙነትና ሰላም ጉዳዮች ቋሚ ኮሚቴ ገልጿል፡፡

ቋሚ ኮሚቴው በትግራይ ክልል ያለውን ወቅታዊ ነባራዊ ሁኔታ በተመለከተ በምልከታ ያረጋገጠውን አስመልክቶ ጋዜጣዊ መግለጫ ሰጥቷል፡፡

በትግራይ ክልል ሰው ሰራሽና የተፈጥሮ አደጋ ምክንያት ድርቅ በተከሰተባቸው አካባቢዎች ከፍተኛ ጉዳት ማስከተሉን መመልከቱን የቋሚ ኮሚቴው ሰብሳቢና የልዑካን ቡድኑን የመሩት ዲማ ነገዎ (ዶ/ር) አመልክተዋል፡፡

ሰብአዊ ችግሩን ክልሉ ብቻውን የሚወጣው ባለመሆኑ ሁሉም ወገኑን የሚታደግበት ሁኔታ መኖር አለበት ብለዋል፡፡

እናቶች፣ ሕጻናትና አዛውንቶች ከቀዬአቸው ተፈናቅለው በመጠለያ እንደሚገኙ አመልክተዋል፡፡

አካባቢው ኮቪድ፣ የአምበጣ ወረርሽኝ፣ ሁለት ዓመትም በጦርነት ያሳለፈ መሆኑን አስታውሰዋል፡፡

ሕዝቡ ችግር ውስጥ እንዳለ በመስክ ምልከታ፣ ተጎጂዎችን አመራሮችንና ገለልተኛ አካላትን በማነጋገር የችግሩን ስፋት መገንዘብ መቻሉን ጠቁመዋል፡፡

በመሆኑም ሕዝቡ ወደ ቀዬው ተመልሶ እስኪቋቋም ድረስ ተከታታይና ዘላቂነት ያለው ድጋፍ ስለሚፈልግ ሁሉም አካላት ርብርብ እንዲያደርጉ ጥሪ አቅርበዋል፡፡

በዘላለም ግዛው
የካቲት 7 ቀን 2016 ዓ.ም

የአፍሪካ አባቶችን ይተዋወቁ‼️
#ግብጽ
#ጋማል_አብዱል_ናስር

ኢትዮጵያ “የሞኖሮቪያ” እና “የካዛብላንካ” ቡድን በሚል ተከፍለው የነበሩትን የአፍሪካ አገሮች አዲስ አበባ ላይ በማገናኘትና ልዩነቶችን በማለዘብ ወደ አንድ የጋራ አቋም እንዲመጡ አድርጋለች።

በዚሁ መሰረት ግንቦት 1955 ዓ.ም 32 መስራች አገሮች የአፍሪካ አንድነት ድርጅትን በይፋ አቋቁመዋል።

ለዚህ ድርጅት እውን መሆን ፊርማቸውን ካኖሩ አገራት መካከል የቀድሞ የግብጽ ፕሬዝዳንት ጋማል አብዱል ናስር አንዱ ናቸው።

በወቅቱ ድርጅቱ ሲመሰረት የመመስረቻ ሰነዱ በአራት ቋንቋዎች ተጽፎ በ32 አገራት መሪዎች የተፈረመ ሲሆን፤ ከአራቱ ቋንቋ አንዱም አማረኛ ነበር።

ኢትዮጵያና ሊቢያ የሁለትዮሽ ግንኙነታቸውን ለማጠናከር ተስማሙ
****
(ኢ ፕ ድ)

የውጭ ጉዳይ ሚኒስትር ዴኤታ አምባሳደር ምስጋኑ አርጋ ከሊቢያ ምክትል የውጭ ጉዳይ ሚኒስትር መሀመድ ኢሳ ጋር በዛሬው እለት ተወያይተዋል።

ውይይቱ የተካሄደው ከአፍሪካ ህብረት 44ኛው የስራ አስፈፃሚ ምክር ቤት ስብሰባ ጎን ለጎን ነው ብሏል።

ሁለቱ ወገኖች ከዚህ ቀደም የነበሩ የግንኙነት አሰራሮችን ለመገምገምና የፖለቲካ ምክክር ስርዓት ለመፍጠር ተስማምተዋል።

በተጨማሪም በአቬሽን እና የስራ ስምሪት ዘርፎች ትብብርን ለማጠናከርም ከመግባባት ላይ ደርሰዋል።

የካቲት 7 ቀን 2016 ዓ.ም

ለአፍሪካ ህብረት ጉባኤ መሪዎች አዲስ አበባ መግባት ጀመሩ
*****
(ኢ ፕ ድ)

የኮትዲቯር ምክትል ፕሬዝዳንት ቲሞኮ ሚዬሊ ኮኔ በ37ኛ የአፍሪካ ህብረት መደበኛ የመሪዎች ጉባኤ ላይ ለመሳተፍ አዲስ አበባ ገብተዋል።

ፕሬዝዳንቱ ቦሌ አለማቀፍ አየርማረፊያ ሲደርሱም የሰላም ሚኒስትሩ አቶ ብናልፍ አንዷለም አቀባበል አድርገውላቸዋል።

37ኛው የአፍሪካ ኅብረት አባል ሀገራት የመሪዎች ጉባኤ በመጪው ቅዳሜና እሁድ በአዲስ አበባ ይካሄዳል።

የካቲት 7 ቀን 2016 ዓ.ም

"ወደ አፍሪካ ኅብረት መዲና እንኳን ደኅና መጣችሁ" - ጠቅላይ ሚኒስትር ዐቢይ አሕመድ (ዶ/ር)

የካቲት 7 ቀን 2016 ዓ.ም

አምባሳደር ታዬአጽቀሥላሴ ከቤኒን አቻቸው ጋር በሁለትዮሽና ቀጣናዊ ጉዳዮች ላይ መክረዋል
***
(ኢ ፕ ድ)

የውጭ ጉዳይ ሚኒስትር ክቡር አምባሳደር ታዬ አጽቀስላሴ ከቤኒን አቻቸው ኦሉሸጉን ባካሪ ጋር በሁለትዮሽና ቀጣናዊ ጉዳዮች ላይ መክረዋል።

በውይይቱ አምባሳደር ታዬ አጽቀስላሴ ቤኒን በአፍሪካ ጉዳዮች ላይ ያላትን የማይናወጥ ቁርጠኝነት አድንቀዋል።

ኦሉሼጉን ባካሪ በበኩላቸው ቤኒን በማኑፋክቸሪንግ ዘርፍ ከኢትዮጵያ ልምድ መቅሰም ትፈልጋለች ብለዋል።

የፖለቲካ ግንኙነቶችን ወደ ኢኮኖሚያዊ ትብብር ለማሳደግ ትክክለኛው ጊዜ አሁን እንደሆነም ተስማምተዋል።

የካቲት 7 ቀን 2016 ዓ.ም