በጸጥታ ችግር ምክንያት ግንባታው ተቋርጦ የነበረው የቡርቂቱ የውሃ ፕሮጀክት ዳግም ወደ ግንባታ ተመለሰ
****************
(ኢ ፕ ድ)
በጸጥታ ችግር ምክንያት ግንባታው ተቋርጦ የነበረው የቡርቂቱ የውሃ ግድብ ፕሮጀክት ዳግም ወደ ግንባታ መመለሱን የምስራቅ ቦረና ዞን አስታወቀ።

የኦሮሚያ ክልል የግብርና ቢሮ ከፍተኛ የሥራ ኃላፊዎች በምስራቅ ቦረና ዞን በጎሮ ዶላ ወረዳ የቡርቂቱ የውሃ ፕሮጀክት ጎብኝተዋል።

የምስራቅ ቦረና አስተዳደር አቶ አብዱራዛቅ ሁሴን በወቅቱ እንደገለጹት፤ በጸጥታ ችግር ምክንያት ግንባታው ተቋርጦ የነበረው የቡርቂቱ የውሃ ግድብ ፕሮጀክት ዳግም ወደ ግንባታ ተመልሷል።

በክልሉ የፊና ፕሮጀክቶች ውስጥ የሚለሙ በዞኑ አራት የውሃ ግድብ ፕሮጀክቶች አሉ ያሉት አቶ አብዱራዛቅ፤ የቡርቂቱ የውሃ ግድብ የአርሶ አደሩን ከፍተኛ የውሃ ችግር ከመቅረፍ ጎን ለጎን በመስኖ የምግብ ፍጆታውን እንዲሸፍን ውጥን ያለው መሆኑን ጠቁመዋል።

እንደ አቶ አብዱራዛቅ ገለጻ፤፡ፕሮጀክቱ በ30 ሄክታር ላይ የተቀመጠ ሲሆን ፕሮጀክቱ በቀጣዮቹ ስድስት ወራት ለማጠናቀቅ እየተሰራ መሆኑን ገልጸዋል።

የኦሮሚያ መስኖና አርብቶ አደር ቢሮ ኃላፊ ኢንጂነር ግርማ ረጋሳ በበኩላቸው በክልሉ በፊና ፕሮጀክት ስር 73 የውሃ ግድብ እየተገነቡ መሆኑን ጠቅሰው 12 የሚሆኑት መጠናቀቃቸውን ገልጸዋል።

የቡርቂቱ የውሃ ግድብ ፕሮጀክት የሚያስፈልገውን ማሽነሪ ተሟልቶ ዳግም ወደ ስራ ገብቷል።

አፈጻጸሙ 20 በመቶ መድረሱን ተናግረዋል።

በልጅዓለም ፍቅሬ(ቦረና)
ሰኔ 7 ቀን 2016 ዓም

የከንቲባ አዳነች አቤቤ መልዕክት‼️
በከተማችን ከሚገኙ የፖለቲካ ፓርቲዎች የጋራ ምክር ቤት አባል ከሆኑ የተፎካካሪ የፖለቲካ ፓርቲዎች አመራሮች ጋር ተወያይተናል።
የዛሬው መድረካችን እየተሻሻለ የመጣውን የገዢ እና የተፎካካሪ ፓርቲዎች በጋራ የመስራት አዲስ የፖለቲካ ባህል መዳበር የበለጠ የሚያጠናክር ሲሆን፣ በዚህ ዓመት ብቻ ስለከተማችን ሰላም፣ ልማት እና የፖለቲካ ባህል መዳበር ስንመክር ይህ ለሁለተኛ ጊዜ ነው። ምንም እንኳን የፖለቲካ ልዩነት ቢኖረንም፣ የጀመርነውን ይህን የትብብር ባህል በማጠናከር የጋራ አጀንዳዎቻችን ላይ ለጋራ ሃገር በጋራ መስራታችንን አሁንም እንቀጥላለን!
ፈጣሪ ኢትዮጵያን እና ህዝቦቿን ይባርክ

በቀጣይ ሶስት አመታት ለማጠናቀቅ እየተሰራ የሚገኘው የአሶሳ ስታዲየም የግንባታ ሂደት አሁናዊ ገጽታ በፕሬስ ዐይን‼️

ሰኔ 7 ቀን 2016 ዓም

የከንቲባ አዳነች አቤቤ መልዕክት ‼️

ያለ ህዝብ ብቁ ተሳትፎ የሚከናወን ስራ ሙሉ ሊሆን አይችልም!
ሰላማችንን ዘላቂ እና ህዝባዊ መሰረት ያለው ለማድረግ ዛሬ አሰልጥነን ያስመረቅናቸው 11 ሺሕ አዲስ ምልምል የሠላም ሠራዊት አባላትን ጨምሮ 341 ሺሕ የሠላም ሠራዊት አባላትን የከተማችን የሰላም ዘብ አድርገን አሰማርተናል።

ከ2013 ጀምሮ ሕዝባችንን በተደራጀ መልኩ ከጸጥታ ኃይሉ ጋር ማቀናጀት እና የሰላሙ ዋነኛ ባለቤት ማድረግ መቻላችን እስካሁን ጋስገኙን ውጤታማ እና ስኬታማ ስራዎች በተጨማሪ ከተማችንን ለነዋሪዎቿ ምቹ እና ሰላማዊ ማድረግ ችለናል።

ዛሬ የተመረቃችሁ የሰላም ሰራዊት አባላት ሕዝባችን የሰላሙ እና የተሰሩ መሰረተ ልማቶች ባለቤትና ቀዳሚ ተጠቃሚ መሆኑን በመረዳት በየአካባቢያችሁ የሰላምና የመሰረተ ልማቱ ዘብ በመሆን ህዝባችሁን በፍፁም ትህትና እና ፍቅር እንድታገለግሉ አደራ ማለት እወዳለሁ::

ፈጣሪ ኢትዮጵያን እና ህዝቦቿን ይባርክ