የኢትዮጵያ የባሕር በር ጥያቄ የአማራጭ ሳይሆን ምርጫ የሌለው የህልውና ጉዳይ ነው
****
(ኢ ፕ ድ)
ኢትዮጵያ የባሕር በር ተጠቃሚነቷን ቀደም ሲል በተፈጠረ የፖለቲካ ችግርና የዲፕሎማሲ አያያዝ ምክንያት ብታጣም
አሁን ላይ የቀረበው ጥያቄ የአማራጭ ሳይሆን ምርጫ የሌለው የህልውና ጉዳይ ነው ሲሉ ሌተናል ጀነራል ዮሐንስ ገብረመስቀል ተናገሩ።

ሌተናል ጀነራል ዮሐንስ ለኢፕድ እንደገለፁት፣ ትውልዱ የባሕር በር ጥያቄ በሰላማዊና በዲፕሎማሲያዊ መንገድ ምላሽ እንዲያገኝ መስራት ይገባል።

የኢትዮጵያን የባሕር በር ጥያቄ ሁሉም ወገን በበጎ መልኩና በጋራ ተጠቃሚነት መርህ ሊመለከተው ይገባል ያሉት ሌተናል ጀነራሉ፤ ኢትዮጵያ የባሕር በር ተጠቃሚ ብትሆን ጥቅሙ ለጎረቤት ሀገራትም ጭምር እንደሆነ ገልጸዋል።

የኢትዮጵያ የባሕር በር ሳትጠቀም ከ30 ዓመታት በላይ አሳልፋች። ይህ በዝምታ የሚታለፍ ጉዳይ እንዳልሆነ ገልጸው፤ በተለይ ከጎረቤት ሀገራት ጋር ሰላምና በሰጥቶ መቀበል መርህ ተጠቃሚ መሆን እንዳለባት ተናግረዋል።

ሁሉም የባሕር በር ተጠቃሚ ሀገራት በፍትሃዊ መንገድ ቢጠቀሙ ሁሉንም አትራፊ ያደርጋል ያሉት ሌተናል ጀነራሉ፤ የባሕር በር ጉዳይ ገበያ የሚፈጥር፣ ደህንነትን የሚያረጋግጥና ለኢኮኖሚ ዕድገት መሠረት በመሆኑ የትውልዱ አንገብጋቢ ጥያቄ ነው ብለዋል።

የባሕር በር ተጠቃሚነትን ለማረጋገጥ በሰላማዊ መንገድ እስከ መጨረሻው ድረስ መሄድ እንዳለበት ጠቁመው፤ ይህ  ጥያቄ  ምላሽ እንዲያገኝ በትኩረት መሥራት እንደሚገባ አመላክተዋል... https://press.et/?p=149038

“የዓባይ ግድብ የዘመናት ሕልም የተፈታበት የትውልድ ኩራት ነው”
– አቶ ዛሂድ ዘይዳን ኣል-ሐረሪ የኪንግስ ኦፍ ዓባይ ሚዲያ ምክትል ሥራ አስኪያጅ
******
(ኢ ፕ ድ)

የሕዳሴ ግድብ ያለፉት ትውልዶች የዘመናት ሕልም የተፈታበት፤ የትውልዱ ኩራት እንደሆነ የኪንግስ ኦፍ ዓባይ ሚዲያ መሥራችና ምክትል ሥራ አስኪያጅ አቶ ዛሂድ ዘይዳን ኣል-ሐረሪ አስታወቁ።

በግድቡ ላይ የተያዘውን አንድ ዓይነት አቋም በሌሎች ሀገራዊ ልማቶች ማስቀጠል እንደሚያስፈልግም አመልክተዋል።

የኪንግስ ኦፍ ዓባይ ሚዲያ መሥራችና ምክትል ሥራ አስኪያጅ አቶ ዛሂድ ዘይዳን ኣል-ሐረሪ ለኢፕድ እንዳስታወቁት፤ ግድቡ ያለፉት ትውልዶች የዘመናት ሕልም የተፈታበት የትውልድ ኩራት ነው። የውሃ ጉዳይ ብቻ ሳይሆን የሕይወት አጀንዳም ነው።

ኢትዮጵያውያን ስለወንዙ ያላቸውን የቁጭት ቃል በዘፈን በሥነቃልና በሌሎችም ኪነጥበባዊ ሥራዎች ሲገልጹ መኖራቸውን የጠቆሙት አቶ ዛይድ፤ አሁን ላይ ወደ ተግባር ተገብቶ ግድቡ ከፍጻሜ ጫፍ መድረሱ የሕዝባችንን ጽናት የሚያመላክት እንደሆነ አስታውቀዋል፡፡

በወንዙ ላይ ስለሚገነባ ግድብ ሲወራ የነበረው በዚህ ትውልድ ብቻ ሳይሆን፤ የአሁኗ፣ አዲሲቷ ኢትዮጵያ ሳትፈጠር በፊትም እንደነበር ጠቁመዋል። በወንዙ ላይ ግድብ ለመገንባት የሚጓጉ፣ ምኞት የነበራቸው ትውልዶች እንደነበሩም ገልጸዋል፡፡

ግንባታው ከየትኛውም ፖለቲካዊ አቋምና አመለካከት በላይ የሆነ የውሃ ጉዳይ ብቻ ሳይሆን ሕይወትም ጭምር ነው ያሉት አቶ ዛሂድ፤ የትኛውንም ዓይነት የፖለቲካ አመለካከት ያላቸው አካላት የሀገር ጉዳይ በሆነው በሕዳሴ ግድቡ ዙሪያ የተያዘውን አንድ ዓይነት አቋም አስጠብቀው ማስቀጠል እንደሚገባቸው አሳስበዋል፡፡https://press.et/?p=149110

"ዛሬ ጠዋት ከአፍሪካ ኅብረት ኮሚሽን ሊቀመንበር መሃሙድ አሊ ዩሱፍ ጋር ተገናኝተን በቁልፍ ቀጠናዊ የሰላምና ፀጥታ ጉዳዮች ላይ ውይይት አድርገናል"

-ጠቅላይ ሚኒስትር ዐቢይ አሕመድ(ዶ/ር)

መጋቢት 30 ቀን 2017 ዓም

ጠቅላይ ሚኒስትር ዐቢይ አሕመድ (ዶ/ር) ከአፍሪካ ኅብረት ኮሚሽን ሊቀ መንበር መሃሙድ አሊ ዩሱፍ ጋር ያደረጉት ቆይታ‼️

የቀድሞው የትግራይ ክልል ጊዜያዊ አሰተዳደር ፕሬዝዳንት የትግራይን ህዝብ አመሰገኑ

የሁለት ዓመት የጊዜያዊ መስተዳድር ሀላፊነቴን በይፋ አስረክቤያለሁ። የትግራይ ህዝብ ላሳየኝ ክብርና ድጋፍ ላቅ ያለ ምስጋና አለኝ። ህዝባችን ወደ ተሻለ ሁኔታ እንዲመለሰ ሁለንተናዊ ፍላጎቱ እንዲሟላለት የተቻለኝን ሁሉ አደርጋለሁ። የሰላምና የለውጥ ፍላጎት እንዳይሰናከል ትግላችንን እናጠናክር። ክብረት ይስጥልኝ!"

አቶ ጌታቸው ረዳ

መጋቢት 30 ቀን 2017 ዓም

የትግራይ ጊዜያዊ አስተዳደር የፕሬዚዳንትነት ርክክብ ሥነሥርዓት‼️