አርሶ አደሩ የተፈጥሮ ማዳበሪያን አዘጋጅቶ እንዲጠቀም ለማስቻል እየሠራ መሆኑን ቢሮው አስታወቀ
********************
(ኢ ፕ ድ)
አርሶ አደሩ በስፋት የተፈጥሮ ማዳበሪያን አዘጋጅቶ እንዲጠቀም ንቅናቄ በመፍጠር በትኩረት እየሠራ መሆኑን የአማራ ክልል ግብርና ቢሮ አስታወቀ፡፡
በአማራ ክልል ግብርና ቢሮ የሰብል ልማትና ክትትል ዳይሬክተር አቶ አለባቸው አሊጋዝ በተለይም ለኢትዮጵያ ፕሬስ ድርጅት እንደገለጹት፤ አሁን ካለው የሰው ሰራሽ ማዳበሪያ እጥረትና የዋጋ ንረት ጋር በተያያዘ አርሶ አደሩ ምርት ማምረት እንዲችል የተፈጥሮ ማዳበሪያን በስፋት አዘጋጅቶ እንዲጠቀም በትኩረት እየተሠራ ነው።
የክልሉ አርሶ አደሮች እንደ ኮምፖስት፣ አረንጓዴ ማዳበሪያና ሌሎች የተፈጥሮ ማዳበሪያዎችን እንዲያዘጋጅ የማድረግ ሥራ ከፍተኛ ንቅናቄ በመፍጠር በስፋት እየተሠራ ስለመሆኑ የሰብል ልማትና ክትትል ዳሬክተሩ ገልጸዋል።
እንደ አቶ አለባቸው ገለጻ፤ የሰው ሰራሽ ማዳበሪያ አቅርቦት እጥረትና የዋጋ ውድነቱ እንደ አገር ብሎም እንደ ዓለም አቀፍ የተፈጥሮ ጫና ነው።ይህን ጫና ለመቋቋም አርሶ አደሩን የተፈጥሮ ማዳበሪያ እንዲጠቀምና ምርታማነቱን በሚፈለገው ልክ እንዲያሳድግ በሰፊው እየተሠራበት ነው።
ቀደም ሲል ባሉት ዓመታት አርሶ አደሩ የሰው ሠራሽ ማዳበሪያ የሚያገኝበት...
ሙሉውን ለማንበብ ሊንኩን ይጫኑ
https://www.press.et/?p=70896
ኢትዮጵያን እናልማ፣ እንገንባ፣ እንዘጋጅ‼️
ሀገርን በዘላቂነት እናልማ‼️
የፈረሰውን አብልጠን እንገንባ‼️
ለማንኛውም ፈተና እንዘጋጅ‼️

አለም አቀፍ የሠራተኞች ስምምነት በኢትዮጵያ የህግ ስርዓት ውስጥ ተካተው እንዲተገበሩ የማስጀመሪያ ፕሮግራም ተካሄደ
************************
(ኢ ፕ ድ)
የኢትዮጵያ ሠራተኞች ማህበራት ኮንፌዴሬሽን የሠራተኞች ፍልሰትን አስመልክቶ በአለም የሥራ ድርጅት በኩል የወጡት አለም አቀፍ ስምምነቶች በኢትዮጵያ የህግ አካል ሆነው ተግባራዊ ለማድረግ የግንዛቤ ማስጨበጫ ዘመቻ ማስጀመሪያ መርሐግብር አካሄደ።
በመረሐግብሩ ላይ በስራ ቦታ ላይ የሚደርስ ጥቃትንና ትንኮሳን መከላከል ስምምነት ቁጥር 190፤ የቤት ሠራተኞች ላይ የሚደርስ የመብት ጥሰትና እንግልትን ስለማስቆም ስምምነት ቁጥር 189፣ ከሰራተኛዉ መብት ጋር ተያያዥነት ያላቸዉ ስምምነት ቁጥር 97 እና 143 ተዋውቀዋል።
እነዚህ ህጎቹ ተቀባይነት አግኝተው በመጽቃቸው በአገሪቱ ስራ ቦታ ላይ የሚደርሱ ችግሮችን በመቅረፍና የሰራተኛውን መብት በማስከበር ትልቅ ሚና እንደሚጫወት በመድረኩ ተገልጿል።
ለመንግስትም ሰራተኛ ተቀባይ ከሆኑ ሀገራት ጋር ለመደራደር ትልቅ አቅም እንደሚሆነም ተገልጿል።
በማስጀመሪያ ፕሮግራሙ ንግግር ያደረጉት የኢትዮጵያ ሠራተኞች ማህበራት ኮንፌዴሬሽን ፕሬዚዳንት አቶ ካሳሁን ፎሎ፣ የሠራተኞች ፍልሰትን በአገር ውስጥም የሚሰሩ ሰራተኞችም መብታቸዉ ሊጠበቅ ይገባል። መንግስት ኮንቬንሽኖቹን በማጽደቅ ከኢሠማኮ ጎን እንዲሆን ጠይቀዋል።
በአለም አቀፍ የሥራ ድርጅት የምስራቅ አፍሪካ ዋና ዳይሬክተር አሌክሶ ሙሴንዶ በበኩላቸው፣ የኮንቬንሽኖቹ መጽደቅ የሰራተኛውን መብት በማስከበር ትልቅ አስተዋጾ እንደሚኖረዉ ተናግረዋል።
የአለም ስራ ድርጅት የምስራቅ አፍሪካ ዳይሬክተር አሌክሶ ሙሲንዶ፣ የኢሠማኮ ፕሬዚዳንት አቶ ካሳሁን ፎሎ፣ የኢትዮጵያ አሠሪዎች ፌዴሬሽኖች ኮንፌዴሬሽን ፕሬዚዳንት አቶ ታደሰ ይመር እና የሚመለከታቸዉ አካላት በጋራ በይፋ አስጀምረውታል።
በመዓዛ ማሞ
ኢትዮጵያን እናልማ፣ እንገንባ፣ እንዘጋጅ‼️
ሀገርን በዘላቂነት እናልማ‼️
የፈረሰውን አብልጠን እንገንባ‼️
ለማንኛውም ፈተና እንዘጋጅ‼️