ባሳለፍነው ሳምንት ኤች አር 6600 እና ኤስ 3199 ረቂቅ ህጎችን የሚቃወም ሰልፍ በአራት ከተሞች ተካሂዷል
*******
(ኢ ፕ ድ)

ኢትዮጵያዊያን፣ ትውልደ ኢትዮጵያዊያንና የኢትዮጵያ ወዳጆች የተሳተፉ ኤች አር 6600 እና ኤስ 3199 ረቂቅ ህጎችን የሚቃወም በአራት የተለያዩ ከተሞች ተካሂዷል።

በጣሊያን ሮም፣ በካሊፎርኒያ ግዛት ሎስአንጀለስ፣ በዋሺንግተን ዲሲ፣ በቤልጂየም ብራሰልስ ኤች አር 6600 እና ኤስ 3199 ረቂቅ ህጎችን የሚቃወም ሰልፍ ከተሞች ናቸው

ሰልፈኞቹ ከአሜሪካ መንግስት በተጨማሪም ሌሎች ዓለም አቀፍ ተቋማት በመሬት ላይ ያለውን እውነታ እንዲመለከቱ ጠይቀዋል።

ሕጎቹ ለረጅም ጊዜ የቆየውን የኢትዮጵያና አሜሪካ ግንኙነት የሚጎዳ እንደሆነና የሁለቱ ሀገራት ጥቅም የማያስጠብቅ እንደሆነም ነው ሰልፈኞቹ የገለጹት።

የረቂቅ ሕጎቹን ይዘት መንግስትን ከመደገፍና ከመቃወም ጋር የሚያያዝ ሳይሆን በሀገር ሉዓላዊነት ላይ ችግር የሚጋርጥና ሕዝብን የሚጎዳ መሆኑን ሁሉም ሊገነዘበው ይገባል።

ኢትዮጵያውያንና ትውልደ ኢትዮጵያውያኑ ረቂቅ ህጎቹ በህግ አውጭው አካል ሙሉ በሙሉ ውድቅ እስከሚሆኑ ድረስ የሚያደርጉትን ትግል አጠናክረው እንደሚቀጥሉ ጥሪ መቅረቡ ይታወሳል፡፡

ኢትዮጵያን እናልማ፣ እንገንባ፣ እንዘጋጅ‼
ሀገርን በዘላቂነት እናልማ‼
የፈረሰውን አብልጠን እንገንባ‼
ለማንኛውም ፈተና እንዘጋጅ‼

ፕሬዚደንት ሳህለወርቅ ዘውዴ በተገኙበት በታላቁ ቤተመንግስት የኢፍጣር ፕሮግራም እየተካሄደ ነው
*******
(ኢ ፕ ድ)
የኢ.ፌ.ዴ.ሪ ፕሬዚደንት ሳህለወርቅ ዘውዴ በተገኙበት በታላቁ ቤተመንግስት የኢፍጣር ፕሮግራም እየተካሄደ ነው።

በታላቁ ቤተመንግስት በተካሄደው ፕሮግራም ላይ የእስልምና እምነት ታላላቅ የኃይማኖት አባቶች ታድመዋል።

በዚህም የእስልምና ጉዳዮች ጠቅላይ ምክር ቤት ፕሬዚዳንት ተቀዳሚ ሙፍቲ ሃጂ ዑመር ኢድሪስ፣ የምክር ቤቱ ምክትል ፕሬዚደንት ዶክተር ጀይላኒ ከድር ጨምሮ ታላላቅ አባቶች፣ኢማሞች እና የእምነቱ ተከታዮች መገኘታቸውን ኢዜአ ዘግቧል።

ኢትዮጵያን እናልማ፣ እንገንባ፣ እንዘጋጅ‼
ሀገርን በዘላቂነት እናልማ‼
የፈረሰውን አብልጠን እንገንባ‼
ለማንኛውም ፈተና እንዘጋጅ‼

የቀይ መስቀል ማኅበር ለሰባት ሚሊዮን ዜጎች የሰብዓዊ ድጋፍ ማድረጉን አስታወቀ
****************
(ኢ ፕ ድ)
በተያዘው በጀት ዓመት በሰው ሠራሽና ተፈጥሯዊ ምክንያቶች ለችግር ለተዳረጉ ሰባት ሚሊዮን ዜጎች ሰብዓዊ ድጋፍ ማድረጉን የኢትዮጵያ ቀይ መስቀል ማኅበር አስታወቀ።
የማኅበሩ የሕዝብ ግንኙነት ኃላፊ ዶክተር ሰለሞን አሊ ለኢትዮጵያ ፕሬስ ድርጅት እንደገለጹት፤ በሰሜን ኢትዮጵያ በነበረው ጦርነት፣ በድርቅና በሌሎችም ተያያዥ ችግሮች ምክንያት መጠነሰፊ ሰብዓዊ ቀውስ ተፈጥሯል። የኢትዮጵያ ቀይ መስቀል ማኅበር በተያዘው በጀት ዓመት በሰው ሠራሽና ተፈጥሯዊ ምክንያቶች ለችግር ለተዳረጉ ሰባት ሚሊዮን ዜጎች ሰብዓዊ ድጋፍ ማድረጉንና ከዚህ ውስጥ ሦስት ሚሊዮን የሚሆኑት በግጭትና ድርቅ ለችግር የተዳረጉ መሆናቸውን ጠቁመዋል።
በሚቀጥሉት ሰባት ወራትም ከአምስት መቶ ሺ እስከ ስድስት መቶ ሺ የሚደርሱ ሰዎችን ለማገዝ መታቀዱን ገልጸው፤ ለዚህ ደግሞ እስከ ሰባት መቶ ሚሊዮን ብር ያስፈልጋል። ይህን ሀብት ለማሰባሰብም በዓለም አቀፉ ቀይ መስቀልና ቀይ ጨረቃ በኩል ጥሪ የቀረበ ሲሆን በአገር ውስጥም ከበጎ አድራጊዎች የሀብት ማሰባሰብ ሥራ እየተሠራ መሆኑን ጠቁመዋል።
በኢትዮጵያ ከግጭት፣ ድርቅና ሌሎችም ችግሮች ጋር በተገናኘ 20 ሚሊዮን የሚደርሱ ዜጎች ቀጥታ እርዳታና መልሶ ማቋቋም ይፈልጋሉ ያሉት ዶክተር ሰለሞን፤ ማኅበሩም በሚሰበስበው....
ሙሉውን ለማንበብ ሊንኩን ይጫኑ
https://www.press.et/?p=71037
ኢትዮጵያን እናልማ፣ እንገንባ፣ እንዘጋጅ‼️
ሀገርን በዘላቂነት እናልማ‼️
የፈረሰውን አብልጠን እንገንባ‼️
ለማንኛውም ፈተና እንዘጋጅ‼️

”የአካባቢ ስያሜን መቀየር የኢትዮጵያን መቦጫጨቅ የሚፈልጉ አካላት የሚያሰራጩት የሐሰት ፕሮፖጋንዳ ነው‘ – አምባሳደር ተፈራ ሻዎል
******************
(ኢ ፕ ድ)
ሰሜን ጎንደርን ሌላ ስያሜ በማላበስ አንዱን ምዕራብ ሌላውን ምስራቅ ክፍል ነው የሚለው አገላለጽ የኢትዮጵያን መቦጫጨቅ የሚፈልጉ ሰዎችና ድርጅቶች የሚያሰራጩት የሐሰት ፕሮፖጋንዳ አካል መሆኑን መገንዘብ እንደሚገባ አምባሳደር ተፈራ ሻዎል ገለጹ።
አምባሳደር ተፈራ ለኢትዮጵያ ፕሬስ ድርጅት እንደገለጹት፤ ወልቃይትና ጠገዴ የሚገኙበት ሰሜን ጎንደር የኢትዮጵያ ክፍል ነው። ስሙን እየለወጡ ሌላ ስያሜ መስጠት ተገቢነት የለውም። ድርጊቱ ምዕራባውያን የሚያካሂዱት የተለመደ የሐሰት ፕሮፓጋንዳ አካል መሆኑን መገንዘብ ይገባል።
የዓለም አቀፍ ሰብዓዊ መብት ተቋሙ አምነስቲ ኢንተርናሽናልና ሂዩማን ራይትስ ዎች ሰሞኑን በጋራ በመሆን በኢትዮጵያ ጉዳይ ሪፖርት ማውጣታቸው ይታወሳል።
እነዚህ ተቋማት የሰሜን ጎንደርን ስያሜ በመቀየር ሌላ ስም መስጠታቸው ተገቢነት የለውም ብለዋል። ሰሜን ጎንደርን ቀደም ሲል ወርረው ይዘውት፣ ስሙንም ለውጠው፣ በካርታም አቀማመጡን አበላሽተው ቆይተዋል ሲሉም አስታውሰዋል።
አሁን ደግሞ አካባቢውን በሪፖርት ሌላ ስያሜ ማላበስ...
ሙሉውን ለማንበብ ሊንኩን ይጫኑ
https://www.press.et/?p=71038
ኢትዮጵያን እናልማ፣ እንገንባ፣ እንዘጋጅ‼️
ሀገርን በዘላቂነት እናልማ‼️
የፈረሰውን አብልጠን እንገንባ‼️
ለማንኛውም ፈተና እንዘጋጅ‼️