☕️Андрэй Хадановіч і “Асацыяцыя беларусаў у Амерыцы“ (АБА) запрашаюць на анлайн-вечарыну “Літаратура і кава“!

Сябры, запрашаем вас на сустрэчу заўтра, ня толькі ў Амэрыцы, але і па ўсім сьвеце!
Спадар Андрэй пачытае нам старое і новае, распавядзе нешта цікавае ды адкажа на пытаньні.

Вядоўца: Надзея Нортан
🗓 20 снежня (субота)
⏰ 21:00 па Менску/ 19:00 Варшава/ 13:00 Нью-Ёрк/ 10:00 Сан Францыска
Падрабязнасці тут:
👉 https://fb.me/e/6lwQ5oVjr

На сустрэчы вы зможаце:
✨ задаць свае пытанні Андрэю Хадановічу;
✨ пачуць новыя і выбраныя вершы ў выкананні аўтара;
✨ правесці вечар (для кагосьці раніцу) ў добрай беларускай кампаніі.

Прыходзьце – будзе весела, карысна і максімальна ўтульна 💛

✨Падорым Калядны цуд дзецям палітвязняў!

BYSOL працягвае свой традыцыйны калядны збор, каб падтрымаць дзяцей палітвязняў.

«Мы прымаем заяўкі ад бацькоў, якія пацярпелі ад рэпрэсій, і ад тых, хто клапоціцца пра дзяцей палітвязняў. На кожнае дзіця мы разлічваем сабраць па 100 еўра – каб у гэтых сем'ях была магчымасць стварыць адчуванне сапраўднага свята.

Сёлета мы чакаем атрымаць больш за 200 заявак. Каб ніхто не застаўся без падарункаў, нам разам з вамі трэба сабраць больш за 20 000 еўра. Сума немалая, але беларуская салідарнасць ужо не раз даказвала, што разам мы можам зрабіць гэта. Кожны ваш унёсак вельмі важны – і 5, і 10, і 100 еўра. Любое ахвяраванне ператворыцца ў частку вялікага цуду.

Заяўкі прымаюцца ад бацькоў, якія знаходзяцца ў Беларусі і па-за Беларуссю».

Прачытаць падрабязнасці і падтрымаць збор

📚 Прэзентацыя кнігі Марыі Гулінай "Летела белая птица" ў Н'ю-Ёрку

У нядзелю, 28 снежня, у кнігарні "Kvartira Books" адбудзецца прэзентацыя кнігі Марыі Гулінай "Летела белая птица".

Падарожжы, пераезды, эміграцыі: як выбудоўваць усвядомленыя адносіны з тым месцам, дзе ты знаходзішся?

Абмяркуюць аўтарка Марыя Гуліна і пісьменніца Таццяна Заміроўская.

Адправіцца матросам на ветразны карабель. Будаваць экасцежкі на Байкале. Складаць уласны магічны атлас малюсенькіх чэшскіх гарадоў. Шукаць сямейную гісторыю на Камчатцы. Даследаваць гарады праз любімыя кнігі і музыку: у Новы Арлеан з Луі Армстрангам, у Капенгаген з Пітэрам Хёгам.
Ад Венецыі да Сан-Францыска, ад Оксфарда да Новага Арлеана - зборнік апавяданняў аб важнасці асэнсаваных адносін з тым месцам, дзе ты знаходзішся, - год ці дзень.

Пра ўсё гэта ды яшчэ іншае - у кнізе.

Марыя Гуліна - журналістка, рэдактарка анлайн-часопіса пра вандроўкі 34travel. Скончыла магістратуру “Медыя і культурныя даследаванні” ў Ланкастэрскім універсітэце і з таго часу працуе спецыялісткай па камунікацыях у фотагалерэі ў Ліверпулі.

Уваход вольны. Рэгіструйцеся па спасылцы.

📆 Дата і час: 28 снежня ў 19.00
📍Месца: Kvartira Books,
731 Washington Avenue, Brooklyn, NY

Калі нам звяртацца да вас, калі не сёння, у гэты святочны дзень?

🔸мы атрымалi 112 заявак ад дзяцей
🔸кожная заяўка — 50 еўра
🔸агульная сума збору зменьшылася з €7600 да €5600
🔸сабралі €1564
🔸засталося сабраць яшчэ €4000

Гэта вельмі сумная матэматыка. Мы разумеем, што вакол вельмі шмат болю і вострых патрэб. Мы разумеем, што сённяшняя павестка — гэта не адсутнасць сродкаў, каб павіншаваць дзетак палітзняволеных.

Разам з тым мы  не можам праігнараваць лісты дзяцей і забыцца на іх малюнкі. Мы не можам не набыць падарунак. Мы не можам расчараваць іх — ці мала расчараванняў і болю ў кожным з гэтых дзяцей?

Мы звяртаемся да вас у гэты светлы дзень з вялікай просьбай: далучыцеся да збору!

Гэта ўжо зрабілі нашы сябры RAZAM e.V. — яны перавялі нам €700. Дзякуй!

Бадай, гэта апошні шанец зладзіць праект як мае быць. Мы вельмі спадзяёмся на тое, што ўсё атрымаецца. Любы ўнёсак мае вялізнае значэнне!

✨ Дарагія сябры!

У гэтыя зімовыя сьвяты хочам пажадаць вам спакою, цяпла і надзеі. Няхай канец году прынясе хвілінкі адпачынку, утульнасьці і жывых размоваў з блізкімі - у сям’і, з сябрамі, у нашай супольнасьці.

Мы жадаем вам сілаў і ўнутранага сьвятла ў складаныя часы, узаемнай падтрымкі і веры ў лепшыя зьмены. Няхай новы год будзе больш чалавечным, больш справядлівым і больш салідарным.

Дзякуем, што вы з намі. Разам мы мацнейшыя.
З цёплымі пажаданьнямі,
Асацыяцыя Беларусаў у Амэрыцы 🤍

✨ Сябры, далучайцеся да стрыма АБА!

Запрашаем вас на прамую трансляцыю на YouTube, дзе мы падсумуем вынікі 2025 года і абмяркуем самыя яскравыя падзеі і праэкты АБА і беларускай дыяспары ў ЗША.

https://www.youtube.com/live/A2eGtURlm9k?si=rp5vGJeSe6R-i15P

🏆 Падчас стрыма мы таксама аб’явім, якая суполка стала пераможцай у намінацыі «Суполка года АБА».

І, канешне, без сюрпрызаў не абыдзецца 😉
🎉 Вас чакаюць:
— зорны госьць
— нечаканыя віншаваньні са сьвятамі

🗓 Субота, 27 сьнежня
⏰ 1:00 pm — Нью-Ёрк
⏰ 10:00 am — Сан-Францыска

Далучайцеся, каб разам адзначыць гэты год і падтрымаць беларускую супольнасьць