Алесь Бяляцкі пачаў сваю актывісцкую дзейнасьць у сярэдзіне 1980х. Ён праводзіў мерапрыемствы ў дзень памяці пацярпелых ад сталінскіх рэпрэсій на Дзяды.
У 1996 г. стварыў праваабарончую арганізацыю «Вясна», якая аказала юрыдычную дапамогу тысячам беларусаў, якія былі аштрафаваныя або зьняволеныя ў турму за крытыку аўтарытарнай палітыкі Лукашэнкі.
За актыўную грамадзкую і праваабарончую дзейнасьць Алеся Бяляцкага судзілі больш за 20 разоў.
Алесь быў затрыманы ў 2011м. Яму прысудзілі 4 гады турмы. У 2014м ён выйшаў на волю. Алесь - аўтар сямі кніг, з якіх пяць напісаў за кратамі.
За чвэрць стагоддзя сваёй дзейнасьці Бяляцкі быў адзначаны шматлікімі прэміямі і ўзнагародамі.
Пасля пратэстаў 2020га ў Беларусі "Вясна" дакументавала ўсё катаваньні, рэпрэсіі, парушэньні правоў чалавека.
У 2021 Алесь Бяляцкі быў арыштаваны. Ён прызнаны палітвязьнем і вязьнем сумленьня.
У 2022 Алесю Бяляцкаму прысудзілі Нобелеўскую прэмію міра.
У 2023 годзе ён быў асуджаны на 10 год калёніі.

Шаноўныя сябры!
Запрашаем вас на СУСТРЭЧУ-ПРЭЗЕНТАЦЫЮ кнігі лаўрэата Нобелеўскай прэміі міру 2022 года, літаратара і палітзняволенага АЛЕСЯ БЯЛЯЦКАГА.
👉Госця-выступоўца сустрэчы: старшыня беларускага ПЭН-цэнтра, літаратарка і праваабаронца Таццяна Нядбай
Вас чакае цікавая размова, прэзентацыя кнігі і магчымасць пазнаёміцца з землякамі ў вашай лакацыі
Уваход бясплатны. Кнігу можна будзе набыць за наяўныя на месцы.
📍30 верасня Саўз Рывер, Нью Джэрзі https://fb.me/e/5C0RGRSqQ
📍1 кастрычніка Квінс, Нью-Ёрк https://fb.me/e/3Ln4gFXj4
📍 3 кастрычніка Вашынгтон Ды Сі https://fb.me/e/tTfN2lUuM
Прыходзьце і запрашайце знаёмых!