📰 У інтэрнэце аказаўся білд адмененага рэмэйку Duke Nukem 3D.

Працоўная вэрсія адмененага Duke Nukem 3D: Reloaded, намаганьнямі групы x0r_jmp, апынулася на прасторах інтэрнэту.
У гульні можна знайсьці няскончаны першы ўзровень і мапы для мультыплэера з ботамі.

Duke Nukem 3D: Reloaded павінна была стаць рэмэйкам арыґінальнай Duke Nukem 3D (якая выйшла ў 1996 годзе), гульню распрацоўвалі на Unreal Engine 3 у 2010 годзе, аднак затым праект скасавалі.

📰 Энтузіяст прадставіў VR-мод для Death Stranding.

Стварльнік YouTube-каналу VRified, прэзентаваў сваю мадыфікацыю, закліканую дадаць VR-рэжым з выглядам ад першай асобы ў Death Stranding.

Аўтар сьцьвярджае, што гэта вельмі раньняя вэрсія мода. На бягучы момант камэра з выглядам з вачэй пратаганіста й зьмененае поле зроку, адаптаванае для VR, гатовы прыкладна на 90%, і аўтар пакуль не сьпяшаецца рабіць мадыфікацыю даступнай усім жадаючым. Моддэр таксама адзначыў, што для рэалізацыі свайго праекту ён выкарыстоўвае праґрамнае забесьпячэньне Now VR ад кампаніі vorpX.

📰 Valve назвала пераможцаў прэміі The Steam Awards 2022.

Учора ўвечар, Valve абвясьціла ўсіх пераможцаў штогадовай прэміі The Steam Awards, абраных самімі гульцамі.

▫️«Гульня году» — Elden Ring
▫️«Гульня году ў віртуальнай рэальнасьці» — Hitman 3
▫️«Любімае дзіця» — Cyberpunk 2077
▫️«Сябар спазнаецца ў гульні» — Raft
▫️«Выбітны візуальны стыль» — Marvel’s Spider-Man: Miles Morales
▫️«Самы інавацыйны ґеймплэй» — Stray
▫️«Найлепшая гульня, якая вам не даецца» — Elden Ring
▫️«Найлепшы саўндтрэк» — Final Fantasy VII Remake Intergrade
▫️«Найлепшая гульня з выдатным сюжэтам» — God of War
▫️«Уладкуйцеся ямчэй» — LEGO Star Wars: The Skywalker Saga
▫️«Найлепшая гульня на хаду» — Death Stranding Director’s Cut

Дарэчы Elden Ring стала абсалютным лідэрам па колькасьці перамог у намінацыі "Гульня году" за ўсю гісторыю індустрыі, атрымаўшы аж 324 узнагароды!

📢 HITMAN 3 пераўтворыцца ў «Hitman World of Assassination».

IO Interactive прыняла рашэньне аб’яднаць усе апошнія тры часткі Hitman у вадно, адзінае выданьне.

Hitman — World of Assassination будзе каштаваць 70$ і будзе ўключаць у сябе Hitman 2, Hitman GOTY Access Pass і Hitman 2 Standard Access Pass.
Усе ўладальнікі Hitman 3, будуць бясплатна абноўлены да World of Assassination, тым самым атрымаўшы першыя дзьве гульні бясплатна.

Зьмяненьні пачнуць дзейнічаць з 26 студзеня. Пачынаючы з гэтай даты, ва ўсіх лічбавых крамах можна будзе набыць толькі адно, адзінае выданьне трылёгіі Hitman.

📰 NVIDIA прадставіла відэакарту RTX 4070 Ti.

У рамках штогадовай выставы тэхналёгіяў і электронікі Consumer Electronics Show, NVIDIA прадставіла відэакарту Nvidia RTX 4070 Ti, якая раней была вядома пад назвай RTX 4080.

Кампанія абвясьціла характарыстыкі навінкі, а таксама адзначыла, што відэакартай працуе значна хутчэй мадэлі 3090 Ti, што зьвязана з выкарыстаньнем тэхналёгіі DLSS 3.

Характарыстыкі RTX 4070 Ti:

▫️CUDA ядра: 7680;
▫️Аб’ём памяці: 12 ГБ GDDR6X;
▫️Частата працэсара: да 2,61 Ггц;
▫️Энергаспажываньне: 285 Вт.

Кошт карты будзе складаць 799 $ (дарэчы RTX 4080 з 16 ГБ абыйдзецца ў 1199 $, а RTX 4090, у 1599 $).

​​📰 Стваральнікі Payday 3 адказалі на самыя частыя пытаньні гульцоў.

Год PAYDAY 3 нарэшце надышоў, і мы вельмі рады бачыць, што вы ўсе рады выхаду гульні. Мы бачым, што ў вас таксама ёсьць шмат пытаньняў, таму мы сабралі тут некалькі найбольш часта задаваныя зь іх:

▫️Калі выйдзе Payday 3?
Рэліз заплянаваны на 2023 год. Дакладную дату назавуць пазьней.
▫️На якім рухавічку ствараюць гульню?
На Unreal Engine.
▫️Якія пэрсанажы зьявяцца ў Payday 3?
Мы пацьвердзілі вяртаньне арыґінальнай банды: Даласа, Чэйнса, Хокстана й Вулфа.
▫️Дзе будзе разьвівацца дзеяньне гульні?
У Ньню-Ёрку.
▫️Ці атрымаецца гульня на кансолях?
Так, Payday 3 выйдзе на PlayStation і Xbox.
▫️Колькі будзе каштаваць гульня на рэлізе?
Кошт мы назавем пазьней.
▫️Ці будзе ў Payday 3 [устаўце пэрсанажа, асаблівасьць, месца й да т.п.]?
Калі на Ваша пытаньне не адказалі вышэй, значыць, гэта пакуль што не пацьверджана. Куды больш інфармацыі раскрыюць бліжэй да рэлізу.

Нагадваем, што нядаўна, стваральнікі Payday прадставілі кароткі тызер гульні, а яшчэ раней распавялі пра пляны кампаніі.

📰 СМІ сьцьвярджаюць, што стваральнікі D&D адмянілі ня менш за пяць гульняў.

Па зьвестак выданьням Bloomberg, кампанія Wizards of the Coast, якая выдае Dungeons & Dragons і Magic: The Gathering, адмяніла распрацоўку ня менш за пяць відэагульняў па сваіх франшызах.

WotC адзначылі, што жадаюць працягваць займацца відэагульнямі, але перагледзяць свой падыход у рамках рэарґанізацыі. Іх мэта — вырабляць гульні, якія змогуць прыцягнуць новую аўдыторыю й разьвіць існуючыя брэнды.
Падчас перастановак працу страцяць крыху менш за 15 супрацоўнікаў, якім пастараюцца знайсьці новыя пасады ў кампаніі.

СМІ лічаць, што прычынай рэарґанізацыі сталі фінансавыя праблемы кампаніі Hasbro (якая валодае WotC), чые акцыі ў мінулым годзе ўпалі на 40%, што ў сваю чаргу зьвязана з павышэньнем коштаў на цацкі.

Нагадаем, нядаўна, стваральнікі культавай настолкі задумаліся аб яе манэтызацыі.

📢 У сеціве зьявіўся новы ґеймплэйны ролік Wo Long: Fallen Dynasty (ад стваральнікаў Nioh).

Wo Long: Fallen Dynasty — гэта драматычная, насычаная падзеямі гісторыя безназоўнага салдата апалчэньня, які змагаецца за выжываньне ў змрочнай фэнтэзійнай вэрсыі позьняй дынастыі Хань, у эпоху калі дэманы ірвуць краіну на часткі, эпоху Траецарства.

Рэліз гульні заплянаваны на 3 сакавіка, для PC, PlayStation і Xbox (+Game Pass).

📰 Sony прадставіла кантролер, для людзей з абмежаванымі магчымасьцямі.

Sony анансавала свой адказ Xbox Adaptive Controller — Project Leonardo для PS5.

Sony стварае кантролер з членамі гульнявой супольнасьці, распрацоўшчыкамі й вядучымі экспэртамі з арґанізацыяў AbleGamers, SpecialEffect і Stack Up, якія займаюцца пытаньнямі даступнасьці.

Project Leonardo павінен будзе стаць зручным і гнутка наладжвальным кантролерам. У камплект да прылады ўваходзіць набор зьменных кампанэнтаў, у тым ліку разнастайныя аналягавыя стыкі, а таксама кнопкі розных формаў і памераў.
Гульцы змогуць зьмяняць ня толькі форму Project Leonardo, але й наладжваць спэыяльныя праґрамныя функцыі, у тым ліку прызначыць выкананьне аднаго й таго ж дзеяньні на некалькі кнопак.

У дадзены момант кантролер знаходзіцца на раньняй стадыі стварэньня, дата паступу ў продаж не вядома.

📰 Стваральнікі ґлябальнай мадыфікацыі Fallout: London падвялі вынікі сваёй працы за 2022 год.

Стваральнікі маштабнай мадыфікацыі для Fallout 4 апублікавалі відэасправаздачу, у якой распавялі аб праведзенай у чацьвёртым квартале 2022 году працы.

Так напрыклад быў прадстаўлены незвычайны ворага ў асобе баявой паштовай скрыні, гэтак жа ў гульні будзе сыстэма працавальных цягнікоў, неабходных для хуткага перасоўваньня па мапе (дарэчы са словаў распрацоўнікаў у тэхнічным пляне цягнікі — проста замаскаваныя ліфты, якія едуць гарызантальна).

А яшчэ мадыфікацыя парадуе прыхільнікаў вялікай колькасьцю кампазыцыяў, частка якіх была напісана спэыяльна для Fallout: London.

Рэліз праекту заплянаваны на 2023 год.

📢 У Steam адбыўся афіцыйны рэліз мадыфікацыі Evacuation для Half-Life 2.

Evacuation — гэта неафіцыйнае сюжэтнае дапаўненьне для Half-life 2, якое распавядае гісторыю пра паўстанца, які пацярпеў крушэньне верталёта. Цудам уцалеўшы, гэрой бярэ рацыю ў рукі й вырашае зьбегчы зь лесу, на які напалі Камбайны.

Апрабаваць Evacuation могуць бясплатна ўсе ўладальнікі Half-Life 2.

📰 Blizzard "тушыць" канфлік паміж Альянсам і Ардой у World of Warcraft.

На працягу ўжо 18 гадоў, супрацьстаяньне Арды й Альянсу было ключавым для World of Warcraft, аднак у вапошні час, Blizzard усё больш і часьцей пачала зьніжаць напал паміж фракцыямі.

Так напрыклад з чэрвеня 2022 году, прадстаўнікі супрацьлеглых фракцыяў могуць разам змагацца ў падзямельлях, а зараз ім будзе дазволена аб’ядноўвацца ў адныя й тыя ж гільдыі, пра што распавёў дырэктар World of Warcraft Пэт Доўсан у інтэрвію PCGamesN.

Паводле яго словаў, міжфракцыйная сыстэма для гільдый можа зьявіцца ў найбліжэйшай будучыні, бо пра гэта вельмі часта просяць самі гульцы.

📰 Стрымерка перамагла боса з Elden Ring на танцавальным дыванку.

Швэдзкая стрымерка пад нікам MissMikkaa, у верасьні 2022 году пачала праходзіць Elden Ring на танцавальным дыванку. Пасьля таго, як яна пасьпяхова зрабіла гэта, то стала гуляць у вадразу дзьве копіі Elden Ring адначасова — на PS5 і ПК. Пры гэтым у вадным акне дзяўчына кіравала кантролерам, а ў другім — танцавальным дываночкам.

Праз 199 спроб, дзяўчына змагла перамагчы дзьве Маленіі адначасова (заўв. Маленьнія лічыцца адным з самых цяжкіх босаў у Elden Ring).

Сама дзяўчына прызналася, што гэтая бітва была самай складанай з усіх, падобныя зацяжныя бітвы па-сапраўднаму фізычна вымотваюць, «ня горш, чым трэнаваньне ў спартзале».

📰 За 2022 год Epic Games раздала кожнаму карыстальніку гульні, на дзьве тысячы даляраў.

З самага пачатку працы, у 2018 годзе, адметнай рысай крамы Epic Games Store былі рэгулярныя раздачы розных гульняў.
Сайт Gamerant вырашыў падлічыць у якую суму абышлася краме гэтая шчодрасьць у 2022 годзе.

За мінулы год Epic Games бясплатна раздала больш за сто гульняў рознай ступені папулярнасьці, сярод усіх можна вылучыць Tomb Raider, Cities: Skylines, Prey, Borderlands 3, калекцыю Bioshock, Wolfenstein: The New Order, ARK: Year Edition, Star Wars: Squadrons, Death Stranding, Dishonored: Definitive Edition і іншае.

Склаўшы раздробныя кошты кожнай гульні, Gamerant атрымалі суму роўную 2244$ для аднаго акаўнта!

Нагадваем, што раздачы працягваюцца й ў гэтым годзе, у дадзены момант (да 12 студзеня), можна забраць Kerbal Space Program і Shadow Tactics – Aiko’s Choice.

📰 Стваральнік эмулятара PS2 для Android замарозіў праект з-за пагроз і скарг.

Распрацоўшчык эмулятара AetherSX2, пад нікам Tahlreth абвясьціў, што прыпыніў працу над сваім праектам з-за пастаянных нападак чальцоў супольнасьці:

«Я спыняю распрацоўку праз бясконцыя скаргі, патрабаваньні, спробы іншых людзей выдаць сябе за мяне, а цяпер і пагроз забойствам. Вы ўсё яшчэ можаце спампаваць і выкарыстоўваць эмулятар, які працягне працаваць у вагляднай будучыні.

AetherSX2 заўсёды быў для мяне хобі, а не крыніцай прыбытку. Але няма сэнсу працягваць займацца хобі, якое больш не прыносіць задавальненьня».

AetherSX2 па праве лічыцца адным з самых лепшых эмулятараў PS2 для мабільных прылад. У дадзены момант ён здольны запускаць мноства гульняў ад Sony PS2 на большасьці флагманскіх смартфонаў, выпушчаных за апошнія пару гадоў!

Эмулятар па-ранейшаму даступны ў Google Play і на афіцыйным сайце.

📢 Мабільная Stardew Valley атрымала доўгачаканае абнаўленьне 1.5.

Stardew Valley, на тэлефонах атрымала самае буйное абнаўленьне за ўсю яе гісторыю.
Яго рэліз павінен быў адбыцца яшчэ ў тым годзе, але з-за колькасьці працы, (з усеагульнай ухвалы фанатаў) вырашана было перанесьці рэліз на 2023 год.

Сярод галоўных новаўвядзеньняў можна вылучыць:

🔸рэжым падзеленага экрана для лякальнага кааператыва;
🔸новая мапа фэрмы — "Фэрма на пляжы"
🔸прасунутыя наладкі новай гульні;
🔸рамонт дома пасьля яго поўнага паляпшэньня;
🔸качкі зараз могуць плаваць, а гульцы — сядзець на крэслах і рухаць ложкі;
🔸акварыюмы для рыб;
🔸прадметы мэблі й тыпы мэблі, такія як насьценныя бра;
🔸сакрэты;
🔸9 музычных трэкаў;
🔸кантэнт для эндгейма й многае іншае.

Усе ўладальнікі гульні на тэлефонах (ды й кампутарах), ужо могуць азнаёміцца з навінамі!