📰 IGN апублікавалі ґеймплэйны ролік Star Wars Jedi: Survivor.

Паглядзіце на адну з новых плянэтаў, якую Кэл Кесьціс будзе дасьледаваць у будучай Star Wars Jedi: Survivor. Гэта відэа ахоплівае 9 хвілін гульнявога працэсу, які адбываецца пасьля таго, як Кэл пацярпеў аварыю на Кобо й павінен шукаць дапамогі, каб адрамантаваць свой карабель «Багамол».

Рэліз гульні адбудзецца 28 красавіка на PC, PlayStation 5 і Xbox Series.

📰 Апублікаваны першы трэйлер CG-мультфільма Resident Evil: Death Island.

Capcom і Sony Pictures выпусьцілі першы афіцыйны тызер-трэйлер новай экранізацыі гульнявой серыі Resident Evil.

Агент D.S.O. Лявон Кенэдзі выконвае місію па выратаваньні доктара Антоніа Тэйлара ад выкрадальнікаў, калі таямнічая жанчына перашкаджае яго пагоні.
Тым часам агент B.S.A.A. Крыс Рэдфілд расьсьледуе ўспышку зомбі ў Сан-Францыска, дзе не ўдаецца вызначыць прычыну заражэньня. Адзінае, што аб’ядноўвае ахвяр, гэта тое, што ўсе яны нядаўна наведалі востраў Алькатрас. Пасьля гэтай падказкі Крыс і яго каманда накіроўваюцца на востраў, дзе іх чакае новы жах...

Прэм’ера заплянавана на гэтае лета.

📰 Журналісты IGN параўналі Hogwarts Legacy зь фільмамі пра Гары Потэра.

IGN выпусьцілі ролік, у якім параўналі Hogwarts Legacy і фільмы пра Гары Потэра. У роліку паказалі як знаёмыя лякацыі, прадметы, падзеі, так і розных істот.
Асобна варта вылучыць тое, зь якой павагай разпрацоўшчыкі паставіліся да кніг і фільмаў, месцы ў гульні падобныя на свае прататыпы (з папраўкай на час (падзеі гульні адбываюцца за 100 гадоў да падзеяў кніг і фільмаў)), а ворагі й істоты якія насяляюць чароўны сьвет, пазнаюцца без праблемаў.

Уладальнікі пашыранага выданьня ўжо маюць доступ да гульні, паўнавартасны рэліз адбудзецца 10 лютага на ПК, PlayStation 5 і Xbox Series.

ℹ️ Да дня рэлізу, жадаючыя могуць атрымаць бясплатныя касьметычныя прадметы, за прагляд трансьляцый на Twitch (для гэтага трэба стварыць уліковы запіс WB і зьвязаць яго з Twitch), вось інструкцыя (у Беларусі, атрымліваць узнагароды можна, калі выкарыстоўваць VPN).

Вітаю! Хачу парэкамендаваць вам беларускамоўны канал, у якім змяшчаюцца старыя беларускія фота, мапы і іншае, што звязана з Беларуссю. Падпісвайцеся!

https://news.1rj.ru/str/belarusium

📢 EA і Koei Tecmo прадставілі новы трэйлер Wild Hearts.

Кемона — гіганцкія зьвяры, якія зьліліся з навакольным асяродзьдзем, такія ж прыгожыя й сьмяротныя, як сама прырода. З таго часу, як існуе вёска Міната, наш народ жыў у страху перад імі: у густых лясах яны лютыя, як лясны пажар, а на лугах іх не спыніць, як прыліў. Толькі авалодаўшы таямнічай старажытнай тэхналёгіяй, мы зможам даць адпор!

Рэліз Wild Hearts адбудзецца 17 лютага для PS5, Xbox Series і PC.
Па запэўненьнях стваральнікаў, гэта "новае слова ў жанры паляваньня"!

📰 Выдавецтва Nacon аб’явіла дату новай прэзентацыі сваіх гульняў.

Францускае выдавецтва аб’явіла, што Nacon Connect пройдзе 9 сакавіка, а 21:00 па Менскім часе.

На шоў прадэманструюць:

🔸RoboCop: Rogue City;
🔸The Lord of the Rings: Gollum;
🔸Gangs of Sherwood;
🔸Ravenswatch;
🔸TT3: Ride on the Edge.

Nacon таксама нагадала, што на гэты год, у кампаніі заплянавана больш за 25 рэлізаў!

📰 Ubisoft аб’яўляе вайну "таксічнасьці".

Ubisoft абвясьціла аб пачатку (першага ў гісторыі індустрыі) супрацоўніцтва з паліцыяй Вялікабрытаніі, з мэтай барацьбы, з таксічнымі гульцамі ў сваіх анлайн гульнях.

Падчас пандэміі анлайн-гульні сталі выратавальнікам для псыхічнага здароўя многіх людзей. Аднак іх "цёмны" бок таксама відавочны. Абразьлівыя паводзіны, пагрозы сьмерцьцю/зґвалтаваньнем — ўсё гэта можна свабодна сустрэць амаль ў любой анлайн прасторы. Менавіта з гэтым і плянуе змагацца Ubisoft, з дапамогай паліцыі.

Афіцэры будуць дзяліцца сваім досьведам па працы зь небясьпечнымі анлайн-узаемадзеяньнямі, а гэтак жа прымаць сыгналы аб сапраўды сур’ёзных сытуацыях накшталт пагрозы жыцьцю.

📢 Nintendo паказала новы трэйлер The Legend of Zelda: Tears of the Kingdom.

У The Legend of Zelda: Tears of the Kingdom для Nintendo Switch вас чакаюць эпічныя прыгоды па зямлі й нябёсах Хайрула. Вы самі можаце ствараць прыгоды ў сьвеце, які падсілкоўваецца вашым уяўленьнем!

У гэтым сіквеле The Legend of Zelda: Breath of the Wild вы самі вырашыце свой шлях праз разгалістыя ляндшафты Хайрула й таямнічыя выспы, што лунаюць у шырокім небе. Ці можаце вы выкарыстоўваць моц новых здольнасьцяў Лінка, каб даць адпор злым сілам, якія пагражаюць каралеўству?

Рэліз гульні адбудзецца на Nintendo Switch 12 траўня.

🎁 Зараз у Epic Games Store, можна бясплатна забраць Recipe for Disaster.

Recipe for Disaster — гэта сімулятар кіраваньня, які перадае імклівую, поўную драматызму абстаноўку прафэсійнай кухні й сталовай. Пабудуйце рэстаран сваёй мары, стварайце рэцэпты, кіруйце пэрсаналам.

❗️Забраць гульню можна да 16 лютага.

📰 Фанат узяўся за распрацоўку VR-мода для Hogwarts Legacy.

Чалавек пад нікам Praydog узяўся за ажыцьцяўленьне сваёй (ды й ня толькі сваёй) мары — магчымасьці ўжывую прагуляцца па Хогвартсу й ўбачыць усё, літаральна на свае вочы!
На дадзены момант, мод не падтрымлівае кантролеры шлемаў віртуальнай рэальнасьці, таму жадаючым трэба карыстацца звычайнымі мэтадамі кіраваньня.

Мод усё яшчэ распрацоўваецца й знаходзіцца на даволі раньнім этапе, таму дата паўнавартаснага рэлізу не называецца.
Сачыць за ім можна тут (зь Беларусі праз VPN).

📰 Аўтары Amnesia: The Bunker апублікавалі сыстэмныя патрабаваньні гульні.

На старонцы Amnesia: The Bunker у Steam зьявіліся сыстэмныя патрабаваньні праекта:

▫️Мінімальныя
Працэсар – Core i3 або AMD FX 2.4 Ггц.;
Відэакарта – Nvidia GTX 460 / AMD Radeon HD 5750 / Intel HD 630;
Апэратыўная памяць — 4 ГБ;
Месца на дыску — 35 ГБ.

▫️Рэкамэндаваныя
Працэсар — Core i5 або Ryzen 5;
Відэакарта – Nvidia GTX 680 / AMD Radeon RX 580 / Intel Xe-HPG;
Апэратыўная памяць — 8 ГБ;
Месца на дыску — 35 ГБ.

Нагадаем, у Amnesia: The Bunker гульцы выступяць у ролі францускага салдата, які апынаецца ў закінутым бункеры часоў Першай сусьветнай вайны з адным патронам у рэвальверы. Распрацоўнікі апісваюць гульню як хорар з "часткова адкрытым сьветам".

Рэліз заплянаваны на сакавік 2023 году.

📢 Незалежная нямецкая студыя Envision Entertainment анансавала свой новы праект — сімулятар калёніі Pioneers of Pagonia.

Pioneers of Pagonia — гэта гісторыя аб дасьледаваньні, адкрыцьці й аб’яднаньні фантастычных выспаў Пагоніі! Пабудуйце больш за 40 розных будынкаў, выкарыстоўвайце больш за 70 розных відаў тавараў, кіруйце шырока разгалінаванымі вытворчымі ланцужкамі. Абараніце сваё насельніцтва ад варожых жывёл, бандытаў-рабаўнікоў і мітічных істот.
Дасьледуйце бясконцыя варыяцыі працэдурна згенераваных мап, якія кожны раз прапануюць новыя задачы!

Як запэўніваюць распрацоўшчыкі, гульня заклікана вярнуць жанр местабудаўнічых сіммулятараў да вытокаў "з тысячамі жыхароў, якія кішаць вакол, і цалкам сканцэнтраваны на глыбокім мадэляваньні гульнявога сьвету й эканомікі, якія так падабаюцца супольнасьці".

Гульня выходзіць у раньні доступ Steam ў чацьвёртым квартале 2023 году.

📰 Respawn Entertainment прадставілі першых ворагаў Кэла Кесьціса ў новай Star Wars Jedi: Survivor.

Журналісты IGN, сумесна з Respawn Entertainment працягваюць дзяліцца эцклюзіўнай інфармацыяй аб будучай Star Wars Jedi: Survivor.
На гэты раз нам паказалі дроідаў-ворагаў з адной зь першых плянэт якую наведаюць гульцы (а менавіта плянэта Кобо, аб якой гаварылася ў нядаўнім трэйлеры).

Больш падрабязна аб сваіх будучых ворагах чытайце ў нашым артыкуле!

Рэліз гульні адбудзецца 28 красавіка на PC, PlayStation 5 і Xbox Series.

📢 Адбыўся паўнавартасны рэліз Hogwarts Legacy.

Hogwarts Legacy — гэта ролевая гульня-экшн з адкрытым сьветам, які упершыню быў прадстаўлены ў кнігах пра Гары Потэра. Адпраўляйцеся ў падарожжа па знаёмых і новых месцах, дасьледуючы й адкрываючы для сябе чароўных зьвяроў, наладжваючы свайго пэрсанажа, вырабляючы зельля, асвойваючы загаворы, паляпшаючы таленты, каб у выніку, стаць чараўніком, якім хочаце быць!

З моманту рэлізу й раньняга доступу для ўладальнікаў пашыранай вэрсіі, гульня пабіла рэкорд Fallout 4 па колькасьці гульцоў (пакуль толькі саступаючы Cyberpunk 2077 зь яго мільёнам).

Крытыкі называюць гульню «адным зь лепшых праектаў году» і «самай важнай падзеяй для сьвету вядзьмарства з часоў арыґінальных кніг і фільмаў».
Гульцы ў асноўным зь імі згодны. Лаюць пераважна карыстачы PC, за дрэнную аптымізацыю й дрэнныя анімацыі твару, некаторыя завуць графіку састарэлай (Metacritic — 8.5 (PC ), 9.1 (кансолі)).
У вапошні час сталі зьяўляцца нэґатыўныя водгукі ад супернікаў Джоан Роўлінг, гульню абвінавачваюць у прапагандзе нянавісьці.

Кошт звычайнага выданьня ў Steam — $59.99;
Digital Deluxe Edition — $69.99.
❗️Гульня недаступная на тэрыторыі Беларусі!