📰 Стваральнікі Dead Island 2 рады, што патрапілі у «вытворчае пекла».

Стваральнікі Dead Island 2 прызналіся, што радыя таму, што гульні прыйшлося пабываць у «вытворчым пекле», па іх словах, гэта не толькі прыцягнула ўвагу да праекту, але й дапамагло яго ўтрымаць!

Многія гульцы сачылі за распрацоўкай сіквела, захоўваючы высокія чаканьні, а некаторыя лічылі, што пастаянныя затрымкі й зьмена студыяў (Dambuster Studios стала трэцяй студыяй, якой прыйшлося займацца Dead Island 2) ператвораць праект у нешта жудаснае.

Тэхнічны дырэктар праекта Дэн Эванс-Лоўс лічыць, што "людзі, якія чакалі, што гульня будзе жудаснай, апынуліся прыемна зьдзіўлены".
А мяркуючы па водгуках крытыкаў (якія ўжо змаглі апрабаваць Dead Island 2) — у гульні ёсьць усе шанцы апраўдаць доўгае чаканьне.

Нагадаем, рэлиз Dead Island 2 адбудзецца 21 красавіка на PC і кансолях (абодвух пакаленьнях).

📰 Blizzard не плянуе выпускаць Diablo IV у Game Pass.

Такой інфармацыяй падзяліўся прадусар серыі Diablo, Род Фергюсан.
Паводле яго словаў, Blizzard атрымала мноства пытаньняў наконт гэтага, таму ён вырашыў высьветліць сытуацыю.

Фергюсан таксама прызнаўся, што камандзе прыемна бачыць ажыятаж вакол ваўчаняці з дэкаратыўнага набору (які можна будзе сабраць падчас праходжаньня бэта-вэрсіі).

Нагадаем, закрытая бэта (для тых, хто замовіў гульню), пройдзе зь 17 па 19 сакавіка (запампаваць гульню можна будзе ўжо 15 сакавіка, а 19:00 па Менску) і 24 па 26 сакавіка для ўсіх жадаючых.
Рэліз гульні адбудзецца 6 чэрвеня на PS4, PS5, Xbox One, Xbox Series і PC.

​​📰 Скандалы з ZA/UM (стваральнік Disco Elysium) падыходзяць да канца.

Судовая спрэчка паміж студыяй ZA/UM і прадзюсарам Disco Elysium Каўрам Кендэрам урэгулявана, бакі дасягнулі міравога пагаднення. Звольненыя ключавыя стваральнікі Disco Elysium адмовіліся ад прэтэнзіяў аб несправядлівым звальненьні з-за адсутнасьці доказаў.

Коратка нагадаем: у 2021 годзе студыю ZA/UM пакінулі тры ключавыя распрацоўшчыкі Робэрт Курвіц (аўтар ідэі Disco Elysium), Аляксандар Растоў і Хелен Хіндперы, пра гэта стала вядома СМІ аж праз год. Звольненыя распрацоўшчыкі абвінавацілі акцыянэраў, у незаконным выкарыстаньні сродкаў студыі. У лістападзе 2022 году выканаўчы прадзюсер Disco Elysium Каур Кендэр падаў пазоў, абвінаваціўшы інвэстара Ільмара Компуса ў незаконным прысваеньні сродкаў кампаніі (ён нібыта набыў напрацоўкі гульні за 1€, а пасьля прадаў іх жа амаль за 5 мільёнаў € назад студыі).

Верагодна эпапэю з ZA/UM можна лічыць скончанай. Сама студыя дарэчы працягвае распрацоўку Disco Elysium 2 (праўда, без ключавых распрацоўнікаў).

📢 Стала вядома дата рэлізу DLC Forge of the Chaos Dwarfs для Total War: Warhammer III.

Заваюйце, спустошыце й заняволіце Стары Сьвет пад сьцягамі Астрагота Жалезнарука, Дражаата Папяльцовага й Жатана Чорнага, адкрыўшы для сябе ўнікальныя мэханікі й мэты кампаній, а таксама новыя атрады, створаныя ў самых злавесных кузьнях гномаў Хаосу!

У гульні зьявіцца: тры новых лорда, больш за 26 унікальных баявых атрадаў, а таксама магчымасьць навучыцца магіі Хаосу й пабудаваць Вялікі Бур Хашута.

Рэліз DLC адбудзецца 13 красавіка (даступны папярэдні заказ са зьніжкай у 10%).

📰 Інсайдэр сьцьвярджае, што ў распрацоўцы знаходзіцца PlayStation 5 Pro.

Інсайдэр Том Хендэрсан, спасылаючыся на свае крыніцы, запэўнівае, што Sony актыўна працуе над стварэньнем PlayStation 5 Pro.
У чым менавіта будзе перавага новай варыяцыі кансолі невядома, аднак шмат хто лічыць (і гэта пацьвярджаецца сьвежымі патэнтамі Sony), што кампанія вырашыла зрабіць стаўку, на тэхналёгію трасіроўкі прамянёў.

Верагодна, прэзентацыю можна чакаць на E3, дарэчы Sony у адрозьненьні ад Microsoft і Nintendo ўсё ж прыедзе на шоў.

Гэтак жа інсайдэр лічыць, што Microsoft таксама распрацоўвае палепшаную вэрсію Xbox Series X (ён назваў яе Xbox Series XXX), а вось PlayStation 6, чакаць раней за 2028 год не варта.

📰 «Epic Games — гэта не порна кампанія».

Кіраўнік Epic Games Цім Суіні пракамэнтаваў правіла, якое забараняе карыстальнікам разьмяшчаць NSFW-кантэнт у краме Epic Games.
У сакавіку 2023 году Epic Games аб’явіла аб запуску інструмэнтаў, якія дапамогуць распрацоўшчыкам самастойна разьмяшчаць свае гульні ў EGS. Адна з галоўных умоў кампаніі (у вадрозьненьні ад Steam) — ніякага парнаграфічнага кантэнту.

Цім Суіні заявіў, што Epic Games "будзе складана стаць порнакампаніяй, улічваючы яе бізнэс-мадэль", а супрацоўнікі зусім ня гараць жаданьнем правяраць кожную гульню "для дарослых", на прадмет таго, ці не парушае яна закон.

📢 Paradox распавялі аб апошніх DLC для Cities: Skylines.

22 сакавіка выйдзе набор Africa in Miniature — які прэзентуе гульцам шматгранную й яркую архітэктуру Афрыкі;
Sports Venues — дазволіць будаваць стадыёны й спартовыя паркі, а самі спартовыя мерапрыемствы атрымаюць прапрацаваныя анімацыі;
Shopping Malls — дадасьць у гульню мноства новых гандлёвых цэнтраў, крам і рэстаранаў.

Гэтак жа абяцаюць дадаць новыя радыёстанцыі й абнаўленьне, якое паляпшае транспартную сыстэму.

Пасьля гэтага, усе сілы будуць кінуты на другую частку. Падтрымка гульні так ці інакш працягнецца да канца 2023 году.

Канал пра манеты, паштоўкі, артэфакты мінулага і ўсё тое, што захавала для нас гісторыя і тое, што захаваем для яе мы.

https://news.1rj.ru/str/skarbmin 🪙

📰 Рымэйк System Shock зноў перанесьлі.

«Гэта я, SHODAN, усёведаючы, усемагутны штучны інтэлект, якога вы так па-дурному спрабавалі зьнішчыць. Але не бойцеся, я вярнуся больш грозным, чым калі-небудзь.
Вы думалі, што можаце перамагчы мяне, але вы памыляліся. 30 траўня вы сутыкнецеся з наступствамі сваіх дзеяньняў!»

System Shock — гэта паўнавартасны рымейк наватарскага арыгінала 1994 году, які аб’ядноўвае культавы геймплэй з цалкам новымі візуальнымі эфэктамі й цалкам новымі гукамі ды музыкай. Станьце сьведкамі адраджэньня адной з найвялікшых і самых уплывовых гульняў, калі-небудзь створаных.

Гульня даступная для папярэдняга заказу на PC, вэрсія для кансоляў павінна будзе зьявіцца пазьней.
❗️Недаступна на тэрыторыі Беларусі.

🎁 Зараз у Epic Games Store, можна бясплатна забраць Warhammer 40,000: Gladius — Relics of War.

Warhammer 40,000: Gladius — Relics of War — гэта першая пакрокавая стратэгія ў жанры 4X, дзеяньне якой разгортваецца ў сусьвеце Warhammer 40,000. Чатыры фракцыі ўступяць у жорсткую вайну за панаваньне над рэсурсамі плянэты.

❗️Забраць гульню можна да 23 сакавіка.

📢 Bethesda апублікавала сюжэтны трэйлер Redfall.

Што адбываецца ў Redfall? Адкуль узяліся вампіры? Дасьледуючы востраў, раскрыйце таямніцы Рэдфола. Акуніцеся ў змрочную гісторыю злавеснай карпарацыі, якая стварыла монстраў, што ходзяць па вуліцах, і сутыкніцеся з жахліва-магутнымі вампірамі, якім некаторыя выжыўшыя пакланяюцца як багам!

Рэліз гульні адбудзецца 2 траўня, на Xbox Series (+Game Pass) і PC.

🎁 Зараз у Steam, можна бясплатна забраць Tiny Tina’s Assault on Dragon Keep: A Wonderlands One-Shot Adventure.

Tiny Tina’s Assault on Dragon Keep: A Wonderlands One-Shot Adventure — разбурайце шкілетаў, перамагайце драконаў і змагайцеся зь велізарнымі големамі ў Tiny Tina’s Assault on Dragon Keep: A Wonderlands One-Shot Adventure. Вярніцеся да вытокаў і прайдзіце легендарнае заданьне 2013 году ў кампаніі, поўнай фантастыкі, весялосьці й гор чароўнай здабычы!

❗️Забраць гульню можна да 23 сакавіка.

📰 FIFA сапраўды плянуе канкураваць з EA Sports FC.

Прэзыдэнт FIFA Джані Інфантына, заявіў, што асацыяцыя сапраўды плянуе выпускаць свой уласны футбольны сімулятар, які будзе канкураваць з будучымі праектамі EA:

«Новыя часткі FIFA (FIFA 25, 26, 27 і ўсе наступныя) — заўсёды будуць лепшымі відэагульнямі для ўсіх дзяўчынак і хлопчыкаў. Мы падзелімся навінамі наконт гэтага ўжо вельмі хутка».

Нагадаем, у мінулым годзе Electronic Arts і FIFA спынілі сваё супрацоўніцтва. Новыя футбольныя сімулятары ад ЕА будуць выходзіць пад брэндам EA SPORTS FC.

📰 Valve выпусьціла відэа ў гонар гадавіны Steam Deck.

У роліку прадстаўнікі кампаніі распавялі аб тым, як паляпшалі свой партатыўны ПК апошні год, а таксама выказалі падзяку карыстальнікам Steam Deck.

Сьвяточную прамову нават вымавіў кіраўнік Valve — Гейб Ньюэл:
«Я вельмі рады паўдзельнічаць у гэтым відэа. Дзякуючы свайму палажэнню ў індустрыі, Valve мае магчымасьць рызыкаваць. Мы вырашылі, што здольныя стварыць выдатную, магутную й недарагую мабільную прыладу для гульняў. І рэакцыя пакупнікоў за мінулы год паказвае, што мы на правільным шляху».

Акрамя гэтага, у гонар вясновага распродажу, Steam Deck упершыню атрымаў 10% зьніжку:
▫️Steam Deck 64 ГБ — $359;
▫️Steam Deck 256 ГБ — $476;
▫️Steam Deck 512 ГБ — $584.

Гэтак жа, Valve афіцыйна дадала відэашпалеры (У кампаніі адзначылі, што карыстачы «ужо даўно навучыліся дадаваць іх самастойна»).

📢 Frictional Games выпусьцілі сюжэтны трэйлер Amnesia: The Bunker.

З роліка нам становіцца вядома, што вышэйшыя вайсковыя чыны зьбеглі з бункера, узарваўшы за сабой выйсьце. І зараз нашаму герою трэба выжыць і выбрацца вонкі.
Спосаб адзін — расчысьціць шлях дынамітам, але ён знаходзіцца глыбока пад зямлёй, у цемры, у якой чакаюць кашмарныя монстры!

Рэліз гульні адбудзецца 16 траўня на PlayStation, Xbox і PC.

📢 Студыя Heart Machine апублікавала першы ґеймплэйны трэйлер Hyper Light Breaker.

Сустракайце новую прыгоду ў сьвеце Hyper Light! Гуляйце ў адзіночку ці зь сябрамі, дасьледуйце біёмы, перамагайце монстраў, спрабуйце розныя зборкі.
У гэтай прыгодзе ад аўтараў Hyper Light Drifter ваша мэта — выжыць у Каронах і зрынуць Караля Бездані!

Гульня выйдзе ў раньні доступ гэтай восеньню!

Вітаю спадарства!
Памятаеце, нядаўна быў допіс пра тое, што адна зь вядучых кібэрспартыўных кампаніяў Эўропы — Maincast, стварыла беларускамоўны канал на Twitch?
Дык вось, зараз усе жадаючыя могуць сачыць за навінамі кібэрспорту на афіцыйным, беларускім тэлеграм-канале!

Рэдактарамі каналу зьяўляюцца Андрэй «AHDR3» Кашкурэвіч i Мікіта «razvalpetrovich» Шэстакоў (яны ж дарэчы, у мінулым годзе былі камэнтатарамі The International!)

Раім падпісацца!