📰 У сеціве зьявіліся ролікі, запісаныя Майклам Джэксанам для згубленага сімулятара Scramble Training ад SEGA.

Scramble Training — аркадная гульня для сімулятара AS-1 ад SEGA, які ўсталёўвалі ў тэматычных парках кампаніі ў пачатку 90-х.
Майкл Джэксан згуляў галоўную ролю ў гульні, запісаўшы для яе некалькі ролікаў, але ў сеціве запісаў не засталося — SEGA пазбавілася ўсіх згадак яго ўдзелу пасьля абвінавачаньняў у вадрас музыкі.

Да гэтага часу кадры з Джэксанам лічыліся страчанымі (як і гульня), але ў 2022-м іх удалося выпадковым чынам знайсьці на «гаражным распродажы» у Вялікабрытаніі.

Прадавец выставіў на продаж рэчы свайго памерлага сваяка, які працаваў у Sega Amusements Europe, сярод іншага й былі запісы ўсіх ролікаў Джэксана для Scramble Training.

Сама гульня, аднак, застаецца страчанай.

​​📰 Карыстальнікі ArtStation абураюцца ад прац нейрасетак.

ArtStation — адзін з самых знакамітых сайтаў для прафэсійных мастакоў, у тым ліку з гульнявой індустрыі. З канца гэтага году на сайце пачалі актыўна набіраць папулярнасьць працы нейрасетак, чым выклікалі спачатку проста незадаволенасьць, а затым і сапраўдны пратэст карыстальнікаў.
Апошняй кропляй стала тое, што працы ШІ пачалі зьяўляцца на галоўнай старонцы ArtStation.

Раззлаваныя мастакі пачалі публікаваць на ArtStation выяву са словамі «Не выявам, згенераваным ШІ», і ў выніку яны запоўнілі сабой ґалерэю.

ArtStation спачатку толькі заявіла, што працы нейрасетак не парушаюць правіл пляцоўкі, але затым апублікавала FAQ, у якім падрабязна выказалі свой пункт гледжаньня на гэтую сытуацыю:

«Мы верым, што мастакі павінны самі вырашаць, як выкарыстоўваюцца іх працы, але ў той жа час мы не хочам ствараць правілы, якія будуць перашкаджаць дасьледаваньням і камэрцыялізацыі ШІ [...]».

У камандзе ArtStation кажуць, што плянуюць дадаць два тэгі, якія дазволяць мастакам абраць, правілы выкарыстаньня іх прац для навучаньня ШІ.

Аднак мастакоў усё гэта не вельмі супакоіла й яны працягваюць пратэставаць і публікаваць выявы, каб выказаць сваю пазыцыю.

❄️🎁 Зараз у Epic Games Store, можна бясплатна забраць: Sable.

Sable — адпраўляйцеся ў незабыўнае сьвятое падарожжа разам з Сэйбл, сьлізгайце празь бязьмежныя пустыні й зачаравальныя пэйзажы, аглядайце драбы касьмічных караблёў і адкрывайце для сябе цуды старажытных цывілізацыяў.

Гульня будзе даступная да 19:00.

📰 Twitter забараніць «прасоўваць альтэрнатыўныя плятформы».

Аб новых правілах публікацыі спасылак на іншыя сэрвісы кампанія паведаміла 18 сьнежня.
Прадстаўнікі Twitter назвалі ход "забаронай на бясплатнае прасоўваньне іншых сацыяльных плятформ". Пад удар павінны патрапіць акаўнты, якія публікуюць спасылкі на профілі ў розных сацсетках, а таксама сайты-агрэгатары падобных кантактаў.

Асобныя допісы з падобнымі спасылкамі й заклікам падпісацца на акаўнт на іншай пляцоўцы таксама будуць выдаляць.

Забараніць плянуюць:

▫️Facebook;
▫️Instagram;
▫️Mastodon;
▫️Truth Social;
▫️Tribel;
▫️Post;
▫️Nostr;
▫️linktr.ee;
▫️lnk.bio.

У Twitter падкрэсьлілі, што спасылкі на сэрвісы, якія не згадваюцца ў правілах, па-ранейшаму будуць дазволеныя, бо яны "прапануюць карыстальнікам вопыт, адрозны ад Ціўтара".

За парушэньне правіл будуць як выдаляць асобныя пасты, так і блакаваць цэлыя акаўнты.

​​📰 Valve распавяла аб будучыні Steam Deck.

Дызайнеры Steam Deck далі інтэрвію выданьню The Verge, у якім распавялі аб тым, што чакае кансоль Valve у будучыні.

Калі коратка:

🔹Steam Deck ніколі ня будзе стабільным з пункта гледжаньня традыцыйнай кансолі. Але карыстачы атрымаюць добры гульнявы досьвед, а абнаўленьні плянуюць выпускаць датуль, пакуль у кансолі ёсьць аўдыторыя;
🔹Valve спрашчае замену батарэі Steam Deck;
🔹Steam Deck другога пакаленьня выпусьцяць, але гэта можа быць не Pro-вэрсія. Дызайнеры прызналіся, што хацелі б выпусьціць Steam Deck з палепшанымі экранам і часам аўтаномнай працы;
🔹Valve думае аб стварэньні Steam Controller 2;
🔹Каманда займаецца выпраўленьнем затрымкі гуку Bluetooth-гарнітурах. Таксама працягваецца праца над магчымасьцю выбару профіля / кодэка Bluetooth для гульнявога рэжыму. А вось падтрымкі Bluetooth-мікрафонаў хутчэй за ўсё ня будзе.
🔹Valve не супраць зьяўленьні на плятформе мабільных гульняў, арыентаваных на сэнсарнае кіраваньне;
🔹Valve сама працуе над паляпшэньнем прадукцыйнасьці некаторых гульняў на Steam Deck (Elden Ring, Halo Infinite і іншыя);
🔹У камплекце з кансольлю зараз ідзе спэыяльны «плястар» для памяншэньня шуму вэнтылятара Delta.

❄️🎁 Зараз у Epic Games Store, можна бясплатна забраць: Them's Fightin' Herds.

Them's Fightin' Herds — гэта 2D-файтинг з удзелам чароўных зьвяркоў. Іх намалявала Лярэн Фаўст, вядомы аніматар. Няхай мілае аблічча не падманвае вас: гэта сур’ёзныя байцы!

Гульня будзе даступная да заўтра (20.12. 19:00).

📰 Capcom можа працаваць над рэмэйкам арыґінальнай Resident Evil.

Выдавецтва Capcom зарэгістравала гандлёвую марку Resident Evil Director’s Cut, якое адсылае фанатаў, да першай часткі з арыґінальнай PlayStation — менавіта так звалася яе дапоўненае перавыданьне.

Акрамя Resident Evil Director’s Cut, Capcom зарэгістравала марку S.T.A.R.S. Dep Raccoon Police.

Рэгістрацыя двух гандлёвых знакаў прывяла да зьяўленьня чутак, аб магчымай распрацоўцы чарговага рэмэйку.

Нагадваем, што ў дадзены момант у распрацоўцы знаходзіцца рэмэйк Resident Evil 4, рэліз якога прызначаны на 24 сакавіка 2023 г., для PC, Xbox Series X|S і абодвух пакаленьнях PlayStation.

📰 Мабільная Crash Bandicoot: On the Run будзе закрыта.

Кампанія King аб’явіла аб хуткім закрыцьці Crash Bandicoot: On the Run.

З 19 сьнежня 2022 году ў прыладзе будзе адключаны функцыянал крамы — карыстальнікі больш ня змогуць зьдзяйсьняць мікраплацяжы, сама гульня будзе зачынена 16 лютага 2023 году.

Рэліз Crash Bandicoot: On the Run адбыўся 25 сакавіка 2021 году, тады гульня стала хітом, яе загрузілі звыш 27 мільёнаў разоў.

📰Quantic Dream выпусьціла новае відэа ў гонар свайго 25-годзьдзя.

У траўні студыя Quantic Dream адсьвяткавала 25-ы дзень народзінаў, а сёньня кампанія выпусьціла прысьвечаны юбілею ролік.

Француская кампанія пад кіраўніцтвам Дэвіда Кейджа выпусьціла пяць гульняў, пачаўшы свой шлях у гульнявой індустрыі з Omikron: The Nomad Soul ў 1999 годзе. Ужо тады Quantic Dream была адной зь першых хто выкарыстоўваў захоп рухаў для анімаваньня пэрсанажаў. У відэа адзначаецца, што да саўндтрэку дэбютнай гульні прыклаў руку легендарны Дэвід Боўі, стаўшы суаўтарам саўндрэка гульні.

У 2005 годзе каманда выпусьціла Fahrenheit, якая зьдзейсьніла сапраўдную рэвалюцыю ў анімацыі, стаўшы адным зь першых кінэматаграфічных праектаў такога пляна. Гэтай гульнёй кампанія прыцягнула ўвагу Sony, што прывяло да стварэньня трох эцклюзіваў: Heavy Rain, Beyond: Two Souls і Detroit: Become Human.

Цяпер Quantic Dream, разам з Lucasfilm працуе над Star Wars: Eclipse, абяцаючы, што праект паб’е рэкорды папярэдніх гульняў студыі!

❄️🎁 Зараз у Epic Games Store, можна бясплатна забраць: Wolfenstein: The New Order.

Wolfenstein: The New Order — гэтае адраджэньне серыі, якая калісьці паклала пачатак жанру шутэраў. Дзеяньне гульні адбываецца ў альтэрнатыўным сусьвеце ў 1960-я гады. Вас чакае незнаёмы сьвет, якім кіруе знаёмы вораг, які зьмяніў і сказіў вядомую вам гісторыю.

❗️Гульня будзе даступная да заўтра (21.12. 19:00).
‼️Гульня не даступна на тэрыторыі Беларусі!

P.S. Калі нехта вельмі хоча забраць гульню сабе ў калекцыю, можаце паспрабаваць гэтыя варыянты.

📢 У сакавіку Sifu выйдзе на Xbox і Steam.

Гульня зьявіцца на кансолях Xbox Series, Xbox One і ў Steam, у сакавіку 2023 году.

Адначасова з гэтым да гульні зьбіраюцца выпусьціць кантэнтнае абнаўленьне Arenas. Яно зьявіцца на ўсіх плятформах і дадасьць у гульню новы рэжым.

Sifu — гэта гульня ў жанры beat ’em up з выглядам ад трэцяй асобы; гулец кіруе байцом кунфу, які змагаецца з рознымі супернікамі. Па меры праходжаньня гэрой вывучае новыя прыёмы й здольнасьці, якія да таго ж можна зьбіраць у камбінацыі.

📰 Ґеймдырэктар Star Wars Jedi: Survivor падзяліўся падрабязнасьцямі аб гульні.

Ґеймдырэктар гульні Сьціг Асмусэн даў інтэрвію выданьню Game Informer, падзяліўшыся некаторымі падрабязнасьцямі.

Калі коратка:

🔹Галоўнае новаўвядзеньне — абноўленая баявая сыстэма зь пяцьцю стойкамі. Гульцы змогуць пераключацца паміж імі, каб больш эфэктыўна змагацца з ворагамі:
— першая дазволіць выкарыстоўваць два сьветлавых мяча, раскручваючы іх на вялікай хуткасьці.
— другая дазволіць выкарыстоўваць меч і бластэр
— у трэцяй можна выкарыстоўваць сьветлавы меч з ахоўнай гардай (заўв. як у новай трылёгіі);
🔹У Jedi: Survivor вернуцца ўжо вядомыя пэрсанажы, новым сярод якіх будзе найміт Бодэ Акуна. Амусэн паведаміў, што яны з Кэлам "амаль як браты";
🔹У гульні рэалізавана некалькі дадатковых мэханік перасоўваньня, якія дазволяць хутчэй перамяшчацца паміж лякацыямі (так Кэл зможа выкарыстоўваць тросы й прыручаць дзікіх жывёл).

Рэліз Star Wars Jedi: Survivor заплянаваны на 17 сакавіка 2023 г. на Xbox, ПК і PS5.

📢 Анансавана Risk of Rain Returns.

Студыя Hopoo Games абвясьціла, што працуе над палепшанай вэрсіяй папулярнага рагаліка Risk of Rain.

Для рэмэйку ня толькі абнаўляюць вонкавы выгляд, але й дадаюць масу новага кантэнту. Гульнявы працэс зрабілі больш плыўным, яго балянс старанна адрэгулявалі, дадалі новых, выжылых і дадаткова разблакуюць наладжвальныя альтэрнатыўныя здольнасьці.

Risk of Rain Returns, выйдзе ў 2023 годзе, ў Steam і на Nintendo Switch.

📰 Кіраўнік Amazon Studios запэўнівае, што адаптацыя God of War будзе адпавядаць першакрыніцы.

У размове з выданьнем Collider кіраўнік тэлевізыі ў Amazon Studios Вернан Сандэрс пацьвердзіў, што адаптацыя будзе прысьвечана адносінам бацькоў і дзяцей, і гісторыя будзе адаптаваная для новых гледачоў, але застанецца вернай першакрыніцы:

«У нас багаты досьвед працы над адаптацыямі, і мы ўмеем рабіць іх добра, пачынаючы з «Непаражальнага» і заканчваючы «Пацанамі». І мы ведаем аб адданых прыхільніках God of War. Эмацыйнае сэрца гэтага сюжэту — гісторыя аб бацьках і сынах, аб цэлых сем’ях, дэкарацыямі для якой служаць эпічныя пэйзажы. І я лічу тое, што прыдумалі аўтары сэрыяла для першага сэзона й сэрыяла ў цэлым, будзе адпавядаць першакрыніцы й ў той жа час прывабна само па сабе.

Калі вы не гулялі ў God of War, вам ўсё роўна спадабаецца сэрыял, вы адчуеце, што вам тут рады».

Аб распрацоўцы сэрыяла па God of War ад Amazon стала вядома нядаўна, канкрэтных падрабязнасьцяў аўтары не раскрываюць.

❄️🎁 Зараз у Epic Games Store, можна бясплатна забраць: LEGO Builder's Journey.

LEGO Builder's Journey — гэта атмасфэрная геамэтрычная галаваломка, у якой часам даводзіцца прытрымлівацца інструкцыяў, а часам — парушаць правілы.

❗️Гульня будзе даступная да заўтра (22.12. 19:00).

📰 СМІ лічаць, што ў наступным годзе Microsoft можа набыць Netflix.

Выданьне Reuters прагназуе, што наступнай буйной пакупкай Microsoft у 2023 годзе можа стаць Netflix, для гэтага ёсьць шэраг фактараў.

Па-першае дзьве кампаніі ўжо даўно цесна супрацоўнічаюць. Netflix абраў Microsoft у якасьці рэклямнага партнэра для новай паслугі — падпіскі з падтрымкай рэклямы.
Па-другое прэзыдэнт Microsoft Брэд Сьміт уваходзіць у раду дырэктараў Netflix.
Reuters таксама спасылаецца на імкненьне Microsoft прапанаваць паслугу гульнявога стрымінгу на розных прыладах.

Сама Netflix мае вялікія пляны на індустрыю відэагульняў. У гэтым годзе кампанія набыла студыю Spry Fox, якая стала шостай унутранай студыяй Netflix.

📰 Take-Two падала скаргу на рэкляму Goat Simulator 3.

Распрацоўнікі Goat Simulator 3 выпусьцілі ў сацыяльных сетках рэклямны ролік, які выклікаў незадаволенасьць у прадстаўнікоў выдавецтва Take-Two, прычынай сталі кадры са зьлітага ў сеціва «білда» Grand Theft Auto VI, якія выкарыстоўвалі стваральнікі Goat Simulator 3.

Парадыйны ролік дэманстраваў лічбавага «каскадэра», які нібыта працуе ў відэагульнявой індустрыі своеасаблівай лялькай для біцьця. У вадной са сцэн на экране дэманстраваўся невялікі ўрывак з новай GTA. У ім падобны пэрсанаж быў наведвальнікам установы, якую рабавала галоўная гэраіня.

Выкарыстаньне запісу з дэманстрацыяй кадраў неанансаванай гульні ня на жарт раззлавала Take-Two — выдавецтва накіравала адпаведныя скаргі, пасьля чаго ролік "зачысьцілі" усюды дзе толькі можна.

❄️🎁 Зараз у Epic Games Store, можна бясплатна забраць: Fallout: A Post Nuclear Role Playing Game, Fallout 2: A Post Nuclear Role Playing Game і Fallout Tactics: Brotherhood of Steel.

Fallout: A Post Nuclear Role Playing Game — Перад вамі клясычная ролевая гульня ў постапакаліптычным сьвеце, якая калісьці адрадзіла гэты жанр. Будзьце асьцярожныя ў сваіх рашэньнях, каб не папоўніць незьлічоныя рады герояў, чые косткі ўпрыгожваюць Пустэчы.

Fallout 2: A Post Nuclear Role Playing Game — гэта працяг легэндарнай ролевай гульні, якая перанесла жанр з засьценкаў падзямельляў у дынамічны сьвет постапакаліптычнага рэтрафутурызму. Разьвівайце свае навыкі й ўменьні, каб выжыць у суровым пост’ядравым сьвеце Fallout 2.

Fallout Tactics: Brotherhood of Steel — у сусьвет Fallout урываюцца тактычныя пакрокавыя бітвы! У гэтыя цёмныя часы толькі Братэрства — ваша Братэрства, — аддзяляе цывілізацыю, якая адраджаецца з попелу, ад радыяактыўнай Пустэчы.

❗️Гульні будуць даступныя да заўтра (23.12. 19:00).

📰 У Steam пачаўся Зімовы распродаж.

У Steam стартаваў Зімовы распродаж, які працягнецца да 5 студзеня.
Акрамя зьніжак, зьвяртаем вашу ўвагу на карыстальніцкае галасаваньне. У розных намінацыях можна ўбачыць такія гульні як Dying Light 2, Elden Ring, Stray, God of War (2018) ды іншыя.

Галасаваньне працягнецца да 3 студзеня.

📰 У Steam выйдзе яшчэ два праекты Ubisoft — The Division 2 і Scott Pilgrim vs. The World: The Game.

Ня так даўно Ubisoft анансавала вяртаньне сваіх праектаў у Steam і назвала тры першыя гульні: ролевы баявік Assassin’s Creed Valhalla, горадабудаўнічую стратэгію Anno 1800 і спартовую гульню Roller Champions.
Цяпер у краме зьявяцца яшчэ два праекты: Tom Clancy’s The Division 2 і Scott Pilgrim vs. The World: The Game — Complete Edition.

▫️The Division 2 выйшла ў 2019 годзе, у Epic Games, так як Ubisoft палічыла гэтую ўгоду больш выгаднай (акрамя самой гульні, у Steam будзе прадавацца DLC Warlords of New York і баявы пропуск першага сэзона.
Гульня выходзіць 12 студзеня 2023 году);
▫️Scott Pilgrim vs. The World: The Game створана па матывах комікса "Скот Пілігрым супраць усіх". Гульня зьявіцца ў Steam 5 студзеня 2023 году.