የጠቅላይ ሚኒስትር ዐቢይ አሕመድ መልዕክት‼️

የ#አረንጓዴ ዐሻራ መርሐ ግብር እያንዳንዱን የሀገሪቱን ጥግ ለመሸፈን ያለመ ነው። ዛሬ በደቡብ ኦሞ ዞን ኝአንጋቶም ወረዳ ዐሻራችንን አሳርፈናል። በእንደዚህ ዓይነት አካባቢ የምናደርገው ጥረት የድርቅን ሥጋት ለመከላከል ያለመ ነው። እነዚህን ተግባራት በማስቀጠል ለምግብነት የሚውሉ ችግኞችን በመትከል ፍሬያማ ውጤት ማግኘት እንችላለን።

የፌዴራል ፖሊስ ሠላምን ለማረጋገጥ እያደረገ ያለውን ጥረት አጠናክሮ ይቀጥላል
-ኮሚሽነር ጀነራል ደመላሽ ገብረሚካኤል
*********************************
(ኢ ፕ ድ)

የፌዴራል ፖሊስ ሠላምን ለማረጋገጥ እያደረገ ያለውን ጥረት አጠናክሮ እንደሚቀጥል የፌዴራል ፖሊስ ኮሚሽነር ጀነራል ደመላሽ ገብረሚካኤል የወቅቱ የምስራቅ አፍሪካ ፖሊስ አዛዦች ህብረት ድርጅት ፕሬዚደንት ገለጹ፡፡

በፌዴራል ፖሊስ ወንጀል መከላከል ጠቅላይ መምሪያ የምዕራብ ፈጥኖ ደራሽ በአሶሳ ከተማ ያስገነባውን ካምፕ ዛሬ አስመርቋል።

ኮሚሽነር ጀነራል ደመላሽ ገብረሚካኤል የወቅቱ የምስራቅ አፍሪካ ፖሊስ አዛዦች ህብረት ድርጅት ፕሬዚደንት በምረቃ ሥነ-ስርዓቱ ላይ እንዳሉት፤ ፌዴራል ፖሊስ በሰው ኃይልና በቴክኖሎጂ ግዙፍ አቅም እየፈጠረ ነው።

የፌዴራል ፖሊስ ሠላምን ለማረጋገጥ እያደረገ ያለውን ጥረት አጠናክሮ እንደሚቀጥል ገልጸው፤ በአሶሳ ከተማ ከተመረቀው በተጨማሪ በየክልሉ የሠራዊቱን አቅም የሚያጠናክሩ ካምፖች እየተገነቡ ነው ብለዋል።

የቤኒሻንጉል ጉሙዝ ክልል ርዕሰ-መስተዳድር አቶ አሻድሊ ሃሰን በበኩላቸው፤ ክልሉ ወደ ተረጋጋ ሠላም እንዲመለስ የፌዴራል ፖሊስ ከህብረተሰቡ ጋር በመቀናጀት ከፍተኛ መስዋዕትነት ከፍሏል ብለዋል።

በክልሉ በአሁኑ ወቅት በማዕድንና በሌሎች ዘርፎች የኢንቨስትመንት እንቅስቅሴዎች እንዳሉ ገልጸው፤ ኢንቨስትመንቱ እንዲጠናከር የፌዴራል ፖሊስ እገዛ እንደሚቀጥል ያላቸውን እምነት ገልጸዋል ሲል ኢዜአ ዘግቧል።

የዝግጅቱ ታዳሚዎች ችግኝ በመትከልም አረንጓዴ አሻራቸውን አኑረዋል።

የጠቅላይ ሚኒስትር ዶክተር ዐቢይ አሕመድ መልዕክት ‼️

በእርከን ሥራ፣ በአካባቢ ጥበቃ፣ በውኃ ማቆር እና በጥንታዊ የእጅ መሣሪያዎች በታወቀው የኮንሶ ሕዝብ መካከል በመገኘቴ እጅግ ደስ ብሎኛል።

በአዲስ አበባ ከተማ የ6ኛ ክፍል መልቀቂያ ፈተና በ182 የመፈተ ኛ ጣቢያዎች መሰጠት ተጀመረ
***************************
(ኢ ፕ ድ)
አዲሱን ስርዓተ ትምህርት መሰረት አድርጎ ዘንድሮ ለመጀመሪያ ጊዜ የሚሰጠው የ2015 ዓ.ም የ6ኛ ክፍል መልቀቂያ ፈተና በዛሬው እለት በከተማ አስተዳደሩ በሚገኙ 182 የመፈተኛ ጣቢያዎች መሰጠት ተጀምሯል።

ዘንድሮ በከተማ አስተዳደር በ182 የፈተና ጣቢያዎች 75 ሺህ 090 ተማሪዎች የ6ኛ ክፍል መልቀቂያ ፈተና ይወስዳሉ።

የአዲስ አበባ ከተማ አስተዳደር ትምህርት ቢሮ ኃላፊ ዶክተር ዘላለም ሙላቱ ከምክትል ቢሮ ኃላፊው ከአቶ አሊ ከማል እና ከየካ ክፍለ ከተማ ትምህርት ጽህፈት ቤት ኃላፊ ከአቶ ፈይሳ ወዳጆ ጋር በክፍለከተማው በሚገኙ የመፈተኛ ጣቢያዎች ተዘዋውረው የፈተናውን አጀማመር ተመልክተዋል።

የ6ኛ ክፍል መልቀቂያ ፈተና ዘንድሮ እንደመጀመሩና ፈተናውን የሚወስዱ ተማሪዎች በእድሜ አነስተኛ እንደመሆናቸው ቢሮው ፈተናው ያለምንም ችግር እንዲጠናቀቅ የጸጥታ አካላትን ጨምሮ ከተለያዩ ባለድርሻ አካላት ጋር በጋራ ሲሰራ ቆይቷል።

በከተማ አስተዳደሩ ላለፉት ሁለት ቀናት የተካሄደው የ8ኛ ክፍል መልቀቂያ ፈተና ያለምንም እንከን ተጠናቋል።

የ6ኛ ክፍል ፈተናም በተመሳሳይ ሁኔታ ያልምንም ችግር እንዲጠናቀቅ ሁሉም የፈተና አስፈጻሚ ኃላፊነቱን በአግባቡ እንዲወጣ የአዲስ አበባ ከተማ አስተዳደር ትምህርት ቢሮ ኃላፊ ዶክተር ዘላለም ሙላቱ መልዕክታቸውን አስተላልፈዋል።