የከንቲባ አዳነች አቤቤ መልዕክት !!

የከተማችንን የክረምት ስራዎች አፈፃፀም ለመመልከት እና ለመደገፍ ከፌዴራል መንግስት ከፍተኛ አመራሮች የሱፐርቪዢን ቡድን ጋር ውይይት ጀምረናል፡፡

ቡድኑ ለተከታታይ 10 ቀናት ወደ ክፍለ ከተሞች እና ወረዳዎች ወርዶ የሱፐርቪዢን ስራ ያካሂዳል።

የሰራናቸው ስራዎች ብዙ፣ የሔድንበት ርቀት ረጅም ቢሆንም በከተማችን ለዓመታት የተከማቹ ችግሮችን መፍታት ከፍተኛ ጥረት እና በርካታ ትብብርን የሚጠይቅ በመሆኑ፣ የፌደራል መንግስት ክትትልና ድጋፍ ማድረጉ ተገቢ እና አስፈላጊ ነው።

እየፈጠርንና እየፈጠንን አዲስ አበባን እንደስሟ ውብ፤ ለኑሮና ለስራ ምቹ ከተማ ለማድረግ በትጋት መስራታችንን እንቀጥላለን!

በአፋር ክልል ተቋርጦ የነበረው የኤሌክትሪክ ኃይል ወደ አገልግሎት ተመለሰ
***************
(ኢ ፕ ድ)
በአፋር ክልል ሠመራ፣ ሎጊያ፣ ሚሌ፣ ኤሊውሀ፣ አዳይቱ ከተሞችና በአካባቢያቸው በተነሳ ከባድ ነፋስ ተቋርጦ የነበረው የሃይል አቅርቦት ዛሬ ወደ መደበኛ አገልግሎቱ ተመልሷል::

አገልግሎቱ ወደ መደበኛ አገልግሎቱ የተመለሰው የክልሉ ኤሌክትሪክ አገልግሎት የተጎዱትን የኤሌክትሪክ መሰረተ ልማቶች በፍጥነት በመጠገናቸው መሆኑን አገልግሎቱ አስታውቋል።

በአፋር ክልል ሠመራ፣ ሎጊያ፣ ሚሌ፣ ኤሊውሀ፣ አዳይቱ ከተሞች በተነሳ ከባድ ነፋስ በኤሌክትሪክ ምሰሶዎች እና ማሰራጫ መስመሮች ላይ ጉዳት መድረሱን መገለጹ ተጠቅሷል።

ሐምሌ 3 ቀን 2015 ዓ.ም

የአዲስ አበባ ከተማ አስተዳደር የትላልቅ ፕሮጀክቶች ግንባታ ጽ/ቤት የአረንጓዴ አሻራ መርሀ ግብር አካሄደ
*****************
(ኢ ፕ ድ)

የአዲስ አበባ ከተማ አስተዳደር የትላልቅ ፕሮጀክቶች ግንባታ ጽ/ቤት ከአቃቂ ክፍለ ከተማ አስተዳደር ጋር በጋራ በመሆን ለአረንጓዴ አሻራ መርሀ ግብር አምስት ሺህ ችግኞች ተከለ።

"ነገን ዛሬ እንትከል" በሚል መሪ ቃል የተጀመረው የ2015 ዓ.ም የአረንጓዴ አሻራ መርሀ ግብር ጽ/ቤቱ ከ50ሺህ በላይ ችግኞችን ለክፍለከተማው ያበረከተ ሲሆን በዛሬው እለትም አምስት ሺህ ችግኞች ተተክለዋል።

በመርሀግብሩ ላይ የአዲስ አበባ ከተማ አስተዳደር የትላልቅ ፕሮጀክቶች ግንባታ ጽ/ቤት ዋና ስራ አስኪያጅ ኢንጂነር ደቦ ቱንካ እንደገለፁት፤ ይህ የአረንጓዴ አሻራ መርሀግብር ከተማዋ ያላትን 15 በመቶ የደን ሽፋን ወደ 30 በመቶ ለማሳደግ የሚረዳ ነው።

ጽ/ቤቱ ከሚያከናውነው የአካባቢ ልማት የማሳደግ ተግባር በተጨማሪ ሀገራዊ በሆነው መርሀግብር በመሳተፍና ችግኞችን ከመትከል ባለፈ የመንከባከብ ስራ እንደሚሰራ ተናግረዋል።

በመርሀግብሩ የአዲስ አበባ የትላልቅ ፕሮጀክቶች ግንባታ ጽ/ቤት ሀላፊዎች፣ የአቃቂ ክ/ከተማ ከፍተኛ አመራሮችና ሰራተኞች እንዲሁም ነዋሪዎች ተሳትፈዋል።

በማህሌት ብዙነህ

ሐምሌ 4 ቀን 2015 ዓ.ም

በአዲስ አበባ እስካሁን ከአራት ነጥብ አምስት ሚሊዮን በላይ ችግኞች ተተክለዋል

👉ኅብረተሰቡ በችግኝ ተከላ እያደረገ ያለውን ተሳትፎ አጠናክሮ ሊቀጥል ይገባል
*********************
(ኢ.ፕ.ድ)
በቅርቡ በተጀመረው የሁለተኛው ምዕራፍ የአረንጓዴ አሻራ በአዲስ አበባ እስካሁን ከአራት ነጥብ አምስት ሚሊዮን በላይ ችግኞች መተካላቸውን የአዲስ አበባ ከተማ የከተማ ውበትና አረንጓዴ ልማት ቢሮ አስታወቀ::

የከተማው ነዋሪ በአረጓዴ አሻራ መርሃ ግብር እያሳየ ያለውን ተሳትፎ አጠናክሮ መቀጠል እንደሚኖርበትም ተመልክቷል::
https://m.facebook.com/story.php?story_fbid=588664780123648&id=100069403920568

የዳሎል ማዕከላዊ ዕዝ ዓመታዊ ክብረ በዓል እየተካሄደ ነው
**************
(ኢ ፕ ድ)

የዳሎል ማዕከላዊ ዕዝ ዓመታዊ ክብረ በዓል እና የእውቅና ሥነሥርዓት በጅማ ከተማ እየተካሄደ ነው።

በበዓሉ አከባበር ላይ የጦር ኃይሎች ጠቅላይ ኢታማዦር ሹም ፊልድ ማርሻል ብርሃኑ ጁላ እና የጦር ኃይሎች ምክትል ጠቅላይ ኢታማዦር ሹም ጀነራል አበባው ታደሰን ጨምሮ የመከላከያ ሠራዊት ከፍተኛ አመራሮችና መኮንኖች ተገኝተዋል፡፡

"ምንጊዜም ለመዘመን እና ለድል አድራጊነት እንዘጋጅ" በሚል መሪ ሐሳብ ነው በዓሉ እየተከበረ የሚገኘው፡፡

የበዓሉ አከባበር ለሕግ የበላይነት መከበር የላቀ አፈጻጸም ላስመዘገቡ የሠራዊት አባላት መዘጋጀቱ ተመላክቷል፡፡

በአከባበሩ ላይ የዕዙን ሁለንተናዊ ገጽታ የሚያንጸባርቁ የተለያዩ ሁነቶች እንደሚስተናገዱ ይጠበቃል ሲል ኤፍቢሲ ዘግቧል፡፡

ሐምሌ 4 ቀን 2015 ዓ.ም