በተያዘው በጀት ዓመት የ103 ቢልዮን ብር ግዢ መፈፀሙን ተገለፀ
****
(ኢ.ፕ.ድ)

በተያዘው በጀት ዓመት የ103 ቢሊዮን ብር ግዢ እንደተፈፀመ የፌደራል ግዢ እና የንብረት ቁጥጥር አስተዳደር አስታወቀ።

የተቋሙ ዋና ዳይሬክተር ሐጂ ኢብሳ እንዳሉት፤63 በመቶ የሀገሪቱ በጀት ለግዢ ይውላል።

ይህ ከፍተኛ ወጪ የሚወጣበት የግዢ ሂደት ዘመናዊ የቁጥጥር አሰራር ተዘርግቶለት እየተተገበረ ይገኛል።

በመሆኑም በዚህ የግጭ ሥርዓት ያልተካተቱ ክልሎች ጥቂት እንደሆኑ በመጥቀስ፤አሰራሩ ለመዘርጋት እንደ ፌደራሉ ሊፈጥን ባይችልም እየተሰራ ነው ብለዋል።

ሥርዓቱን ለመዘርጋት እንቅፋት ከሆኑት ዋነኛ ምክንያቶች ኢንፍራስትራክቸር እንደሆነ በመጥቀስ፤ይህም በሂደት የሚፈታ ነው ሲሉ ተናግረዋል።

በሔርሞን ፍቃዱ
የካቲት 5 ቀን 2016 ዓ.ም

ቢሮው የሴቶች ቀን 'ማርች 8' ን በተለያዩ ኹነቶች እንደሚያከብር ገለጸ
****************
(ኢ.ፕ.ድ)
የዘንድሮው የአለም ሴቶች ቀን(ማርች 8)በተለያዩ ኹነቶች ሊያከብር ዝግጅት ላይ መሆኑን የኦሮሚያ ሴቶች እና ሕጻናት ቢሮ ገለጸ።

የዘንድሮው ማርች 8 በአለም ለ113ኛ፣በኢትዮጵያ ደግሞ ለ48ኛ ጊዜ" በሴቶች ላይ መሥራት እድገት ያፋጥናል" በሚል መሪ ቃል ይከበራል።

የቢሮው ኃላፊ ወይዘሮ መብራት ባጫ ዛሬ በሰጡት ጋዜጣዊ መግለጫ እንደገለጹት፣ የክልሉን ሴቶች ተጠቃሚነት ለማረጋገጥ ሴቶችን በተለያዩ ማሕበራት የማደራጀት ሥራ ተሰርቷል።

የሴቶች የቁጠባ ባህል ለማዳበር 3.1 ሚሊዮን ሴቶች በሲንቄ ባንክ ከ 5.3 ቢሊዮን ብር እንዲቆጥቡ ተደርጓል።

በኦሮሞ ባሕል መሰረት 541 ሕጻናት በጉዲፈቻ ሕጋዊ ወላጅ እንዲያገኙ መደረጉን የገለጹት ኃላፊዋ፤ 15ሺህ የሚሆኑት ደግሞ በተለያዩ ድርጅቶች ድጋፍ እንዲያገኙ መደረጉን አመላክተዋል።

ወይዘሮ መብራት፣ የዘንድሮው የሴቶች ቀን ሲከበር ሶስት ቢሊዮን ብር ተጨማሪ ቁጠባ ከሴቶች ለመሰብሰብ መታቀዱን ጠቁመው፤ ለችግር የጋለጡ ሴቶችና ሕጻናት ድጋፍ ማድረግ፣ የሴቶች ሰላም ኮንፈረንስ ማካሄድ፣ሴት ተማሪዎችና ሴት ፋብሪካ ሰራተኞች ጋር ውይይት ማድረግና ማስ ስፖርት የአከባበሩ ኹነቶች መሆናቸውን አብራርተዋል።

በዋቅሹም ፈቃዱ
የካቲት 5 ቀን 2016 ዓ.ም