🕸️Social network ishlatmayman

📍 Jahongir Rahmonov

📞Tel:+998972163333

Telegram | Instagram | Facebook | YouTube | Tik Tok

Nega Yaponlar uzoq yashaydi?

Yaponiyada 9 yildan oshiq yashayapgan bo’lsam, yaqinlarim tomonidan berilgan eng ko’p savol bu - nega yaponlar uzoq yashaydi?

Quyida yaponlarning ba’zi odatlarini sizlar bilan ulashaman. Foydali deb topsangiz hech yo’q bittasini bo’lsa ham sinab ko’ring. Qani ketdik unda:

🟢 Har kuni vanna qabul qilish odati - Yaponiyada 3000 dan ziyod issiq buloqlar mavjud va bundan yaponlar juda samarali foydalanishadi. Ko’pchilik yapon tanishlarimni aytishiga qaranganda kunlik vanna qabul qilish yaponlarning sog’lom turmush tarzining asosiy sababi ekan.

🟢 Tozalov qilish odati - oddiy qilib aytganda yaponlar tozalovni judayam yaxshi ko’radi. Buni har galgi FIFA Jahon chempionatidan bilsangiz kerak. Shaxsan menga yoqadigan tomoni, bolalarga maktabgacha ta’lim muassalaridan boshlab tozalovga o’rgatadi.

🟢 Kunlik badan tarbiya qilish odati - hozirgi yosh avlod yaponlari haqida biror nima deyish qiyin, lekin o’rta yosh va yoshi ulug’lar deyarli hammasi har kuni yoki yugurish yoki shunchaki uzoqqa yurish kabi jismoniy mashqlar qilishadi. Xattoki, har kuni ertalab telekanalda badan tarbiya mashqlari bilan kunlik dasturlar boshlash odatdan.

🟢 Vaqtli uyg’onish odati - yaponlarning ko’p qismi erta uyg’onish va quyoshni kutib olishni odat qilgan. Yangi chiqqan quyosh nuridan to’yib energiya olish va bu kun bo’yi insonni tetik va yaxshi kayfiyatda yurishiga sabab bo’lishiga ishonishida.

🟢 Yapon ovqatlanish tartibi - yaponcha ovqatlar haqida butun boshli kitob yozsa bo’ladi. Qanchalik sabzavotlarga boyligi, har bir kaloriya balansi olingani, va albatta tushlik yoki kechki menuda turli baliqlardan tayyorlangan taom bo’lishi shular jumlasidan. Men uchun eng qiziq bo’lgan va albatta biz O’zbeklar ovqatlanish odatiga kiritishimiz zarur bo’lgan bir qoida bor, bu - 80% to’yganini his qilganida taomlanishni to’xtatish odati.

Aslida yuqoridagilardan boshqa yana juda ko’p odatlar bor, lekin hozir shular eng muhimlari deb bildim. Qo’shimcha fikrlarni kommentariyada qolding!

👉@lidernotes

Bir kichikdan…

Kecha kunduzi 2,5 yoshli o’g’limning birdan mazasi bo’lmay qoldi va har ehtimolga qarshi bugun ertalabda bolalar klinikasiga ko’rikka olib chiqdim. Ko’rikdan so’ng doktorimiz yozib bergan dorilarni olish uchun binoning 1-qavatidagi dorixonaga kirdik. Navbatimiz kelishini kutib turarkanmiz, chamasi 4-5 yosh atrofidagi bir bolakayga ko’zim tushib qoldi. Qo’lida koptok sifat o’yinchog’ini o’ynayapti va onasi tayyor bo’lgan dorilarni qabul qilib olyapti(Ma’lumot o’rnida, Yaponiya dorixonalarida har xil kasalga va uni iste’mol qiluvchi bolalarning yoshiga moslab dori tayyorlab beradi). Shu payt, boyagi bolakayni o’yinchog’i qo’lidan tushib ketib kassir stoli tagiga kirib ketib qoldi. Bolakay sokinlik va hotirjamlik bilan avval o’yinchog’ini o’zi olishga harakat qilmoqchi bo’ldi, lekin o’xshamadi. Shunda ham bolakay bir og’iz so’z yoki yordam ham so’ramay onasini kutdi. Shu oradi dorixona xodimi o’yinchoqni oyog’ini ostida ko’rib qoldi chog’i, darrov olib bolakayga berdi.

Agar shu holat o’zimizda bo’lganda qanday bo’lardi deb birozga tasavvur qilib ko’rdim. Katta ehtimol bilan 4-5 yoshdagi bolalarimiz o’zini bu darajada hotirjam tutmas edi. Har doimgidek Yapon bolalariga beriladigan tarbiyaga, jamoat joyida o’zini qanday tutishi kerakligini 2-3 yoshdan boshlab o’rgatishiga tan berdim.

Madaniyatni bir kichikdan o’rgan deganlari shu bo’lsa kerak.

👉@lidernotes

“O’zini bilgan odam Xizr bo’ladi”

Rumiy

Haqiqiy liderlik ham eng avval o’z-o’zini anglashdan boshlanadi.

👉@lidernotes

Ba’zida o’zimizning KATTA va YECHIMSIZ deb o’ylaydigan muammolarimiz aslida qanchalik kichik va mayda muammolar ekanligini bu go’zal tabiyat bir lahzada tushuntirib qo’yadi.

O’zingizga biroz tepadan, zoom out 🔎 qilib qarab turing ba’zida. Shunda ozgina bo’lsa ham hayot yengillasharmidi.

👉@lidernotes

Har kun 1%ga o’sish.

Shaxs sifatida doimiy rivojlanishni o’ylar ekanmiz, tabiiyki yangi va yaxshi odatlarni o’zimizda shakllantirishimizga to’g’ri keladi. Menga shaxsan bundan 2 yil oldin o’qigan “Atom odatlar” kitobidan olgan ko’plab ilmlar haligacha yordam beradi.

Shulardan biri - bu shakllantirmoqchi bo’lgan har qanday yangi odat ustida har kuni 1%ga o’sishni o’ylash va shunga harkat qilish. Masalan, sizda liderlik(yetakchilik) qobilyati yo’q, yani 0% holatdasiz va shu qobilyatni rivojlantirish uchun har kuni 1%ga yaxshiroq lider bo’lishni o’zizga norma qilib belgilab olasiz. 1 yildan keyin agar shu zanjirni uzmay davom ettirsangiz, 0% dan kamida 36%gacha sizda yangi qobilyat shakllanadi. Shaxsan men birinchi bu qoidani o’rganganimda, liderlik qobiyatimni yanada rivojlantirish uchun sinab ko’rganman. Oldingi ish joyimda taxminan 150ga yaqin ishchi bor edi va men yangi lider sifatida hammani ham yaqindan tanimas edim. Aniqrog’i, jamoamni yaxshiroq tanib olish uchun ko’p vaqt ajratmasligimni tushunib yetganman va har kuni 5ta bir xil bo’lmagan jamaodoshim bilan yaqindan tanishishni odat qilganman. 3 oy ichida deyarli hamma bilan yaqindan tanishish va ularning menga lider sifatida endi ishonch bilan qarashlarini turli vaziyatlarda seza boshlaganman.

Raqamlarda balkim ko’zga oson ko’rinishi yoki aytishga oson bo’lishi mumkin, lekin haqiqiy rivojlanish va muvofaqqiyat har kungilik kichik, uzluksiz qilib boriladigan odatlarimiz natijasi hisoblanadi.

👉@lidernotes

Siyosiy Madaniyat!

Jacinda Ardern, tarixda ilk bor homiladorlik ta’tilini olgan va o’zining ruhiy/jismoniy sog’ligini ustun ko’rib eng yuqori lavozimdagi ishidan iste’fo qilgan ilk ayol lider bo’ldi.

Toshkent shahar hokimi lavozimdan olingan bir paytda bizda bo’lyapgan xalqning har xil yoqimsiz munosabatlarini ko’rib, bu ayolning jasorat bilan qilgan qarori siyosiy madaniyatning go’zal ko’rinishi bo’lsa kerak deysan kishi.

Jacinda, Ortiqxo’jayev kabi liderlar ishdan ketsa yoki lavozimdan olinsa, xalqning ko’ziga faqat ularning qaysidir xatolari ko’rinadi xolos.

Insof qilaylik, liderlarni darrov yomonlash odatini tashlaylik!

👉@lidernotes

Jacinda Ardern kim?

Yangi Zilandiyaning amaldagi Boz Vaziri. Mamlakat tarixidagi 3-ayol Boz Vazir hisoblanadi. U 1980-yilda tavvallud topgan va 17 yoshidan boshlab siyosiy partiyalarda ko’ngilli(volontyor) sifatida faoliyat yurita boshlagan. 37 yoshida Bosh Vazir lavozimiga saylanadi va qisqa vaqt ichida homiladorlik ta’tiliga chiqishiga to’g’ri keladi. Ta’tildan qaytgach, bir vaqtning o’zida ham ona, ham davlat rahbari vazifasini uddasidan chiqishga, davlatda sodir bo’lyapgan ketma-ket noxush hodisalarga qat’iy yechimlari bilan liderlik qilgan.

2019-yildagi masjidga qilingan teroristik hujumdan so’ng halok bo’lganlar oilasiga hamdardlik bildirish uchun xalqni birdamlikka chorlagan va bir necha kundan so’ng mamlakatning qurol qonunlariga o’zgartirish kiritib, yarim avtomat va avtomatik qurollar sotilishini ta’qiqlab qo’ygan, o’z pozitsiyasiga ega lider.

Kecha iste’fo nutqida, ‘’qachon ketishni biladigan darajadagi o’zini tanigan lider bo’lishingiz kerak,” degan murojaat bilan yakunladi.

👉@lidernotes

Feminist…

Ohirgi paytlar O’zbekcha podcastlarda ayol haqida gap ketganda “…ana endi feministlar uchun gap topildi” degan gaplarni eshitib qolyapman va demak ular feminist emas ekanda deb o’ylab qolasan kishi.

Ma’lumot uchun, Feminist so’zi Cambridge Dictionary(lug’at)dan tarjima qilinganda - ayol kishining hamma bilan teng imkoniyatlar va huquqlarga ega bo’lishi uchun harakat qiladigan va bunga ishonadigan inson - degan ma’noni anglatar ekan.

Unda men ham Feminist ekanmanda deganlar ham bo’lsa kerak. Aytmoqchimanki, so’z katta ta’sir kuchiga ega va uning ma’nosini tushunmay ishlatish sizni eshityapgan 100K obunachiga noto’g’ri ta’sir qilib qo’yyapsiz.

Feminist bo’lib turib feministlar haqida negativ gapirishni to’xtataylik yaxshilar!

👉@lidernotes

Chang’idan maqsad

Birinchi marta chang’i uchganimda,

Maqsad — finishga tez yetib olish deb o’ylardim.

Professionallar biladi,

Tez yetib olish emas,

Yo’l tugab qolgunicha chiroyli burilishlar qilish — maqsad.

Jarayondan zavqlanish — maqsad.

Qolgan narsalar ham shunday.

Farzand katta qilib, uzatib yuborish maqsad emas,

Har bir kulgusidan mazza qilish — maqsad.

Biznes qurib boyib ketish maqsad emas,

Jamoa bilan birga o’sish — maqsad.

Yuzta kitob tugatish maqsad emas.

Kitob o’qishni o’zi maqsad.

@azizrakhimov_blog

Yengil o’rganish.

Davr tez o’tib borayotgani yoki biz bu tez rivojlanishga moslasha olmayapganimizdanmi, biror nimani o’rganish kerak bo’lsa eng yengil va tez yo’lini qidirishga o’rganib qolganmiz.

Yengil o’rganish ko’p holatlarda rivojlanishimizga yordam bermaydi. U aldovchi bo’ladi va yengilgina unutilib ketuvchi bilimga aylanib qoladi.

👉@lidernotes

Hissiy intellekt nima?

Zamonaviy liderlar yoki hozirgi muvofaqqiyatli liderlarning eng katta yutug’i yoki kamchiligi bu hissiy intellekti yuqoriligida yoki pastligida deb o’ylayman. Ya’ni ko’plab top kompaniyalardagi boshqaruv strategiyasiga yondashuv markazida insonlar(ishchilar) bo’lishiga harakat qilyapti. Oddiy qilib aytganda, har qanday liderlik faoliyatida siz boshqarayotgan jamoaning his-tuyg’ulari bilan hisoblashgan holda, ularning fikrlarini inobatga olgan holda muhim qarorlar qabul qilishingizga hissiy intellekt deyiladi.

Psixologlarning ta’rifiga ko’ra esa hissiy intellekt - bu o'zida va boshqalarda his-tuyg'ularni to'g'ri baholash va ifodalashga yordam beradigan ko'nikmalar to'plami.

Haqiqiy lider faqat raqamlarga asoslanibgina jamoani boshqarishi emas, jamoa a’zolarining his-tuyg’ularini ham inobatga olishi eng muhim faktorga aylanib boryapti.

👉@lidernotes

#Suhbat
Loyihamiz doirasidagi Navbatdagi suhbat. Yaponiyada bizness boshqaruvi va marketing sohasida taʼlim olgan, hozirda Apple  kompaniyasida Retail bo’limida ishlab kelayotgan 🎙Xurshid Saidmuhammad.
[ Biznes Manager va Coach ]
💡Mavzu: "Lider Inson"

⏰ 28-yanvar, soat 20:00da.
📌Manzil: @Al_Tafkir kanali

✅ @lidernotes

🔗 Kanalimiz: 👇🏻 https://news.1rj.ru/str/+jmZgr--ms7RmODUy

Ohirgi yillarda atrofimizda “motivatsiya yo’q, nima qilishga ham hayronman…” deb ozgina siqilib qolsa ham har xil joylardan motivatsiya qidiradiganlar ko’payib ketdi.

Motivatsiya so’zini o’rniga MAS’ULIYAT so’zini ishlatish vaqti kelmadimikin?!

Zamonaviy liderlarimiz atrofidagilarga har bir qilyapgan ishiga mas’uliyat bilan yondashishga o’rgatishi kerak.

O’z ishiga mas’uliyat bilan yondashgan insonda motivatsiya o’z-o’zidan ko’tarilib ketaveradi.

👉@lidernotes

#Eslatma

Bugun Toshkent vaqti bilan soat 20:00da @Al_Tafkir kanalida “Lider inson” mavzusida ilk Podcast suhbatimiz bo’lib o’tadi.

Qiziqtirgan savollaringiz va albatta vaqtingiz bo’lsa quyidagi havola orqali qo’shilishingiz mumkin.👇

🔗 https://news.1rj.ru/str/Al_tafkir?livestream

#Suhbat 🎙02
"NAJOT KEMASI" loyihasi doirasida ovozli suhbat boʻlib oʻtdi.
🎙Xurshid Saidmuhammad.
[ Biznes Manager va Coach ]
Mavzu:💡"Lider Inson"

✅ @lidernotes

🔗Manfaatli deb bilsangiz, yaqinlaringiz bilan ham ulashing✨😊 👉 @Al_Tafkir  ilm yo‘lidagi hamrohingiz

🚀 Head Approach🗣️

Liderlarda biror natijaga erishish uchun raqamlarga asoslanish va ularni asosiy maqsadlari markazida ushlash Head Approach deyiladi. Ya’ni liderlar bu yo’l orqali xodimlariga aniq maqsadlar va ko’rsatmalarni raqamlar ko’rinishida doimiy tushuntirib borishadi.

Lekin yaxshi lider bir vaqtning o’zida Heart Approach - ya’ni xodimlarga ularni pozitiv kayfiyat va energiyada ushlab turadigan turli usullardan ham foydalanadi va bu ikki usulning balansini olishga harakat qiladi.

Xodimining rivojlanishi to’g’risida qayg’urmaydigan lider, shunchaki rahbar. Unga lider deb aytishimiz qiyin.

👉@lidernotes

Rahbar bo’lmasdan liderlik qilishning 5 usullari.

Haqiqiy lider egallab turgan lavozimi bilan belgilanmaydi. Va sizlar bilan quyida rahbar bo’lmasdan turib ham liderlik qilish yo’llari haqida gaplashamiz:

✅ Proaktiv (faol) bo’ling - liderlar kimdir ularga qanday muammolarni hal qilishni aytishini kutib o’tirishmaydi. Ular atrofdagi muammolarni anglab, unga doim yechim bilan kelishadi.

✅ Atrofdagilarni rag’batlantiring - jamoadoshlarni rag’batlantirish uchun rahbar bo’lish shart emas. Atrofdagilarga yordam berish, jamoaviy ishlashga undash va har bir g’oya uchun qiziqish bildirish orqali rag’bat bersa bo’ladi.

✅ Mas’uliyat doirasidan tashqaridagi vazifalarga ustlaning - haqiqiy liderning “Bu mening vazifam emas” deganini eshitmaysiz. Liderlar doim mas’uliyat doirasidan tashqari vazifalarni bajarishga moyil bo’lishadi.

✅ Atrofdagilarni maqtang - liderlar doim atrofdagilarning yaxshi natijalari uchun “Rahmat” aytib maqtash orqali yaxshi niyat va ishonchlilikni bildirishadi.

✅ Bilimlarni ulashing - o’z bilimlaringizni baham ko’rishdan uyalmang. Boshqalarga yo’l ko’rsatishga tayyor bo’lgan expert sifatida o’sish sizni lider sifatida tan olishga yordam beradi.

👉 @lidernotes