📢 У Steam зьявілася дата рэлізу Star Wars Jedi: Survivor.

На старонцы Star Wars Jedi: Survivor у Steam зьявілася дата выхаду гульні — 16 сакавіка 2023 году.

Дзеяньне гульні разгортваецца праз 5 гадоў пасьля падзеяў Star Wars Jedi: Fallen Order і распавядае пра ўсё больш адчайную барацьбу Кэла падчас яшчэ большага апусканьня галяктыкі ў цемру!
Выцесьнены Імпэрыяй на край галяктыкі, Кэл апынецца акружаны новымі пагрозамі зь якімі трэба будзе змагацца.

Магчыма афіцыйна дату прэзентуюць 9 сьнежня, на The Game Awards 2022, раней EA паказала новы канцэпт-арт Star Wars Jedi: Survivor.

Upd. Распрацоўшчыкі пацьвердзілі свой удзел у Game Awards 2022.

📰 Стваральнікі Hogwarts Legacy прадставілі ўверцюру з кампазыцыяў саўндтрэку Hogwarts Legacy.

У роліку Overture to the Unwritten можна пачуць мноства ўрыўкаў з кампазыцыяў напісаных для гульні.
У запісе ўверцюры ўдзельнічалі 54 музыкі й хор.

Акрамя музыкі, у роліку можна назіраць розныя краявіды Хогвартса.

Рэліз гульні адбудзецца 10 лютага 2023 г. на PC, Xbox і PlayStation, а пазьней і на Nintendo Switch.

📰 CD Projekt спыніць падтрымку картачнай гульні «Гвінт» пасьля 2023 году.

Падчас афіцыйнага стрыма, аўтары праекта абвясьцілі, што пасьля 2023 году ў гульню ўжо ня будуць дадаваць новыя калоды картаў.

Гульцоў чакае яшчэ тры наборы карт і кібэрспартыўны сэзон (які будзе доўжыцца практычна ўвесь год).

Распрацоўшчыкі задаволеныя вынікам, які дасягнула гульня (асабліва калі ўлічыць, што яны не плянавалі разьвіваць яе да такіх маштабаў), а што б гэта ўсё не было дарма, з 2024 гады аўтары выпусьцяць інструмэнтар, пад кодавай назвай Gwentfinity, які дазволіць гульцам самім займацца балянсам гульні.

Вітаю спадарства! Амаль кожны дзень колькасьць беларускамоўных праектаў павялічваецца (што ня можа не цешыць). Сёньня хацеў бы парэкамэндаваць вам некаторыя зь іх (спадзяюся знойдзеце нешта цікавае для сябе!):

Палявая пошта — Беларусь на старых паштоўках і фота, а таксама сучасныя ракурсы старых здымкаў.

Пошукі старога Гомеля — гістарычныя даследаванні Гомеля онлайн. Нас цікавяць артэфакты і з'явы гарадскога асяроддзя мінуўшчыны.

‡našaradzima.by — гісторыя нашага краю зь цікавымі фактамі й прыгажосьцю краіны. Ад Полацкага княства - да Рэспублікі Беларусь.

Тадэвуш Падкасцюшка — гэта асабістыя парады беларускамоўных падкастаў, youtube-каналаў, instagram і tiktok блогаў, ды іншых праэктаў, зробленых па-беларуску. Толькі правераны і якасны кантэнт ад Пана Тадэвуша.

📢 У Steam адбыўся рэліз абноўленага Dwarf Fortress.

Самая глыбокая й складаная сымуляцыя сьвету, калі-небудзь створаная. Легендарная крэпасьць гномаў цяпер у Steam. Пабудуйце крэпасьць і паспрабуйце дапамагчы сваім гномам выжыць!

Галоўнае адрозьненьне абноўленай вэрсіі Dwarf Fortress ад арыґінальнай — перапрацаваная графіка. Распрацоўнікі зьмянілі традыцыйны ASCII-арт на піксель-арт і да таго ж дадалі навучаньне.

Кошт гульні — 14,49$.

📢 Valheim афіцыйна атрымала абнаўленьне Mistlands.

Адбыўся выхад абнаўленьня Mistlands, якое пераўносіць у гульню мноства новага:

▫️9 новых істот;
▫️1 новы бос;
▫️больш за 20 новых матэрыялаў для крафта;
▫️3 новых зельля;
▫️15 тыпаў ежы;
▫️звыш 25 відаў зброі, брані й інструмэнтаў;
▫️больш за 35 новых будынкаў і мэблі;
▫️новы біём;
▫️новы тып падзямельляў і іншае.

Абнаўленьне ўжо даступна ўсім уладальнікам гульні.

📰 Larian на The Game Awards пакажа трэйлер Baldur’s Gate 3, прысьвечаны Мінску (не Менску).

Larian апублікавала кароткі тызер, які падагравае цікавасьць гульцоў да The Game Awards, на якім павінны будзе прысутнічаць і распрацоўшчыкі Baldur’s Gate 3.

У тызеры можна ўбачыць статую Мінска, якая павольна ажывае пад музыку.

Мінск — культавы герой серыі Baldur’s Gate, які падарожнічае з уласным спадарожнікам: мініятурным гіганцкім касьмічным хамяком па імені Бу. Верагодна, знакаміты пэрсанаж зьявіцца ў Baldur’s Gate 3.

📢 Адбыўся рэліз Knights of Honor 2: Sovereign.

Абярыце сваё каралеўства й станьце каралём, змагаючыся за кантроль над Эўропай у гэтай новай стратэгіі ў рэальным часе. Кіруйце правінцыямі, зьбірайце арміі, наймайце дыпляматаў і займайцеся шпіянажам. Шлях адкрыты: стань сапраўдным уладаром сьвету!

Аўтары аглядаў хваляць стратэгію, называючы яе комплекснай і насычанай гульнёй, здольнай завабіць на дзясяткі гадзін, але падкрэсьліваюць, што ў Sovereign сустракаюцца непрыемныя багі.

Кошт гульні ў Steam — 22,49$ (зараз са зьніжкай у 12% — 19,79$).

📢 Зьявіўся першы ґеймплэйны ролік Warhammer 40,000: Rogue Trader.

7 сьнежня Owlcat Games запусьцілі альфа-тэст ролевай Warhammer 40,000: Rogue Trader, для ўладальнікаў двух самых дарагіх выданьняў гульні (Developer’s Digital Pack – 100 $ і Collector’s Edition – 300 $).

Большая частка ґеймплэя прысьвечана бітвам і крыху дыялогавай сыстэме.

Гульня прапануе прымерыць на сябе ролю Вольнага Гандляра, які вывучае малавядомы сэктар космасу ў папулярным сусьвеце Warhammer.

Дакладнай даты рэлізу ў Rogue Trader няма.

📢 Адбыўся рэліз Hello Neighbor 2.

Hello Neighbor 2 вітае вас у ціхім, але поўным сакрэтаў Рэйвен Бруксе. Вы — вядучы расследаванне журналіст, які марыць разгадаць змрочныя таямніцы сваіх суседзяў і раскрыць справу містэра Пітэрсана, знакамітага антаганіста Hello Neighbor 1.

Кошт гульні ў Steam — 18,49$.

📢 У Steam адбыўся рэліз Assassin’s Creed Valhalla.

Вам трэба прайсьці шлях да славы, згуляўшы за легендарнага вікінга. Нападайце на ворагаў, разьвівайце паселішча й ўзмацняйце свой уплыў!

Кошт ў Steam — 59,99$.

📰 Завяршылася цырымонія The Game Awards 2022. Падводзім вынікі.

Перш за ўсё на мерапрыемстве абвясьцілі вынікі галасаваньняў:

🔸Гульня году — Elden Ring;
🔸Найлепшая пастаноўка — Elden Ring;
🔸Найлепшая падтрымка гульні — Final Fantasy XIV;
🔸Найлепшая інды-гульня — Stray;
🔸Найлепшая дэбютная інды-гульня — Stray;
🔸Найлепшае апавяданьне — God of War: Ragnarok;
🔸Найлепшы мастацкі стыль — Elden Ring;
🔸Найлепшая музыка — God of War Ragnarok;
🔸Найлепшы аўдыёдызайн — God of War: Ragnarok;
🔸Найлепшая акторская праца — Крыстафер Джадж (Кратас з God of War: Ragnarok);
🔸Гульня, якая аказала найбольшы ўплыў — As Dusk Falls;
🔸Найлепшая падтрымка супольнасьці — Final Fantasy XIV;
🔸Найлепшая мабільная гульня — Marvel Snap;
🔸Найлепшая VR/AR-гульня — Moss: Book II;
🔸Найлепшы экшэн — Bayonetta 3;
🔸Найлепшая прыгода — God of War Ragnarok;
🔸Найлепшая ролевая гульня — Elden Ring;
🔸Найлепшы файтынг — MultiVersus;
🔸Найлепшая сямейная гульня — Kirby and the Forgotten Land;
🔸Найлепшая спартовая гульня — Gran Turismo 7;
🔸Найлепшы сімулятар/стратэгія — Mario + Rabbids Sparks of Hope;
🔸Найлепшы мультыплэер — Splatoon 3;
🔸Самая чаканая гульня — The Legend of Zelda: Tears of the Kingdom;
🔸Найлепшыя інавацыі — God of War: Ragnarok;
🔸Найлепшая кібэрспартыўная гульня — Valorant;
🔸Найлепшая адаптацыя — Arcane: League of Legends.

Тут сабралі для вас усе самыя цікавыя трэйлеры, якія былі прадстаўлены на мерапрыемстве.

#TheGameAwards

📰 Стваральнікі Diablo IV не ўпэўненыя ў сваёй гульні.

Супрацоўнікі Blizzard таемна падзяліліся з выданьнем The Washington Post падрабязнасьцямі аб тым, як праходзіць распрацоўка Diablo IV.

Рэліз гульні заплянаваны на 6 чэрвеня 2023, але будзе вельмі складана ўкласьціся ў тэрміны без перапрацовак. Галоўная праблема — неэфэктыўнае кіраваньні з боку мэнэджэраў.

Распрацоўнікі ведаюць, што фанаты ўскладаюць вялікія надзеі на гульню й вельмі баяцца, што яна можа іх расчараваць (асабліва калі з-за кранчаў давядзецца выразаць кантэнт).

Атмасфэра ў камандзе Diablo IV такая, што супрацоўнікі змушаныя заставацца звышурочна, паколькі не жадаюць выпускаць незавершаную гульню (некаторыя прызналіся што ў іх пачаліся праблемы са здароўем з-за рэгулярных перапрацовак).

Вінаватымі ў хаосе называюць Себасьцьяна Стэмпеню (былы супрацоўнік CDPR, што адказваў за Cyberpunk 2077) (яго вінавацяць у тым, што ён пачынае праект, а пасьля няўдач выкідвае яго не даючы шанцу ўсё выправіць) і Бобі Коціка (які заахвочвае кранчы).

📢 У Steam адбыўся рэліз Chained Echoes.

Хапайце меч, канцэнтруйце свае чароўныя сілы ці ўзбройвайцеся баявымі мэханізмамі. Chained Echoes — гэта RPG з графікай у 16-бітным стылі ў дзіўным сьвеце, дзе можна сустрэць як цмокаў, так і кіраваныя баявыя машыны!

Кошт гульні — 12,49$.

📰 Microsoft падвышае кошты на новыя гульні для Xbox Series.

Microsoft абвясьціла, што ў 2023 годзе, усе гульні ўнутраных студыяў Xbox (уключаючы Forza Motorsport, Redfall і Starfield) выйдуць у рэліз з коштам у 70$.

Па словах прадстаўнікоў Xbox рэгіянальныя кошты могуць адрозьнівацца, але дэталі пакуль не вядомыя. Кампанія лічыць, што кошт адлюстроўвае зьмест, маштаб і тэхнічную складанасьць гульняў (асобна адзначаюць, што амаль усе гульні, створаныя камандамі Xbox, будуць даступныя ў Game Pass з дня рэлізу).

Павышэньне коштаў пракамэнтаваў Філ Спенсер (гендырэктар Xbox), паводле яго словаў, кампанія старалася ўтрымліваць кошты на кансолі, гульні й падпіску, аднак гэта немагчыма рабіць вечна (заўв. не зусім зразумела, ці закране падаражэньне самі кансолі).

Раней аб павышэньні коштаў абвясьцілі Sony, Ubisoft і Take-Two Interactive.