📰 Game Informer падзяліўся сьвежымі падрабязнасьцямі рэмэйку Resident Evil 4.

Журналісты з Game Informer пагулялі ў некаторыя разьдзелы рэмэйку Resident Evil 4 і падзяліліся сваімі ўражаньнямі.

Калі коратка:

🔸Дасьледаваць нутрагульнявы сьвет стала яшчэ цікавей! Распрацоўнікі дадалі альтэрнатыўныя шляхі, і дадатковыя лорныя запіскі, розныя, простыя дадатковыя квэсты;
🔸У рэмэйку зьявяцца новыя ворагі. Журналісту ўдалося сутыкнуцца зь мясцовым жыхаром у масцы быка й цяжкім молатам;
🔸У гульні зьявяцца новыя анімацыі сьмерці;
🔸У рэмэйку зьявіцца новая зброя, адна зь іх — балтамёт, які можна выкарыстоўваць у стэлсе;
🔸Абноўленая Эшлі стала больш сталым і сур’ёзным пэрсанажам, аднак характар яе, амаль не зьмяніўся;
🔸Эшлі больш нельга будзе пакінуць у зацішным месцы й спакойна зачышчаць тэрыторыю. Па словах ґеймдырэктара гульні, стары варыянт супярэчыць канцэпцыі «быць разам з Эшлі»;
🔸Больш у Эшлі няма паласы здароўя;
🔸У гульні зьявілася больш сытуацыяў, дзе неабходна прысутнасьць адразу двух герояў;
🔸QTE больш няма;
🔸Лазерны прыцэл ня будзе даступны адразу, зараз гэта варыянт апгрэйду.

Нагадаем, рэліз гульні адбудзецца 24 сакавіка на ПК, абодвух пакаленьнях PlayStation і Xbox Series.

Добры дзень! Раю вам канал, на якім вы зможаце знайсці цікавыя факты пра тэхніку і навіны тэхналогій. Усё пра Усё вярнуўся!

Па спасылцы: t.me/allabouttexnologys

📰 Activision запатэнтавала «бясконцы мультыплэер».

Выданьне Exputer зьвярнула ўвагу карыстачоў, на новы патэнт Activision, у якім апісваецца канцэпт неабмежаванага гульнявога сэансу. Калі быць дакладней — «сыстэму й мэтад, якія забясьпечваюць бесьперапынны гульнявы працэс у шматкарыстальніцкіх відэагульнях пасродкам неабмежаванага гульнявога сэансу».

Прасьцей кажучы, гаворка ідзе аб мультыплэерным рэжыме, у якім адзін матч застаецца актыўным да таго часу, пакуль у ім знаходзіцца хаця б адзін гулец. Канцэпцыя адрозьніваецца ад MMO тым, што ў апошніх сэрверы застаюцца анлайн без прысутнасьці гульцоў, а матчы завяршаюцца па заканчэньні часу або дасягненьню іншых мэт.

📰 У новай The Sims будзе мультыплэер, але з адным «але».

Такой інфармацыяй падзяліліся распрацоўшчыкі з Maxis, на апошнім стрым, прысьвечаным Project Rene.

Аднак гульню ня стануць пераўтвараць у ММА, дзе на адной мапе хадзілі б гульцы-сімы (распрацоўнікі жадаюць захаваць пэўную «інтымнасьць» адзіночнай гульні кожнага карыстальніка).
Замест гэтага гульцам прапануюць больш просты варыянт узаемадзеяньня — да прыкладу, магчымасьць адначасова кастамізаваць дом й падбіраць патрэбную мэблю.

Таксама распрацоўшчыкі падкрэсьлілі, што імкнуцца стварыць шматплятформавы праект, таму рэліз гульні заплянаваны ў тым ліку й на мабільных прыладах. Няхай вэрсіі чымсьці могуць і адрозьняцца, але ідэя заключаецца ў тым, каб уся ваша гульнявая інфармацыя знаходзілася там, дзе вам трэба.

📰 Распрацоўнікі Dragon Age Inquisition прызналіся ў тым, што жывёлы ў гульні не ўмеюць паскарацца.

Нягледзячы на наяўнасьць дастатковай, адкрытай тэрыторыі для дасьледаваньня ў Dragon Age Inquisition, большая частка гульцоў пагодзіцца зь меркаваньнем, што дасьледаваць яго лепш пешшу, а ня конна.

Чыньнікам зьяўляецца іх бескарыснасьць. Са словаў былога прадзюсар Dragon Age Марка Дарра, дадалі іх у гульню для "галачкі", бо на той момант яны былі вельмі папулярныя ў такіх гульнях.
Спачатку BioWare стварыла досыць прапрацаваны прататып сыстэмы верхавой язды, ды нават з магчымасьцю коннага бою, аднак па досьведзе Bethesda зразумелі, што з-за новай сыстэмы давядзецца перарабляць многія ўзроўні. Вырашана было прыкруціць яе ў выглядзе "мыліцы" і пакінуць як ёсьць.

Зусім нядаўна, дызайнер сінэматыкаў Inquisition Джон Эплер, пацьвердзіў тое, у чым фанаты гульні даўно падазравалі распрацоўшчыкаў — коні й іншыя ездавыя жывёлы ў Inquisition не ўмеюць паскарацца. Замест гэтага распрацоўшчыкі зьвярнуліся да зману зроку:

«Калі вы ўключаеце «спрынт» на кані ў Inquisition, на самой справе амаль анічога не мяняецца. Frostbite (заўв. гульнявы рухавічок) ня мог дастаткова хутка стрыміць ўзроўні, і таму мы проста дадалі палоскі ў паветры й зьмянілі камэру для адчуваньня паскарэньня

Я гадамі насіў у сабе пачуцьцё віны. Віна — яна як акіян, і я стаміўся тануць.
Адчуваю сябе так, нібы ў вас на вачах забіў Санту Клаўса».

📰 Frictional Games перанесла рэліз Amnesia: The Bunker.

Распрацоўнікі паведамляюць, што цяжкая зіма й хваробы нэґатыўна паўплывалі на невялікую каманду, а значыць і на стварэньне гульні. Каманда хоча выпусьціць якасны прадукты, а якасная праца не любіць сьпешкі, таму яны вырашылі ўзяць дадатковы час.

Цяпер рэліз адбудзецца 16 траўня.

Нагадаем, анонс гульні адбыўся ў пачатку сьнежня мінулага году й з тых часоў, распрацоўшчыкі даволі актыўна дзяліліся тызерамі новай гульні (№1; №2), у якой гульцам трэба прымерыць на сябе ролю салдата Першай сусьветнай вайны, зачыненага ў старым бункеры, сам-насам з рэвальверам і сваімі кашмарамі!
Першапачаткова рэліз плянавалі на сакавік 2023 году.

📢 Стваральнікі Call of Duty: Warzone 2 прадставілі новую мапу для другога сэзона.

Востраў Ашыка, таксама вядомы як «Востраў марскога льва», зьяўляецца часткай невялікага архіпеляга, разьмешчанага ў невядомым месцы дзесьці ў APAC (Азіяцка-Ціхаакіянскім рэгіёне). Апошнія паведамленьні паказваюць, што востраў выкарыстоўваецца ў якасьці цэнтра для ультранацыяналістычнай групы Konni, у тым ліку для транспарціроўкі хімічнай і біялягічнай зброі.

Старт другога сэзона адбудзецца 15 лютага, мапа Ashika будзе даступна бясплатна.

📰 EA спыняе падтрымку Apex Legends Mobile і распрацоўку Battlefield Mobile.

Electronic Arts абвясьціла аб спыненьні падтрымкі мабільнай вэрсіі Apex Legends, праект пратрымаўся ўсяго толькі адзін год.
1 траўня, Apex Legends Mobile стане недаступнай для гульні, паводле ўмоў карыстальніцкага пагадненьня, выдаткаваныя гульцамі сродкі вернутыя ня будуць!

Гэтак жа EA спыніла распрацоўку Battlefield Mobile, спасылаючыся на жаданьне перагледзець бягучы курс разьвіцьця серыі, зьмяніўшы яго ў больш лепшы бок, каб апраўдаць чаканьні гульцоў.

📰 Remedy апублікавала новы канцэпт Alan Wake 2.

Нажаль ніякай інфармацыі дадзеная выява не дае (хіба толькі намякае на агульную стылістык гульні).

Стваральнікі Alan Wake 2 неахвотна дзеляцца падрабязнасьцямі свайго праекту, аднак ня так даўно, Сэм Лэйк (крэатыўны дырэктар Remedy) заявіў, што гэта будзе самы буйны праект студыі:

«За мінулыя гады наша мара аб стварэньні Alan Wake 2 стала неверагодна амбіцыйнай і ўнікальнай. Гэты праект, усё гэта прадпрыемства — гэта наша самая буйная гульня! — і для яго ўвасабленьня шмат зорак павінна сысьціся разам!».

Рэліз гульні заплянаваны на 2023 год, для PS5, Xbox Series і PC (Epic Games Store).

📰 Сюжэт Death Stranding 2 быў напісаны спэыяльна пад акторку Эль Фэнінг.

Такую інфармацыю агучыў Джэф Кілі, у чарговым падкасьце Brain Structure (падкасты Spotify недаступныя ў Беларусі).

У новым выпуску падкаста, госьцяй Хідэа Кадзімы стала акторка Эль Фэнінг («Малефісента: Уладарка цемры»; «Нэонавы дэман»). Як высьветлілася, ґеймдызайнер велізарны фанат дадзенай акторкі й сочыць за яе кар’ерай амаль з самага пачатку.

Кадзіма даўно хацеў прыцягнуць яе да аднаго са сваіх праектаў і па словах сувядучага Джэфа Кілі, ён з самага пачатку пісаў сюжэт гульні пад гэраіню Эль Фэнінг, менавіта ёй адведзена галоўная роля (праўда невядома якая, адны фаната мяркуюць, што гэта роля Люізы, аднак іншыя кажуць, што гэта занадта банальна).

Ажыцьцявіць мару знакамітага ґеймдызайнера дапамог рэжысэр Нікалас Рэфн (удзельнічаў у стварэньні Death Stranding і зьняў вышэйзгаданы фільм «Нэонавы дэман»). Рэфн пераказаў сюжэт новай гульні акторке (якая не вельмі цікавіцца відэагульнямі) і яна пагадзілася.

📢 Адбыўся рэліз прыгодніцкай гульні Tails: The Backbone Preludes.

Tails: The Backbone Preludes — гэта апавядальная постнуарная прыгода з множнымі варыянтамі выбару. Гэта гісторыя пра зьмены, абставіны й наступствы. Правядзіце чатырох пэрсанажаў праз найважнейшыя моманты іхняга жыцьця ў антыўтапічным Ванкуверы, населеным антрапаморфнымі жывёламі!

Кошт гульні ў Steam — $8.49.